Wulo 11:15 - BAEBOLO ANZƐƐ BULUKU NWUANZANWUANZA

¹⁵ Ɔluakɛ bɛkpole bɛ la ati dasanli rayɛle Nyamenle agɔnwo, na saa akee bɛdie bɛ bɛto nu a bɛ fɛlɛkolilɛ bayɛ kɛ asɛɛ bɛvi ewule nu bɛdwazo bɛra ngoane nu la.

Wulo 11:15 ပူးပေါင်းရင်းမြစ်များ

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Edwɛkpa ne kɛmɔ Luku hɛlɛle la 15:24

Ɔluakɛ me ra ɛhye, mefa ye kɛ ɔwule, na kɛkala yera ngoane nu; ɔminlinle, na kɛkala menwu ye.’ Na bɛbɔle ɔ bo kɛ bɛdie bɛ nye.

Edwɛkpa ne kɛmɔ Luku hɛlɛle la 15:32

Noko ɔwɔ kɛ yɛdie yɛ nye na yɛdi fɛlɛko ala, ɔboalekɛ, ɛ diema ye, ɔwule, yɛɛ yezia yera ngoane nu bieko a; ɔminlinle, yɛɛ yɛnwu ye a.’ ”

Wulo 14:1

Mɔɔ ye diedi le ekyi la, bɛlie ye wɔ bɛ avinli, noko bɛ nee ye mmasu ye adwenle nu nzuzulɛ biala anwo kpolera.

Wulo 14:3

Mɔɔ di debie biala la mmakpo mɔɔ ɛnli debie biala la, yɛɛ mɔɔ di nya nya nee mbakama ala la mmabua mɔɔ di debie biala la ndɛne, ɔluakɛ Nyamenle ɛlie ye ɛdo nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:10

Ngyehyɛlɛ ɛhye, mɔɔ ye mekɛ dwu a Nyamenle bamaa yeali munli la a le kɛ, ɔkuohua abɔdeɛ muala mɔɔ wɔ anwuma nee aze la anloa, na yeava Kelaese yeazie bɛ ti.

Yekile 11:11

Na kenle nsa nee foa ne anzi, ngoane ɛnwomenle vi Nyamenle ɛkɛ rawolole bɛ nu, na bɛdwazole, na ɛzulolɛ kpole hanle bɛdabɛ mɔɔ bɛnwunle bɛ la amuala.