Wulo 10:5 - BAEBOLO ANZƐƐ BULUKU NWUANZANWUANZA

⁵ Wɔ mɛla ne azolilɛ nu, Mosisi hanle kɛ sonla mɔɔ kɛyɛ mɔɔ mɛla ne kpondɛ la balua zolɛ anyia ngoane.

Wulo 10:5 ပူးပေါင်းရင်းမြစ်များ

Nihɛmaya Buluku ne 9:29

Ɛbɔle bɛ kɔkɔ kɛ bɛli wɔ ngilehilelɛ ne mɔ azo, na mgbanyizonle nu ala bɛkpole wɔ mɛla nee wɔ ngyehyɛlɛ ne mɔ; noko wɔ mɛla zo ɛlilɛ ne a le ngoane adenle ne a. Adubɛnwo nee anzosesebɛ nu, bɛkpole kɛ bɛnrɛli zolɛ.

Ayezaya Buluku ne 55:3

“Bɛrɛla, bɛyɛ ɛnzonlɛ bɛdie me; bɛdie, amaa bɛanyia ngoane, na me nee bɛ bakyekye ngyekyeleɛ mɔɔ ɛntulu ɛlɛ, na bɛanyia me ɛhulolɛ kpundii ne mɔɔ menvale mengulole Belemgbunli Devidi la.

Yizikeɛle Buluku ne 20:11

Menvale me mɛla ne memanle bɛ na mengilehilele bɛ me ngyehyɛlɛ ne mɔ mɔɔ sonla di zolɛ a ɔnyia ngoane la.

Yizikeɛle Buluku ne 20:13

Noko Yizilayɛma dele me nwo atua wɔ fienemgbole ne anu. Bɛanli me mɛla ne mɔ azo, bɛkpole me ngyehyɛlɛ ne mɔ mɔɔ bɛdi zolɛ a bɛkɛnyia ngoane la, yɛɛ bɛambu me Ɛnwomenlelielɛ Kenle ne mɔ bie. Menyɛle me adwenle kɛ mewola me ɛya ne meagua bɛ nwo zo wɔ fienemgbole ne anu, na meabɔ bɛ bo zo bɔkɔɔ.

Yizikeɛle Buluku ne 20:21

“Noko bɛ awolɛndoazo zɔhane dele me nwo atua. Bɛanli me mɛla ne mɔ azo, yɛɛ bɛanli me ngyehyɛlɛ ne mɔ mɔɔ bɛdi zolɛ a bɛkɛnyia ngoane la azo. Eza bɛambu me Ɛnwomenlelielɛ Kenle ne mɔ bie. Menyɛle me adwenle kɛ mewola me ɛya ne meagua bɛ nwo zo, na meazɛkye bɛ wɔ fienemgbole ne anu.

Sɛlɛ 18:5

Yemɔti ɔwɔ kɛ bɛdi me mɛla nee me ngyehyɛlɛ ne mɔ azo Yemɔ yɛɛ saa bɛyɛ a, bɛkɛnyia ngoane a: Medame a mele Ɛdɛnkɛma a.

Wulo 7:10

na menwule. Na mɛla ko ne ala mɔɔ anrɛɛ ɔwɔ kɛ bɛlɛ me ngoane la, rayɛle ewule manle me.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:12

Noko mɛla ne azo ɛlilɛ nee Nyamenle mɔɔ ɛdie ye wɔali la ɛnle ko. Ɔluakɛ, Nyamenle Edwɛkɛ ne se, “Awie mɔɔ di mɛla ne amuala azo la a banyia ngoane a.”

Mɛla 4:1

Na Mosisi zele menli ne kɛ, “Yizilayɛma, kɛkala, akee bɛdie mɛla nee ngyehyɛlɛ mɔɔ melɛkilehile bɛ la na bɛli zolɛ, amaa bɛanyi bɛahyɛ na bɛahɔva azɛlɛ ne mɔɔ Ɛdɛnkɛma, bɛ ze mɔ Nyamenle ne ɛlɛfa amaa bɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:9

na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.