Wulo 1:28 - BAEBOLO ANZƐƐ BULUKU NWUANZANWUANZA

²⁸ Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Wulo 1:28 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:5

Akee Ɛdɛnkɛma nwunle kɛ sonla amumuyɛyɛlɛ ne ɛyɛ kpole kpalɛ wɔ azɛlɛ ye azo, na ɛtane ngome ɛyi ye adwenle nee ye ahonle nu tɛkɛɛ.

2 Sam 22:27

Ɛ nwo te maa menli mɔɔ anwo te la, na ɛyɛ kokonyinli wɔ maamɔvoma anwo zo.

Edwɛndolɛ Buluku ne 69:27

Tea bɛ molozo molozo, mmamaa bɛfa bɛ nwo dwɔɔ.

Mrɛlɛbulɛ Buluku ne 1:22

“O bɛmɛ anzenwolɛbiema, bɛkulo kɛ bɛka bile nu toonwo ɔkɔdwu kenlenzu? Agolobɛnwoma, bɛ nye die bɛ agolobɛnwo nu toonwo yeahɔdwu kenlenzu, na ahoasea akpo adwenlenubukelɛ ahɔdwu kenlenzu?

Mrɛlɛbulɛ Buluku ne 1:29

Kɛmɔ bɛhyile adwenlenubukelɛ, na bɛanzulo Ɛdɛnkɛma,

Mrɛlɛbulɛ Buluku ne 1:7

Ɛdɛnkɛma ɛzulolɛ le adwenle nu ɛbukelɛ mɔlebɛbo, ahoasea kyi nrɛlɛbɛ edwɛkɛ nee ngilehilelɛ.

Mrɛlɛbulɛ Buluku ne 17:16

Duzu ati a koasea mɔɔ ɛnlɛ adwenle la kɛnyia ezukoa kɛva kɛdɔ nrɛlɛbɛ ɛ?

Gyɛlɛmaya Buluku ne 4:22

Ɛdɛnkɛma se, “Me menli ne le ahɔnwɔne; bɛnze me. Bɛle ngakula ahoasea; bɛnlɛ ndelebɛbo. Bɛbe ɛtaneyɛlɛ nu, na kpalɛ, bɛnze ye yɛ.”

Gyɛlɛmaya Buluku ne 6:30

Bɛfɛlɛ bɛ dwɛtɛ fufule ebinli, ɔluakɛ medame Ɛdɛnkɛma, mekpo bɛ.”

Gyɛlɛmaya Buluku ne 9:6

Nzisi doa nzisi, yɛɛ adalɛ li adalɛ nzi. Ɛdɛnkɛma se, ye menli ne ɛkpo ye.

Yizikeɛle Buluku ne 14:5

amaa meado me sa mealie Yizilayɛma mɔɔ awozonlezonlenlɛ ti bɛhwe bɛ nwo bɛvi me nwo la.

Yizikeɛle Buluku ne 20:25

“Yemɔti memanle bɛ mɛla mɔɔ ɛnle kpalɛ nee ngyehyɛlɛ mɔɔ bɛdi zolɛ a, bɛnrɛnyia ngoane la.

Hozia Buluku ne 4:6

Me menli ne ɛnlɛ adwenle la ati bɛzɛkye bɛ; kɛmɔ bɛkpo adwenlenubukelɛ la ati, medame noko mekpo bɛ kɛ bɛnle me sɛlɛvolɛma bieko, yɛɛ kɛmɔ bɛ rɛle ɛvi bɛ Nyamenle ne mɛla ne la, medame noko me rɛle bavi bɛ mra.

Ɛzoanvolɛma Gyima ne 17:23

Mekpɔsa suakpole ye azo dɔɔnwo, na mɔɔ menwu ye la a le kɛ ɛleka biala mɔɔ bɛsonle la ɛdɛneyelɛ ninyɛne wɔ ɛkɛ ne, yɛɛ eza bɛlɛ azubɔlɛ mokyea ko mɔɔ bɛhɛlɛ nwolɛ ‘Ɛhye le Nyamenle ne mɔɔ yɛnze ye la ɛdeɛ’ la wɔ ɛkɛ. Na mɔɔ bɛsonle ye, noko bɛnze ye la, yemɔ yɛɛ mebaha ɔ nwo edwɛkɛ meahile bɛ kɛkala la.

Ɛzoanvolɛma Gyima ne 17:32

Mɔɔ bɛdele kɛ Pɔɔlo ɛlɛka ewudwazo nwo edwɛkɛ la, bie mɔ golole ɔ nwo, yɛɛ bie mɔ noko zele kɛ, “Yɛkulo kɛ ɛsi edwɛkɛ ɛhye azo na ɛka ye bieko ɛkile yɛ wɔ kenle fofolɛ.”

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

Wulo 1:21

Bɛze Nyamenle, noko bɛnva enililɛ mɔɔ fɛta la bɛmmaa ye kɛ ɔle Nyamenle, yɛɛ bɛnva moyɛlɛ bɛmmaa ye. Adwenle mgbane mgbane yɛɛ bɛfa a, yɛɛ awozinli ɛyi bɛ adwenle ne mɔ mɔɔ nrɛlɛbɛ ɛnle nu la tetɛkɛɛ.

Wulo 1:24

Kɛmɔ menli ɛyɛ bɛ nwo ahɔnwɔne zɛhae la ati, Nyamenle ɛye bɛ ɛmaa bɛdabɛ bɛ atiakunluwɔzo mgbane mgbane ne mɔ, na ɔlua zolɛ mraalɛ fa mraalɛ na mrenya fa mrenya.

Wulo 1:26

Kɛmɔ menli yɛ nyɛleɛ ɛhye mɔ la ati, Nyamenle ɛgyakyi bɛ ɛmaa bɛ anyiemgba ɛbɛla ne. Bɔbɔ mraalɛ fa bɛ nwo gyakyi mrenya.

1 Kɔl 15:34

Bɛzia bɛ nzi bɛva adwenle kpalɛ na bɛgyakyi ɛtaneyɛlɛ. Ɔyɛ anyiemgba bɔbɔ kɛ menwɔha kɛ bɛ bie mɔ ɛnze Nyamenle a.

2 Kɔl 10:5

yɛgologolo debie biala mɔɔ bɛkɛmaa ye zo adubɛnwo nu bɛkɛtia Nyamenle anwo adwenlenubukelɛ la, yɛɛ yɛkye adwenle biala nuokɛ yɛbele ye yɛmaa ɔtie Kelaese.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:4

Bɛmmaka anyiemgba edwɛkɛ biala, bɛmmatendɛ ɛdendɛlɛ ɛtane yɛɛ bɛmmabɔ ngoayɛ mgbane mgbane. Mɔɔ ɔwɔ kɛ bɛyɛ la a le kɛ bɛkɛyɛ Nyamenle mo.

2 Tɛs 1:8

kɛ ɔbadua bɛdabɛ mɔɔ bɛnze Nyamenle, nee bɛdabɛ mɔɔ bɛnli Edwɛkpa ne mɔɔ fane yɛ Awulae Gyisɛse anwo la azo la kakɛ la.

2 Tem 3:8

Kɛmɔ Gyanize nee Gyambilize dwazole tiale Mosisi la, zɔhane ala yɛɛ menli ɛhye mɔ tia nɔhalɛ ne a. Bɛle menli mɔɔ bɛ adwenle ɛnli munli na bɛ diedi tɔ sinli a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:8

Ɔlua ɛhye ati kɛmɔ Kelaese ati ɛle adiema la anrɛɛ mekola mese wɔ memaa ɛyɛ debie mɔɔ ɔwɔ kɛ ɛyɛ la,

2 Pit 3:5

Menli zɛhae mɔ anye fuu yɛɛ bɛyɛ kɛ asɛɛ bɛnze kɛ aloa kabɔ la Nyamenle vale ɔ nloa edwɛkɛ ala a manle anwuma rale, na azɛlɛ resee ye noko yele ɔ nwo vile nzule nu rale dɛbadɛba ne, na nzule ɛbɔ ye ɛyia a,