Wulo 1:30 - BAEBOLO ANZƐƐ BULUKU NWUANZANWUANZA

³⁰ bɛka bɛ gɔnwo mɔ anwo edwɛkɛ ɛtane ɛtane, bɛkyi Nyamenle, bɛtu bɛ nwo, bɛyɛ mgbanyizonle, bɛkile bɛ nwo, bɛboɔboa bɛdwenle ɛtane nwo bɛyɛ, yɛɛ bɛndie bɛ awovolɛma;

Wulo 1:30 ပူးပေါင်းရင်းမြစ်များ

1 Arl 20:11

Yizilayɛ belemgbunli ne buale kɛ, “Bɛhɔze Bɛneheedade kɛ ɔho konle ne na ɔwie a yeadu ɔ nloa anu.”

2 Edk 19:2

Na Nyamenle sonla Gyihu, mɔɔ le Haneenae ara ne, hɔyiale ye na ɔbizale belemgbunli ne kɛ, “Asoo ɛnea a ɛnee ɔle kpalɛ kɛ ɔwɔ kɛ ɛboa amumuyɛma na ɛkɛhulo menli mɔɔ kyi Ɛdɛnkɛma la ɔ? Ɔlua ɛhye ati, Ɛdɛnkɛma ɛva ɛ nwo ɛya.

2 Edk 25:19

Wɔmɔ ɛse, ‘Nea, meli Yidɔmma anwo zo konim,’ ɛhye ati ɛ nzo ɛmemaa zolɛ, ɛ nwo ndɛkɛ ɛdwazo, ɛlɛtu ɛ nloa anu. Tɛnla aze die wɔ ɛnwomenle bie. Duzu ati a ɛlɛtwehwe ngyegyelɛ wɔamaa ɛ nwo nee Dwudama ɛ?”

Edwɛndolɛ Buluku ne 10:3

Ɔluakɛ amumuyɛnli fa mɔɔ ɔkpondɛ la tu ɔ nwo, yɛɛ mɔɔ di ndunlumi la ɛmbu Nyamenle, ɔkpo ye.

Edwɛndolɛ Buluku ne 106:39

Ɛhye ati bɛ nyɛleɛ manle evinli hanle bɛ, na bɛluale bɛ nyɛleɛ zo bɛbɔle nyamenlezonlenlɛ nu tuutuu ɛbɛla.

Edwɛndolɛ Buluku ne 49:6

Duzu ati a menwɔzulo menli mɔɔ bɛ rɛle wɔ bɛ anwonyia nu na bɛfa bɛ anwonyia kpole ne bɛtu bɛ nwo la ɛ?

Edwɛndolɛ Buluku ne 5:5

Adubɛnwoma ɛngyinla ɛ nyunlu; ɛkyi ɛtaneyɛvoma amuala.

Edwɛndolɛ Buluku ne 52:1

O katakyie, duzu ati a ɛfa wɔ amumuyɛ ɛtu ɛ nwo zɛhae ɛ? Nyamenle anwunvɔnezelɛ ne wɔ ɛkɛ ne dahuu.

Edwɛndolɛ Buluku ne 81:15

Bɛdabɛ mɔɔ bɛkyi Ɛdɛnkɛma la baradane ye, bɛ ndeanlɛ bo ɛnrɛdu ɛlɛ.

Edwɛndolɛ Buluku ne 94:4

Bɛka mgbole, amumuyɛma ɛhye mɔ, bɛtu bɛ nwo, bɛmemaa bɛ nwo zo.

Edwɛndolɛ Buluku ne 97:7

Bɛdabɛ mɔɔ bɛsonle ananze la anyunlu ɛgua aze; bɛdabɛ mɔɔ bɛfa mmonle bɛtu bɛ nwo la anyunlu ɛgua aze; nyamenle kɔsɔɔti bɔ bɛ ti aze maa ye.

Edwɛndolɛ Buluku ne 99:8

O Ɛdɛnkɛma yɛ Nyamenle, ɛliele bɛ zo; ɛyɛle fakyɛ Nyamenle ɛmanle bɛ, noko akee ɛdeanle bɛ wɔ bɛ ɛtane ne mɔ anwo.

Mrɛlɛbulɛ Buluku ne 24:8

Sonla mɔɔ dwenle nwolɛ kɛ ɔdi ɛtane la, bɛbavɛlɛ ye munzuvolɛ.

Mrɛlɛbulɛ Buluku ne 25:23

Sɔlɔ anwoma ne maa ezule tɔ, yɛɛ sonla mɔɔ keha ɔ gɔnwo anzi edwɛkɛ ɛtane la ka ɛya.

Mrɛlɛbulɛ Buluku ne 30:17

Awie biala mɔɔ si ɔ ze amgbu na ɔmbu ɔ nli bie la, mbɔnza nu ahɔhɔsɛlɛ badudu ɔ nye na mgbɔtɛ arali.

Mrɛlɛbulɛ Buluku ne 8:36

na mɔɔ asa kɛhoati me la baboda; bɛdabɛ mɔɔ bɛkyi me la amuala kulo ewule.”

Nolo 7:29

Debie mɔɔ mezukoa la ala ɛne: Nyamenle bɔle sonla fɔɔnwo, na sonla ɛbɔ adwenle dɔɔnwo ɛmaa ɛbɛla ɛyɛ kpomgbondee.

Yizikeɛle Buluku ne 14:5

amaa meado me sa mealie Yizilayɛma mɔɔ awozonlezonlenlɛ ti bɛhwe bɛ nwo bɛvi me nwo la.

Yizikeɛle Buluku ne 22:7

Bɛmbu selɛ na yeayɛ ninli, bɛbɔ nyɛvolɛ apo bɛdie bɛ ninyɛne, yɛɛ bɛsisi mɔɔ ɛnlɛ ɔ ze nee ahunlanvolɛ mraalɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:35

Mekɛ biala mɔɔ Ngyekyeleɛ Ɛlɛka ne kɛdu ɔ bo la, Mosisi ka kɛ, “O Ɛdɛnkɛma, dwazo bɔ wɔ kpɔvolɛma asande, na maa menli mɔɔ kyi wɔ la ɛgua ɛbɔ nu.”

Edwɛkpa ne kɛmɔ Mateyu hɛlɛle la 15:4

Ɔluakɛ Nyamenle se, ‘Di ɛ ze nee ɛ nli eni’, na ‘awie biala mɔɔ kɛha edwɛkɛ ɛtane kɛhile ɔ ze anzɛɛ ɔ nli la, ɔwɔ kɛ bɛku ye.’

Edwɛkpa ne kɛmɔ Mateyu hɛlɛle la 16:21

Ɔvi mekɛ ne anu Gyisɛse bɔle ɔ bo kɛ ɔka ye wienyi yeahile ye ɛdoavolɛma ne kɛ, “Ɔwɔ kɛ mekɔ Gyɛlusalɛm mekɔnwu amaneɛ dɔɔnwo wɔ mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ asa anu. Bɛbahu me, na ye kenle nsa ne azo Nyamenle badwazo me ara ngoane nu bieko.”

Edwɛkpa ne kɛmɔ Luku hɛlɛle la 21:16

Bɛ awovolɛma nee bɛ mediema, bɛ mbusuafoɔ nee bɛ gɔnwo mɔ baye bɛ amaa, yɛɛ bɛbahu bɛ bie mɔ.

Dw 7:7

Ɛtane ewiade ye ɛmkpɔ bɛ, na mame, ɔkpɔ me, ɔluakɛ meka mekile ye dahuu kɛ ye ndenle ne mɔ ɛnle kpalɛ.

Ɛzoanvolɛma Gyima ne 5:36

Mekɛ bie mɔɔ ɛraze ɛhɔ la, Tiyudase dwazole na ɔyɛle ɔ nwo kɛ ɔle sonlakpole bie, na ɔhwenle menli ala kɛyɛ ɛya nna ɔlile ɔ nzi. Na nzinlii bɛhunle ye, na ye ɛdoavolɛma ne bɔle asande manle ye fane ne gule.

Wulo 2:17

Na saa ɛfɛlɛ ɛ nwo Dwuunli, ɛgyi Mosisi mɛla ne azo, ɛfa Nyamenle ɛtu ɛ nwo,

Wulo 2:23

Ɛtu ɛ nwo kɛ ɛlɛ mɛla ne, na asoo ɛntietia zolɛ, ɛngua Nyamenle anyunlu aze?

Wulo 3:27

Ɛnee akee duzu a yɛfa yɛtu yɛ nwo a? Yɛnlɛ ɛhwee! Na ɛnee akee duzu ati ɔ? Ɛnee yɛ gyima kpalɛ nwo anzɛɛ? Kyɛkyɛ. Na yɛdie yɛdi la ati ɔ.

2 Kɔl 10:15

Yɛnva awie mɔ gyima mɔɔ bɛyɛ wɔ ɛleka mɔɔ Nyamenle anva ammaa yɛ la yɛndu yɛ nwo. Yɛ nye la kɛ saa bɛ diedi nyi a yɛɛ yɛ gyimayɛlɛ ne badɛlɛ kpole kpalɛ wɔ bɛ avinli a,

2 Kɔl 12:20

Mesulo ɔ nzi kɛ meba a menwɔrado bɛ wɔ adenle bie anu mɔɔ menrɛhulo a, anzɛɛ bɛdabɛ noko bɛkɛnwu me wɔ adenle bie anu mɔɔ bɛnrɛhulo a. Mesulo kɛ mebarado bɛ nee butulelilɛ, nungule ɛhwenlɛ, ɛya mgbole ɛvalɛ, angomedi, aholoba ɛbɔlɛ, nzekuebɔlɛ, mgbanyizonle ɛyɛlɛ, yɛɛ basabasayɛlɛ nu.

Mɛla 27:16

“ ‘Munzule ɛha sonla mɔɔ yeanli ɔ ze nee ɔ nli eni la.’ “Menli ne amuala baha kɛ, ‘Amen!’

Mɛla 7:10

na ɔtea bɛdabɛ mɔɔ bɛkyi ye la, ɔbɔ bɛ bo zo bɔkɔɔ. Awie biala mɔɔ kyi ye la ɔnrɛva ɔnrɛhyɛ ye, ɔbadea ye kpalɛ.

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

2 Tem 3:2

Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

Gyemise Kɛlata ne 3:5

Zɔhane ala yɛɛ ɛtafinlimalɛ de a: ɔle sonlabaka ne nvɛyeba ekyi bie, noko ɔkola ɔfa ninyɛne mgbole ɔtu ɔ nwo. Bɛdabɛ bɛnlea kɛ senle ekyi si yela, sɛkye ɛbɔ nu mbaka la.

Gyemise Kɛlata ne 4:16

Na bɛmɛ, bɛmemaa bɛ nwo zo, bɛtu bɛ nloa anu; na adubɛnwo ɛhye mɔ amuala le ɛtaneyɛlɛ.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.