Wulo 1:13 - BAEBOLO ANZƐƐ BULUKU NWUANZANWUANZA

¹³ Me mediema, mekpondɛ kɛ bɛnwu kɛ mekɛ dɔɔnwo anu mehyehyɛ kɛ anrɛɛ menwɔrakpɔla bɛ, amaa meahola meahakyi bɛ bie mɔ dɔɔnwo, kɛmɔ meyɛ ye wɔ maanle maanle dɔɔnwo zo la, noko ɔyɛ a ɛnee debie fofolɛ ɛzi me aze.

Wulo 1:13 ပူးပေါင်းရင်းမြစ်များ

Ayezaya Buluku ne 27:6

Mekɛ mɔɔ bara la anu Gyekɔbo abo zo amra abo bazɔ ndinli, Yizilayɛma bakpazi na bɛ nwo azo dɔɔnwo, na bɛ bo zo amra ava ewiade amuala.

Dw 12:24

Meka nɔhalɛ ne meahile bɛ: Abɛlɛ ma ko anwo ɛnrɛzo dɔɔnwo kyesɛ bɛdua na ɔkpɔlɔ. Saa ɔkpɔlɔ a, ɔfifi na ɔso ma dɔɔnwo.

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Dw 4:36

Mɔɔ bu bɛyɔba ne la bɛtua ye kakɛ na ɔsoa nzoleɛ ne ɔkɔ ngoane mɔɔ ɛnlɛ awieleɛ la anu, amaa mɔɔ dua nee mɔɔ bu la abɔ nu ali fɛlɛko.

Ɛzoanvolɛma Gyima ne 1:15

Mekɛ ne anu diedima ne yiale nu. Bɛ nloa kɛyɛ ɛya ko abulanwiɔ. Pita dwazole zele bɛ kɛ,

Ɛzoanvolɛma Gyima ne 14:27

Mɔɔ bɛradwule Anteɔko la, bɛyiale asɔnema ne amuala na bɛhanle mɔɔ Nyamenle ɛva bɛ ɛyɛ la amuala bɛhilele bɛ, nee kɛ yezi yebuke diedi adenle yemaa bɛdabɛ mɔɔ bɛnle Dwuuma la.

Ɛzoanvolɛma Gyima ne 15:12

Ɔhanle ɛhye la bɛ muala bɛyɛle koonwu na akee bɛdiele Baanabase nee Pɔɔlo kolakola ne, nee sɛkɛlɛneɛ nee nwanwane gyima mɔɔ Nyamenle ɛlua bɛ nwo zo ɛyɛ wɔ bɛdabɛ mɔɔ bɛnle Dwuuma la avinli la amuala.

Ɛzoanvolɛma Gyima ne 19:21

Ɛhye anzi, akee Pɔɔlo yɛle ye adwenle kɛ ɔkɔ Masidonea nee Akaya (Giliki maanle nu) na yeava lɔ yeahɔ Gyɛlusalɛm, na ɔhanle ɔzɔle zolɛ kɛ, “Saa mevi ɛkɛ a mebahɔ Wulomu noko.”

Ɛzoanvolɛma Gyima ne 21:19

Pɔɔlo bizale ahye na ɔhanle gyima mɔɔ Nyamenle ɛlua ɔ nwo zo ɛli wɔ bɛdabɛ mɔɔ bɛnle Dwuuma la avinli la amuala ɔhilele bɛ.

Ɛzoanvolɛma Gyima ne 28:14

Yɛnwunle diedima ne bie mɔ wɔ ɛkɛ, na bɛzɛlɛle yɛ bɛmanle yɛlile dapɛne wɔ bɛ nwo ɛkɛ. Nzinlii yɛradwule Wulomu.

Wulo 1:12

Mɔɔ mekpondɛ meaha la a le kɛ, saa yɛ muala yɛyia nu a bɛ diedi bamaa me anwosesebɛ, yɛɛ me diedi bamaa bɛ diedi anyi.

Wulo 11:25

Me mediema, nɔhalɛ bie vea ɛkɛ mɔɔ mekulo kɛ bɛnwu ye a, amaa bɛagyakyi kɛ bɛkɛdwenle kɛ asɛɛ bɛze nrɛlɛbɛ somaa. Yemɔ a le kɛ Yizilayɛma anzosesebɛ ne ɛnrɛhɔ zolɛ dahuu; saa bɛdabɛ mɔɔ bɛnle Dwuuma la dodo mɔɔ ba Nyamenle ɛkɛ ne la nyia ba a, anzosesebɛ ne babɔ aze.

Wulo 7:1

Me mediema, melɛtendɛ meahile bɛ kɛ bɛle menli mɔɔ ze mɛla deɛ holɛ a. Se bɛze kɛ mɛla kyekye sonla wɔ mekɛ mɔɔ ɔde aze la?

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

1 Kɔl 10:1

Mediema, mekpondɛ kɛ bɛkakye mɔɔ zile yɛ nlenya mɔ mɔɔ doale Mosisi la anwo zo la. Bɛ muala yɛɛ amungu ne wowale bɛ a, yɛɛ bɛ muala a bɛluale Nyevile Kɔkɔlɛ ne anu bɛpɛle a.

1 Kɔl 12:1

Me mediema, mekpondɛ kɛ bɛnwu nɔhalɛ ne mɔɔ fane Sunsum Nwuanzanwuanza ne ahyɛlɛdeɛ ne mɔ mɔɔ bɛhɛlɛle me nwolɛ la anwo.

1 Kɔl 14:20

Mediema, bɛmmadwenle ngakula adwenle. Bɛyɛ bɛ nwo kɛ mbɔdɔma mɔɔ ɛnze ɛtaneyɛlɛ deɛ holɛ la, na bɛva mgbanyinli adwenle.

1 Kɔl 14:26

Me mediema, mɔɔ mekpondɛ meaha la a le kɛ, saa bɛyia nu kɛ bɛsɛlɛ a, mɔɔ lɛ edwɛne la ɛdo, mɔɔ lɛ ngilehilelɛ la ɛhilehile, mɔɔ Nyamenle ɛye debie ɛhile ye la ɛla ye ali, mɔɔ lɛ Nyamenle nrɛlaleɛ wɔ aneɛ ngakyile nu la ɛha, na mɔɔ lɛ ahyɛlɛdeɛ fa kile aneɛ ngakyile bo la ɛhile edwɛkɛ ne mɔɔ bɛha la abo. Bɛyɛ ɛhye mɔ amuala bɛva bɛboa asɔne ne anyunluhɔlɛ.

1 Kɔl 9:2

Saa bɔbɔ awie mɔ ɛnlie me ɛndo nu kɛ mele ɛzoanvolɛ a ɛnee tɛ bɛmɛ ɔ! Bɛdabɛ mumua ne bɛ ɛbɛlabɔlɛ mɔɔ Awulae ati bɛbɔ la kile kɛ mele ɛzoanvolɛ.

2 Kɔl 1:8

Mediema, yɛkpondɛ kɛ bɛnwu kɛ yɛ nwo zile hyelele yɛ wɔ Ehyea maanzinli ne anu la. Yɛ nwo hyelele yɛ kpole manle ɔbole yɛ nwo zo mɔɔ ɔhale yɛ nee ewule ala.

2 Kɔl 2:14

Yɛyɛ Nyamenle mo kɛ dahuu ɔfa yɛ kɛ menli mɔɔ Kelaese ɛhye yɛ nuokɛ na ɔfa yɛ ɔto Kelaese konimlilɛ ɛlɔnwɔne, na ɔdua yɛ nwo zo ɔmaa Kelaese anwo edwɛkɛ kpalɛ ne wolowolo ɛleka biala kɛ debie evuanlɛ la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:15

Mediema, memaa bɛ ndonwo ko na bɛnlea: Saa menli nwiɔ kponle ngyehyɛlɛ bie azo na bɛkye ɔ bo a, awie ɛngola ɛnzɛkye ye anzɛɛ ɛnva bie ɛmboka nwolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:18

Me mediema, yɛ Awulae Gyisɛse Kelaese ɛlo bɛ na ɔ nee bɛ muala ɛdɛnla! Amen.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:22

Saa metɛnla ewiade ye anu a anrɛɛ mebali gyima kpalɛ bie. Noko mennwu mɔɔ memkpa nu menva a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:17

Tɛ kɛ asɛɛ mekpondɛ nwanle la ati ɔ, na mekpondɛ kɛ mɔɔ bɛyɛ la anwo ba nvasoɛ dɔɔnwo.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

Kɔlɔ 1:6

Edwɛkpa ne ɛlɛso ma yɛɛ ɔlɛnyi wɔ ewiade ɛleka kɔsɔɔti, kɛmɔ ɔzile la pɛpɛ wɔ bɛ nuhua wɔ mekɛ mɔɔ bɛlumuale bɛdele Nyamenle ɛlolɛ ɛhye anwo edwɛkɛ ne na bɛdele ɔ bo bɛnwunle ye deɛ holɛ la.

1 Tɛs 2:18

Kɛmɔ yɛkpondɛ kɛ yɛsia yɛba bɛ nwo lɔ bieko la ati, medame Pɔɔlo, menyɛle biala kɛ anrɛɛ menwɔzia menwɔra, noko Seetan ammaa yɛ adenle.

1 Tɛs 4:13

Mediema, yɛkulo kɛ bɛnwu nɔhalɛ ne mɔɔ fane bɛdabɛ mɔɔ bɛwu la anwo la, amaa bɛdabɛ noko bɛanli nyane kɛ menli mɔɔ ɛnlɛ anyelazo la.

2 Tɛs 2:7

Kɛkala, menli somaa ɛlɛyɛ ninyɛndane atia mɔɔ Nyamenle ɛhyehyɛ la, noko mɔɔ bazi la ɛnrɛzi kɔkpula mekɛ mɔɔ bɛkɛye ahenle ne mɔɔ si ye aze la ɛkɛ ne la,

2 Tem 4:17

Awulae gyinlanle me nzi, na ɔmanle me anwosesebɛ. Zɔhane ati mengolale membɔle Edwɛkpa ne nolo memanle bɛdabɛ mɔɔ bɛnle Dwuuma la amuala dele bie; na Nyamenle yele me vile awenade ne anloa anu.