Wulo 1:21 - BAEBOLO ANZƐƐ BULUKU NWUANZANWUANZA

²¹ Bɛze Nyamenle, noko bɛnva enililɛ mɔɔ fɛta la bɛmmaa ye kɛ ɔle Nyamenle, yɛɛ bɛnva moyɛlɛ bɛmmaa ye. Adwenle mgbane mgbane yɛɛ bɛfa a, yɛɛ awozinli ɛyi bɛ adwenle ne mɔ mɔɔ nrɛlɛbɛ ɛnle nu la tetɛkɛɛ.

Wulo 1:21 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:5

Akee Ɛdɛnkɛma nwunle kɛ sonla amumuyɛyɛlɛ ne ɛyɛ kpole kpalɛ wɔ azɛlɛ ye azo, na ɛtane ngome ɛyi ye adwenle nee ye ahonle nu tɛkɛɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

1 Arl 20:23

Selea mgbanyima ne hanle hilele bɛ belemgbunli ne kɛ, “Deɛ mɔɔ yemɔti yeangola Yizilayɛma la a le kɛ, bɛ nyamenle ne mɔ le awoka zo nyamenle. Maa yɛ nee bɛ ɛbɔ ye zo wɔ azɛlɛ sɛsɛ zo na ɛbanwu kɛ bɛnrɛhola yɛ.

2 Arl 17:15

Bɛkpole ye mɛla ne mɔ, bɛanli ngyekyeleɛ ne mɔɔ ɔ nee bɛ nlenya mɔ kyekyele la azo yɛɛ bɛambu ye kɔkɔbɔlɛ ne mɔ bie. Bɛzonlenle mmonle mɔɔ nvasoɛ biala ɛnle zo la na bɛdabɛ mumua ne bɛyɛle mgbane. Bɛlile maanle maanle mɔɔ zuozua bɛ la amaamuo zo, na bɛyɛle anzosesebɛ wɔ Ɛdɛnkɛma Mɛla ne mɔɔ ɔvale ɔmanle bɛ kɛ bɛmmasukoa bɛyɛ mɔɔ menli zɔhane mɔ yɛ la bie la anwo.

Edwɛndolɛ Buluku ne 50:23

Mɔɔ kɛva moyɛlɛ kɛra kɛ ye azubɔdeɛ la di me eni; mɔɔ kɛva adenle kpalɛ zo la, mebahile ye Nyamenle ngoanelielɛ ne!”

Edwɛndolɛ Buluku ne 81:12

Yemɔti mengyakyile bɛ memanle bɛdabɛ bɛ anzosesebɛ ne, kɛ bɛdabɛ bɛyɛ mɔɔ bɛkulo la.

Edwɛndolɛ Buluku ne 86:9

Maanle maanle kɔsɔɔti mɔɔ wɔbɔ bɛ la babɔ bɛ ti aze amaa wɔ, O Awulae, na bɛaye wɔ duma ne ayɛlɛ.

Nolo 7:29

Debie mɔɔ mezukoa la ala ɛne: Nyamenle bɔle sonla fɔɔnwo, na sonla ɛbɔ adwenle dɔɔnwo ɛmaa ɛbɛla ɛyɛ kpomgbondee.

Ayezaya Buluku ne 60:2

Bɛnlea, awozinli bava azɛlɛ ye, Awozinli kabii baheda maanle maanle ne mɔ azo, Noko Ɛdɛnkɛma wienyi ne bada bɛ nwo zo, Na bɛbanwu kɛ ye anyunlunyia ne wɔ bɛ nwo zo.

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Gyɛlɛmaya Buluku ne 17:9

“Ahonle le mɛlɛbɛla tɛla debie biala, yezɛkye yebo zolɛ; nwane a kɛhola kɛde ɔ bo a?

Gyɛlɛmaya Buluku ne 2:5

Kɛ Ɛdɛnkɛma se la ɛne: “Duzu ɛtane a bɛ ze mɔ nwunle ye me nwo, mɔɔ yemɔti bɛnriandile me, bɛhɔzonlenle mmonle mɔɔ nvasoɛ biala ɛnle bɛ nwo zo, na bɛdabɛ bɛyɛle mgbane a?

Gyɛlɛmaya Buluku ne 9:14

Bɛli bɛ ahonle nzi anzosesebɛ nu bɛzonle awozonle Beeyale ne mɔ, kɛmɔ bɛ ze mɔ hilele bɛ la.

Yizikeɛle Buluku ne 14:5

amaa meado me sa mealie Yizilayɛma mɔɔ awozonlezonlenlɛ ti bɛhwe bɛ nwo bɛvi me nwo la.

Yizikeɛle Buluku ne 20:25

“Yemɔti memanle bɛ mɛla mɔɔ ɛnle kpalɛ nee ngyehyɛlɛ mɔɔ bɛdi zolɛ a, bɛnrɛnyia ngoane la.

Hozia Buluku ne 2:8

Ɔnze kɛ medame a menvale abɛlɛ, nwanye, ɔlivi nwole, dwɛtɛ fufule, yɛɛ ezukoa nvutuke memanle ye a, yɛɛ bɛvale bɛzonlenle bozonle Beeyale ne a.

Dw 3:19

Kɛ ndɛnebualɛ ne de la ɛne: wienyi ne ɛra ewiade ye na bɛ ninyɛndane ti, menli kulo awozinli tɛla wienyi ne.

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Wulo 1:19

Nyamenle badea bɛ, ɔluakɛ bɛze mɔɔ ɔwɔ kɛ sonla nwu ye wɔ Nyamenle anwo la. Nyamenle ɔdaye a ɔyele ɔhilele bɛ a.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Wulo 11:10

Bɛ nye kɛzi amaa bɛannwu debie, bɛkɛnwu bɛ nyunlu dahuu.”

Wulo 15:9

na yeamaa bɛdabɛ mɔɔ bɛnle Dwuuma la aye Nyamenle ayɛlɛ wɔ ye anwunvɔnezelɛ ne ati. Ɔluakɛ Nyamenle Edwɛkɛ ne se, “Zɔhane ati mebaye wɔ ayɛlɛ wɔ menli mɔɔ ɛnle Dwuuma la avinli. Mebado ayɛlɛyelɛ edwɛne meayeyɛ wɔ”

Mɛla 28:29

Bɛbali nvuovua ewia henlema kɛ anyenzinliravolɛ fuovua awozinli nu la, yɛɛ bɛnrɛkpazi ɛlɛ. Awie mɔ ala a basisi bɛ awua bɛ dahuu a, noko bɛnrɛnyia awie ɛnrɛboa bɛ.

2 Tem 3:2

Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

1 Pit 1:18

Bɛdabɛ bɛze mɔɔ bɛduale ye wɔ bɛ ti na bɛahola bɛakpɔne bɛ bɛavi bɛ nlenya mɔ ɛbɛla mgbane mgbane ɛbɔlɛ ne anu la. Bɛanva debie mɔɔ ɛngyɛ na yeazɛkye, mɔɔ le kɛ ezukoa nvutuke anzɛɛ dwɛtɛ fufule,

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

Yekile 14:7

Na ɔdeanle nu ɔhanle kɛ, “Bɛzulo Nyamenle, na bɛye ye ayɛlɛ. Ɔluakɛ mekɛ ne ɛdwu mɔɔ ɔbabua aleɛabo amra ndɛne a. Bɛzonle Nyamenle mɔɔ bɔle anwuma, azɛlɛ, nyevile, nee azule muala la.”

Yekile 15:4

Awulae, nwane a ɛnrɛzulo wɔ a, nwane a kɛzu kpolera kɛ ɛnle kpole a? Ɛ ngomekye a ɛle nwuanzanwuanza a. Maanle maanle kɔsɔɔti badu agua ɛ nyunlu azonle wɔ, ɔboalekɛ awie biala ɛnwu kɛ ɛdi pɛlepɛle.”