Wulo 1:32 - BAEBOLO ANZƐƐ BULUKU NWUANZANWUANZA

³² Bɛze noko kɛ Nyamenle mɛla ne kile kɛ bɛdabɛ mɔɔ bɛbɔ ɛbɛla zɛhae mɔ la fɛta ewule, noko bɛyɛ, yɛɛ bɛsi awie mɔ adua bɛmaa bɛyɛ bie.

Wulo 1:32 ပူးပေါင်းရင်းမြစ်များ

Edwɛndolɛ Buluku ne 50:18

Bɛnwu awule a, bɛfa ye agɔnwolɛ; yɛɛ bɛ nee awuvolɛvalɛma tu.

Mrɛlɛbulɛ Buluku ne 28:4

Bɛdabɛ mɔɔ bɛkpo mɛla la yeyɛ amumuyɛma, na bɛdabɛ mɔɔ bɛdi mɛla zo la ko tia amumuyɛma.

Hozia Buluku ne 7:3

Ɛdɛnkɛma se, “Menli fa bɛ maamɔlɛ adwenle ne bɛlɛbɛla belemgbunli nee ye mgbanyima ne mɔ.

Edwɛkpa ne kɛmɔ Luku hɛlɛle la 11:48

Yemɔti bɛdi daselɛ, yɛɛ bɛ kunlu dwo mɔɔ bɛ nlenya mɔ yɛle la anwo, ɔluakɛ bɛ nlenya mɔ hunle Nyamenle kpɔmanvolɛma ne mɔ, yɛɛ bɛmɛ bɛdole bɛ nla ne mɔ.

Ɛzoanvolɛma Gyima ne 22:20

Mekɛ mɔɔ bɛku wɔ dasevolɛ Sitivin la, ɛnee medame mewɔ ɛkɛ, me kunlu dwole ye ɛhunlɛ nwo na menliele menli mɔɔ hunle ye la ndanlɛ menlɛle bɛ.’

Ɛzoanvolɛma Gyima ne 8:1

Na Sɔɔlo liele ye ɛhunlɛ ne dole nu. Ɔvi kenle ko ne ala bɛbɔle ɔ bo kɛ bɛyɛ diedima mɔɔ wɔ Gyɛlusalɛm la kpɔdekpɔde. Yemɔti diedima ne amuala zandele; bie mɔ hɔle Dwudiya nee Samɛlea maanzinli ne mɔ anu, na ɔhale ɛzoanvolɛma ne ala.

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

Wulo 1:21

Bɛze Nyamenle, noko bɛnva enililɛ mɔɔ fɛta la bɛmmaa ye kɛ ɔle Nyamenle, yɛɛ bɛnva moyɛlɛ bɛmmaa ye. Adwenle mgbane mgbane yɛɛ bɛfa a, yɛɛ awozinli ɛyi bɛ adwenle ne mɔ mɔɔ nrɛlɛbɛ ɛnle nu la tetɛkɛɛ.

Wulo 6:21

Na duzu nvasoɛ yɛɛ bɛnyianle ye wɔ ninyɛne mɔɔ bɛyɛle na ɛnɛ bɛse nwolɛ nyiane la anwo a? Nyɛleɛ ɛhendeɛ ne mɔ awieleɛ a le ewule!

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

2 Tɛs 2:12

Ye awieleɛ a le kɛ, bɛbazɛkye bɛdabɛ mɔɔ bɛanlie nɔhalɛ ne bɛanli na bɛ nye die ɛtane nwo la amuala.