Wulo 10:19 - BAEBOLO ANZƐƐ BULUKU NWUANZANWUANZA

¹⁹ Eza mebiza bieko kɛ, ɛnee Yizilayɛma ande ɔ bo ɔ? Dumua tie mɔɔ Mosisi hanle la; ɔse, “Mebamaa bɛ nye abolo menli bie mɔɔ ɛnfɛta maanle bɔbɔ la; na mebalua kɔnwɔnema bie maanle zo meamaa bɛava ɛya.”

Wulo 10:19 ပူးပေါင်းရင်းမြစ်များ

Gyɛlɛmaya Buluku ne 10:14

Wɔ ɔ nyunlu, awie biala le kɔnwɔne, yɛɛ ɔnlɛ adwenle; ezukoa dwinvolɛ biala ananze mɔɔ ɔkɛyɛ la gua ɔdaye mumua ne ɔ nyunlu aze, ɔluakɛ ye ananze ne mɔ mɔɔ ɔyɛ la le adalɛ, ngoane ɛnle bɛ nu.

Gyɛlɛmaya Buluku ne 10:8

Bɛle ahɔnwɔne, bɛle ahoasea. Abaaba ne mɔ ngilehilelɛ le mgbane.

Hozia Buluku ne 2:23

Mebalua ye azɛlɛ ne azo meamaa me nwo. Mebaze “Bɛnzebɛanwunvɔne” anwunvɔne, na meaze “Tɛmemenli ɔ” kɛ, “Bɛle me menli” na ɔdaye ɔbaha kɛ, “Ɛle me Nyamenle.”

Wulo 10:18

Na mebiza kɛ, asoo ɔle nɔhalɛ kɛ bɛtɛtele Edwɛkpa ne? Bɛde ye bɔkɔɔ, ɔluakɛ Nyamenle Edwɛkɛ ne se, “Bɛ ne ɛdwu ewiade muleɛ muala azo; bɛ edwɛkɛ ɛdwu azɛlɛ ye kodoka biala anu.”

Wulo 11:11

Ɛnee akee mebiza kɛ, mɔɔ Dwuuma dule koti la, se ɛnee bɛminli bɔkɔɔ? Ɔnle zɔ. Ɔlua bɛ ɛtane ti, ngoanelielɛ vi bɛ ɛkɛ ɛhɔ bɛdabɛ mɔɔ bɛnle Dwuuma la ɛkɛ, amaa Dwuuma anye abolo bɛ.

Wulo 11:14

amaa meawula me gɔnwo mɔ Dwuuma anyebolo, na ɔlua zo bɛalie bie mɔ ngoane.

Wulo 3:26

na kɛkala ɔ nee menli di wɔ bɛ ɛtane nwo, ɔfa ɔkile ye tenleneyɛlɛ ne. Nyamenle dua adenle ɛhye azo kile kɛ ɔle tenlenenli na ɔmaa awie biala mɔɔ die Gyisɛse di la sɔ ɔ nye.

1 Kɔl 1:12

Mɔɔ mekpondɛ meaha la a le kɛ asolo bɛ nuhua ko biala nee ye edwɛkɛ. Mɔɔ ko se “Mewɔ Pɔɔlo afoa la”, ɛnee bie se, “Mewɔ Apɔlɔso afoa.” Bie se, “Mewɔ Pita afoa,” ɛnee bie noko se, “Mewɔ Kelaese afoa.”

1 Kɔl 10:19

Duzu edwɛkɛ a mekpondɛ meaha a? Kɛ bozonle ɛzonlenlɛ anzɛɛ aleɛ mɔɔ bɛfa bɛmaa bozonle la amgba le debie ɔ?

1 Kɔl 11:22

Duzu ati ɔ? Bɛnlɛ bɛ azua nu mɔɔ bɛdi na bɛno ɔ? Anzɛɛ bɛmbu Nyamenle menli ne bie na bɛkulo kɛ bɛgua ehyianvolɛma mɔɔ wɔ bɛ avinli la anyunlu aze ɔ? Duzu edwɛkɛ a menga mengile bɛ wɔ ɛhye anwo a? Menganvo bɛ ɔ? Kyɛkyɛ! Meyɛ ye zɔhane a ɔnrɛyɛ boɛ!

1 Kɔl 12:2

Bɛze kɛ mekɛ mɔɔ ɛnee bɛnze Nyamenle la, awie mɔ vale adenle bie azo manle bɛzɔle mmonle mɔɔ ɛndendɛ la.

1 Kɔl 15:50

Mediema, mɔɔ mekpondɛ meaha la a le kɛ, nwonane nee mogya ɛngola ɛnnyia Nyamenle Belemgbunlililɛ ne, yɛɛ debie mɔɔ kpɔlɔ la ɛngola ɛnnyia mɔɔ ɛmkpɔlɔ la.

1 Kɔl 7:29

Mediema, mɔɔ mekpondɛ meaha la a le ɛhye: mekɛ ne ɛwie, na ɔvi ɛnɛ mɔɔ kɔ la, kunlima ɛdɛnla kɛ bɛngya mraalɛ;

Mɛla 32:21

Bɛva debie mɔɔ ɛnle nyamenle la bɛha me ɛya, bɛva bɛ mmonle bɛfutu me ahonle. Yemɔti medame mebava menli mɔɔ ɛndo ɛhwee la meaha bɛ ɛya; mebava maanle kɔnwɔne bie meaha bɛ ɛya.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

1 Pit 2:10

Mekɛ bie ɛnee bɛnzɔho menli bɔbɔ, na ɛnɛ bɛle Nyamenle menli. Mekɛ bie ɛnee bɛnze Nyamenle anwunvɔnezelɛ ne deɛ holɛ, na ɛnɛ bɛ sa ɛha ye anwunvɔnezelɛ ne.