Wulo 1:26 - BAEBOLO ANZƐƐ BULUKU NWUANZANWUANZA

²⁶ Kɛmɔ menli yɛ nyɛleɛ ɛhye mɔ la ati, Nyamenle ɛgyakyi bɛ ɛmaa bɛ anyiemgba ɛbɛla ne. Bɔbɔ mraalɛ fa bɛ nwo gyakyi mrenya.

Wulo 1:26 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:5

Bɛvɛlɛle Lɔɔto na bɛbizale ye kɛ, “Menli mɔɔ razokoɛle wɔ nɔsolɛ ye la wɔ nienwu? Fa bɛ finde ɛke maa yɛva bɛ.”

Edwɛndolɛ Buluku ne 81:12

Yemɔti mengyakyile bɛ memanle bɛdabɛ bɛ anzosesebɛ ne, kɛ bɛdabɛ bɛyɛ mɔɔ bɛkulo la.

Wulo 1:24

Kɛmɔ menli ɛyɛ bɛ nwo ahɔnwɔne zɛhae la ati, Nyamenle ɛye bɛ ɛmaa bɛdabɛ bɛ atiakunluwɔzo mgbane mgbane ne mɔ, na ɔlua zolɛ mraalɛ fa mraalɛ na mrenya fa mrenya.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

1 Kɔl 6:9

Nɔhalɛ, bɛze kɛ amumuyɛma ɛnrɛnyia Nyamenle Belemgbunlililɛ ne. Bɛmmabɛlɛbɛla bɛ nwo; menli mɔɔ bɔ ɛbɛla mgbane mgbane, bɛdabɛ mɔɔ bɛsonle awozonle, bɛfa nwuvolɛ, mrenya mɔɔ fa bɛ gɔnwo mɔ mrenya nee mraalɛ mɔɔ fa mraalɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:19

Nyiane ɛnle bɛ nye zo, bɛyɛ ninyɛndane yɛɛ bɛkulo ɛbɛla mgbane mgbane ɛbɔlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:12

Ɔyɛ nyiane kpole bɔbɔ kɛ bɛkɛha bɛ ninyɛndane mɔɔ bɛyɛ ye fealera nu la anwo edwɛkɛ a.

1 Tɛs 4:5

tɛ wɔ atiakunluwɔzo ɛtane nu, kɛmɔ menli mɔɔ ɛnze Nyamenle la yɛ ye la.

1 Tem 1:10

menli mɔɔ bɔ ɛbɛla funli, mrenya mɔɔ fa mrenya anzɛɛ mraalɛ mɔɔ fa mraalɛ, bɛdabɛ mɔɔ bɛwua menli, adalɛma, bɛdabɛ mɔɔ bɛdi dasewia anzɛɛ menli mɔɔ ɛnli nɔhalɛ ngilehilelɛ ne azo la.

Dwuudu Kɛlata ne 1:10

Menli ɛhye mɔ ka debie biala mɔɔ bɛnde ɔ bo la anwo edwɛkɛ ɛtane, yɛɛ ninyɛne mɔɔ bɛ nane adwenle ne maa bɛte ɔ bo la bɛmɛ a le ninyɛne mɔɔ sɛkye bɛ la.

Dwuudu Kɛlata ne 1:7

Bɛhakye Sodɔm nee Gomɔla, nee azua mɔɔ zuozua bɛ la, menli mɔɔ wɔ azua ɛhye mɔ azo la bɔle adwɔmane nee munzule ɛbɛla, na ɔlua zolɛ kɛkala bɛdea bɛ wɔ senle ne mɔɔ ɛnnu ɛlɛ la anu, amaa yeayɛ kɔkɔbɔlɛ yeamaa menli kɔsɔɔti.

Maanlebuvolɛma Buluku ne 19:22

Na mekɛ mɔɔ bɛlɛdi debie na bɛ nye ɛlie la, arɛlevilɛ nu ala, suakpole ne azo mrenya bie mɔɔ fa bɛ gɔnwo mɔ mrenya la rabɔle yiale sua ne na bɛbɔle anlenkɛ ne anu ndinlizo. Bɛzele nrenya kpanyinli ne kɛ, “Fa nrenya ne mɔɔ wɔ wɔ sua ne anu la finde maa yɛ nee ye ɛyɛ nrenya nee nrenya.”