Wulo 1:20 - BAEBOLO ANZƐƐ BULUKU NWUANZANWUANZA

²⁰ Sumunli kɛ Nyamenle bɔle ewiade la yɛɛ ɔbɔle ɔ bo kɛ ɔye ye su kpalɛ ne mɔɔ yɛ nye ɛnnwu ye la wienyi yeahile sonla a. Ninyɛne ɛhye mɔ a le ye damɛnlangoate tumi ne nee ye nyamenleyɛlɛ ne. Menli nwu ɛhye wɔ ninyɛne mɔɔ Nyamenle ɛbɔ la anu. Yemɔti bɛnlɛ nyelebɛnloa fee!

Wulo 1:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:1

Mɔlebɛbo ne Nyamenle bɔle anwuma nee aze.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:33

Ebileham luale “Tamaleseke” baka wɔ Biyɛhyiba ɛkɛ, na ɔzonlenle Ɛdɛnkɛma, Damɛnlangoate Nyamenle ne wɔ ɛkɛ ne.

Dwobu Buluku ne 12:7

“Na biza nane ne mɔ, na bɛkɛhilehile wɔ; biza anwomanyunlu nloma, na bɛkɛze wɔ;

Edwɛndolɛ Buluku ne 104:31

Ɛdɛnkɛma anyunlunyia ne ɛdɛnla ɛkɛ ne dahuu, Ɛdɛnkɛma anye ɛlie ye gyima nwo.

Edwɛndolɛ Buluku ne 104:5

Ɛdawɔ yɛɛ ɛwulale azɛlɛ ye adiabo ne mɔ a, amaa bɛangola ye kpusu.

Edwɛndolɛ Buluku ne 119:90

Wɔ nɔhalɛ ne wɔ ɛkɛ maa awolɛndoazo muala; ɛdawɔ a wɔbɔ ewiade ye a, yɛɛ ɔgyi kpundii.

Edwɛndolɛ Buluku ne 139:13

Ɛdawɔ a ɛhyehyɛle debie biala mɔɔ wɔ me nu la a, ɛdawɔ a ɛnwonle me wɔ ɔmɔ akunlu a.

Edwɛndolɛ Buluku ne 8:3

Saa meto me nye anwomanyunlu, menwu ɛ sa anloa gyima, siane nee nwɔlɔra mɔɔ wɔhyehyɛ;

Edwɛndolɛ Buluku ne 90:2

Mekɛ mɔɔ ɛkabɔ awoka, anzɛɛ azɛlɛ ye nee ewiade ye la, ɔvi tete, mɔɔ kɔdwu mekɛ mɔɔ ɛnlɛ awieleɛ, ɛle Nyamenle.

Ayezaya Buluku ne 26:4

Fa ɛ rɛle wula Ɛdɛnkɛma anu dahuu, ɔluakɛ Ɛdɛnkɛma Nyamenle ne le damɛnlangoate bodane.

Ayezaya Buluku ne 40:26

Bɛdo bɛ nye anwuma na bɛnlea, nwane a bɔle ɛhye mɔ a? Yemɔ yɛɛ ɔbɔle bɛ kɔsɔɔti a, yɛɛ ɔfa ko biala duma ɔfɛlɛ ye. Ye tumi kpole ne ati, yɛɛ ɔlɛ tumi na ɔ nwo yɛ se la ati, ko bɔbɔ ɛmminli.

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Gyɛlɛmaya Buluku ne 5:21

Bɛdie ɛhye, ahɔnwɔne mɔɔ ɛnze nrɛlɛbɛ a, mɔɔ lɛ ɛnyelɛ na bɛnnwu debie a, mɔɔ lɛ ɛnzonlɛ na bɛnde edwɛkɛ a.

Gyɛlɛmaya Buluku ne 51:15

Ɛdɛnkɛma vale ye tumi bɔle azɛlɛ ye, ye nrɛlɛbɛ a ɔvale ɔbɔle ewiade a, yɛɛ ye ndelebɛbo a ɔvale ɔbɔle anwomanyunlu a.

Edwɛkpa ne kɛmɔ Mateyu hɛlɛle la 5:45

amaa bɛayɛ bɛ Ze mɔɔ wɔ anwuma la amra. Ɔluakɛ yemɔ, ɔmaa ye ezule tɔ na ye ewia fi maa ɛtanevolɛma nee kpalɛyɛlɛma amuala.

Edwɛkpa ne kɛmɔ Maake hɛlɛle la 10:6

Na aloa kabɔ ɔ bo la, Nyamenle Edwɛkɛ ne se, ‘Nyamenle bɔle bɛ nrenya nee raalɛ.

Dw 1:18

Awie biala ɛtɛnwunle Nyamenle ɛlɛ. Ralɛ ne ala mɔɔ ɔdaye ko ne ala a ɔle Nyamenle, na ɔde Selɛ ne anwo ɛkɛ ne la, yemɔ yɛɛ ɛmaa yɛnwu ye a.

Dw 15:22

Saa meamba meammanga edwɛkɛ ne meangile bɛ a anrɛɛ bɛnli ɛtane nwo fɔlɛ; kɛkala, bɛnlɛ bɛ ɛtane nwo nyelebɛnloa biala.

Ɛzoanvolɛma Gyima ne 17:29

Saa yɛle ɔ mra a, ɛnee ɔnle kɛ yɛdwenle kɛ Nyamenle le abɔdeɛ bie mɔɔ le kɛ ezukoa nvutuke anzɛɛ dwɛtɛ fufule anzɛɛ bolɛ ananze bie mɔɔ sonla ɔdaye yeva ye adwenle yehyehyɛ na yeyɛ la.

Ɛzoanvolɛma Gyima ne 22:1

“Ayi mɔ, mediema nee egya mɔ, bɛyɛ ɛnzonlɛ bɛdie me bɛmaa menza me ne mengile bɛ!”

Wulo 1:19

Nyamenle badea bɛ, ɔluakɛ bɛze mɔɔ ɔwɔ kɛ sonla nwu ye wɔ Nyamenle anwo la. Nyamenle ɔdaye a ɔyele ɔhilele bɛ a.

Wulo 2:1

Zɔhane ati ayi, wɔmɔ a ɛle nwane bɔbɔ a, ɛnlɛ adenle ɛmbua awie mɔ ndɛne hweledede. Saa ɛbua awie ndɛne wɔ ye nyɛleɛ nwo a, ɛnee ɛlɛbua ɛ nwo fɔlɛ, ɔboalekɛ ɛdawɔ mumua ne mɔɔ ɛlɛbua ndɛne ne la ɛyɛ nyɛleɛ ko ne ala mɔɔ ahenle mɔɔ ɛlɛbua ye ndɛne la yɛ la bie.

Wulo 2:15

Bɛ nyɛleɛ ne kile kɛ mɔɔ Mosisi mɛla ne kpondɛ la, bɛhɛlɛ ye wɔ bɛ ahonle nu, yɛɛ bɛ adwenle die to nu kɛ ɔle nɔhalɛ, ɔluakɛ ɔyɛ a bɛ adwenle nu yɛ bɛ kesee kɛ bɛbali fɔlɛ anzɛɛ bɛbali benle wɔ Kenle ne anu,

1 Kɔl 1:20

Ɛnee akee nrɛlɛbɛvolɛma hale nienwu? Nienwu a mɛla kilehilevolɛma ne hale a? Anzɛɛ mekɛ ɛhye anu kpolerazulɛ benlerama ne mɔ hale nienwu? Asoo Nyamenle ɛtɛkilele kɛ ewiade anu nrɛlɛbɛ le debie mgbane?

Mɛla 33:27

Damɛnlangoate Nyamenle ne anwo ɛkɛ a le bɛ tɛnlabelɛ a; bɛvea ɔ sa abo a, bɛ nwo kɔlɔnwo, ɔka bɛ kpɔvolɛma ɔgua ɔmaa bɛ, na yeaze bɛ kɛ, “Bɛhu bɛ.”

Mɛla 4:19

Eza bɛnlea boɛ, amaa saa bɛmaa bɛ nye zo anwuma na bɛnwu sɛnzɛne ne, siane ne, nee nwɔlɔra ne mɔ nee ninyɛne mɔɔ wɔ anwomanyunlu la a, bɛangakyi bɛangɔnzonle bɛ. Bɛle ninyɛne mɔɔ Ɛdɛnkɛma bɛ Nyamenle ne ɛva ɛziezie ɛkɛ ne wɔ menli mɔɔ wɔ aleɛabo la ati.

Kɔlɔ 1:15

Kelaese le Nyamenle ne mɔɔ ɛnyelɛ ɛnnwu ye la sɔhovolɛ. Yemɔ a ɔle abɔdeɛ muala anu belamunli Ralɛ a.

Kɔlɔ 2:9

Ɔluakɛ Nyamenle su ne de Kelaese sonlabaka ne nu,

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

1 Tem 6:16

Ɔdaye ala a ɔle damɛnlangoate na ɔde wienyi ne mɔɔ awie ɛngola ɛmbikye ye la anu a. Awie biala ɛtɛnwunle ye ɛlɛ, yɛɛ awie ɛnrɛhola ɛnrɛnwu ye ɛlɛ. Enililɛ nee belemgbunlililɛ mɔɔ ɛmbɔ aze ɛlɛ la le ye ɛdeɛ dahuu! Amen.

Kɛlata mɔɔ bɛhɛlɛle bɛhɔmanle Hibuluma la 11:27

Diedi zo yɛɛ ɔlua mɔɔ Mosisi anzulo belemgbunli ne ɛya mɔɔ ɔkɛva la na ɔdule ɔvile Yigyibiti a. Yeanzia ɔ nzi, ɔgyinlanle kpundii kɛ sonla mɔɔ ɛnwu Nyamenle ne mɔɔ bɛnnwu ye la.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.