Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Wulo 1:1 - BAEBOLO ANZƐƐ BULUKU NWUANZANWUANZA

1 Medame Pɔɔlo, mɔɔ mele Kelaese Gyisɛse akɛlɛ, na Nyamenle ɛvɛlɛ me kɛ membanyɛ ɛzoanvolɛ na yeze me kɛ membɔ ye Edwɛkpa ne nolo la a melɛkɛlɛ kɛlata ɛhye a.

အခန်းကိုကြည့်ပါ။ ကော်ပီ




Wulo 1:1
73 ပူးပေါင်းရင်းမြစ်များ  

Amelam a wole Aalɔn nee Mosisi a. (Bɛdule Aalɔn nee ɔ bo zo amra bɛziele ahane kɛ bɛmɛ ala a bɛnlea ninyɛne mɔɔ anwo te na bɛfa bɛsonle Nyamenle la azo dahuu a, eza ɔwɔ kɛ bɛmɛ a bɛkpu ɛyɛlɛ wɔ mekɛ biala mɔɔ bɛlɛsonle Ɛdɛnkɛma la, na bɛsɛlɛ Ɛdɛnkɛma nyilalɛ bɛmaa menli ne dahuu a.


Maanle maanle mɔɔ wɔ moa moa, bɛdie me, bɛmɛ mɔɔ bɛde moa moa maanle nu, bɛdie. Mela ɛkolɛ nu la yɛɛ Ɛdɛnkɛma vɛlɛle me a, mɔɔ mela ɔmɔ akunlu la yɛɛ ɔdonle me duma a.


“Mekabɔ wɔ meado ɛ nli akunlu la ɛnee meze wɔ, yɛɛ bɛkawo wɔ la ɛnee mekpa nu meye wɔ, na meyɛ wɔ maanle maanle Nyamenle kpɔmanvolɛ.”


Nzinlii mɔɔ bɛhyele Dwɔn bɛdole efiade la, Gyisɛse hɔle Galeli hɔbɔle Edwɛkpa ne nolo kɛ,


Awie mɔɔ kpondɛ kɛ ɔsonle me la ɔwɔ kɛ toa me bo zo, amaa ɛleka mɔɔ mewɔ la, me sonvolɛ ne ɔdaye yeara ɛkɛ ne, yɛɛ Egya bawula mɔɔ sonle me la anyunlunyia.


Menvɛlɛ bɛ sonvolɛma bieko, ɔboalekɛ sonvolɛ biala ɛnze mɔɔ ɔ menle ne ɛlɛyɛ la. Mefɛlɛ bɛ me gɔnwo mɔ, ɔboalekɛ mɔɔ mendele ye wɔ Egya ɛkɛ ne la meha ye kpokpoti mehile bɛ.


Bɛhakye mɔɔ meha mehile bɛ la; ‘Akɛlɛ ɛnle kpole ɛndɛla ɔ menle.’ Saa bɛyɛle me kpɔdekpɔde a ɛnee bɛbayɛ bɛdabɛ noko kpɔdekpɔde; saa bɛlile me ngilehilelɛ zo a, ɛnee bɛbali bɛdabɛ noko bɛ ngilehilelɛ zo.


Na Sunsum Nwuanzanwuanza ne rawolole Sɔɔlo, mɔɔ ɛnee akee bɛfɛlɛ ye Pɔɔlo la, ɔnleanle Ɛlemase koonwu


Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.


Na sogyama kpanyinli ne manle ye adenle kɛ ɔdendɛ. Na Pɔɔlo gyinlanle kpolike ne azo, ɔmanle ɔ sa zo ɔbobole menli ne. Mɔɔ bɛ muala bɛyɛle koonwu kpalɛ la, Pɔɔlo dendɛle Hibulu aneɛ nu hilele bɛ zele kɛ,


Na Awulae zele me kɛ, ‘Kɔ, mesoa wɔ wɔ maanle zo moa moa wɔ menli mɔɔ ɛnle Dwuuma la avinli.’ ”


Mempɛle menfinle na mendele kɛ ɛnelɛ bie se, ‘Sɔɔlo, Sɔɔlo! Duzu ati a ɛyɛ me kpɔdekpɔde zɛhae ɛ?’


Belemgbunli Agelepa zele Pɔɔlo kɛ, “Ɛlɛ adenle ɛsa ɛ ne.” Na Pɔɔlo manle ɔ sa zo na ɔzale ɔ ne kɛ:


Yɛ muala yɛpɛle yɛfinle, na mendele ɛnelɛ bie kɛ ɔlɛtendɛ yeahile me wɔ Hibulu aneɛ nu kɛ, ‘Sɔɔlo, Sɔɔlo! Duzu ati a ɛlɛyɛ me kpɔdekpɔde ɛ? Ɛto ɛ gyakɛ ɛwɔ evileni bowule a, ɛboda ɛ nwo o!’


Nɔe, Nyamenle ne mɔɔ mele ye ɛdeɛ na mesonle ye la soanvolɛ rale me nwo ɛke,


Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.


Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.


Ɔ nwo zo yɛɛ ɔlua mɔɔ Nyamenle ɛlo yɛ ɛmaa merayɛ ɛzoanvolɛ a, amaa menli kɔsɔɔti alie ye duma ne ali na bɛadie ye.


Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ


Akee metendɛ meahile bɛmɛ mɔɔ bɛnle Dwuuma la, kɛ suzuamgba ala mɔɔ mele ɛzoanvolɛ memaa bɛ la, me nye die me gyima nwo kpalɛ,


kɛ mele Kelaese Gyisɛse akɛlɛ mɔɔ ɔwɔ kɛ yɛ gyima wɔ menli mɔɔ ɛnle Dwuuma la avinli. Mesonle kɛ sɛlɛvolɛ mɔɔ ɔwɔ kɛ mebɔ Edwɛkpa ne mɔɔ vi Nyamenle ɛkɛ ne la nolo, amaa bɛdabɛ mɔɔ bɛnle Dwuuma la ayɛ azubɔdeɛ mɔɔ Sunsum Nwuanzanwuanza ne a ɛde nwolɛ na ɔsɔ Nyamenle anye la.


Meze kɛ saa menyia mebadwu bɛ nwo lɔ a, Edwɛkpa ne nolobɔlɛ ne bava Kelaese anu nyilalɛ dɔɔnwo arɛlɛ bɛ.


Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle.


Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.


Pɔɔlo, mɔɔ Nyamenle ɛlua ɔdaye ye ɛhulolɛdeɛ zo ɛvɛlɛ ye kɛ ɔrayɛ Kelaese Gyisɛse ɛzoanvolɛ, nee yɛ diema Sɔsetinɛse a


Menle dehelɛ ɔ? Menle ɛzoanvolɛ ɔ? Metɛnwunle yɛ Awulae Gyisɛse ɔ? Na tɛ bɛmɛ a Awulae ati bɛle me sa anloa gyima a?


Pɔɔlo, mɔɔ Nyamenle ɛhulo ɛyɛ ye Kelaese Gyisɛse ɛzoanvolɛ la, nee yɛ diema Temɔte a ɛlɛkɛlɛ kɛlata ɛhye ahɔmaa Nyamenle menli ne mɔɔ wɔ suakpole Kɔlente azo, nee Nyamenle menli ne amuala mɔɔ wɔ Akaya (Giliki) maanle ne kpokpoti anu la a.


Menlie menli kɛ bɛ “ɛzoanvolɛma kpalɛ” ne mɔ tɛla me.


Yemɔti kɛmɔ membɔle Nyamenle Edwɛkpa ne nolo mengilele bɛ mɔɔ meanlie bɛ ɛhwee, na menganle me nwo aze, amaa meamaa bɛ zo la, se ɛnee me ɛtane mɔɔ meyɛ la ɛne?


Se bɛnwu kɛ meyɛ kɔnwɔne, noko bɛdabɛ a bɛmaa meyɛ a. Bɛmɛ a bɛle menli mɔɔ anrɛɛ ɔwɔ kɛ bɛdie me bɛto nuhua a, ɔluakɛ saa mendo awie biala bɔbɔ a, bɛ “ɛzoanvolɛma zɔhane mɔ” ɛndɛla me wɔ adenle biala anu.


Mɔɔ mendwule Tulowase kɛ mekabɔ Kelaese anwo Edwɛkpa ne nolo la, menwunle kɛ Awulae ɛbuke adenle ɛmaa me kɛ menli gyima wɔ ɛkɛ.


Yɛmbɔ yɛdayɛ yɛ ngome yɛ nwo nolo; yɛbɔ Gyisɛse Kelaese anwo nolo kɛ ɔle Awulae, yɛɛ Gyisɛse ati yɛmɛ yɛle bɛmɛ bɛ sonvolɛma.


Medame Pɔɔlo, mɔɔ Gyisɛse Kelaese nee Nyamenle Selɛ ne mɔɔ dwazole ye vile mɔwuamra anu la ɛvɛlɛ me kɛ menyɛ ɛzoanvolɛ, na tɛ menli a ɛhyehyɛ ɛyɛ me bɛ ɛzoanvolɛ la a melɛkɛlɛ kɛlata ɛhye a.


Pɔɔlo mɔɔ ɔlua Nyamenle ɛhulolɛ zo yeyɛ Kelaese Gyisɛse ɛzoanvolɛ la yɛɛ ɛlɛkɛlɛ kɛlata ɛhye a. Ɔlɛ ɔkamaa Nyamenle menli ne mɔɔ wɔ Ɛfɛsɛse mɔɔ Kelaese Gyisɛse ati bɛdi nɔhalɛ wɔ bɛ ɛbɛlabɔlɛ nu la.


Bɛdabɛ noko, kɛmɔ bɛdele nɔhalɛ edwɛkɛ ne, mɔɔ le Edwɛkpa ne mɔɔ vale ngoanelielɛ rɛlɛle bɛ, na bɛliele Kelaese bɛlile la ati, Nyamenle vale ye Sunsum Nwuanzanwuanza ne, mɔɔ ɔvale ɔbɔle ɛwɔkɛ la ɔmanle bɛ, ɔvale ɔyɛle bɛ nzonlɛ kɛ bɛle ye menli.


Ye ahyɛlɛdeɛ a le kɛ ɔmaa bie mɔ yɛ ɛzoanvolɛma, bie mɔ yɛ Nyamenle kpɔmanvolɛma, bie mɔ yɛ Edwɛkpa ne nolobɔlɛma, yɛɛ bie mɔ noko yɛ sɛlɛvolɛma nee kilehilevolɛma.


Mekɛ ne anu yɛɛ Ɛdɛnkɛma yele Livae abusua ekpunli ne kɛ bɛzoa Ɛdɛnkɛma Ngyekyeleɛ Ɛlɛka ne, na bɛgyinla ɔ nyunlu bɛzonle ye, na bɛva ye duma bɛyila menli ne a. Bɛyɛ debie zɛhae toonwo a yeradwu ɛnɛ a.


Medame Pɔɔlo nee Temɔte, mɔɔ yɛle Kelaese Gyisɛse ngɛkɛlɛ la, yɛɛ yɛlɛkɛlɛ kɛlata ɛhye yɛahɔmaa bɛdabɛ mɔɔ Kelaese Gyisɛse ati bɛyɛ Nyamenle menli nee asɔne neavolɛma nee asɔne boavolɛma mɔɔ wɔ Felepae suakpole ne azo la amuala a.


na awie biala aha ye baguase kɛ, Gyisɛse Kelaese le Awulae, bɛava bɛawula Nyamenle Selɛ ne anyunlunyia.


Kɛlata ɛhye vi Pɔɔlo mɔɔ ɔlua Nyamenle ɛhulolɛ zo yeyɛ Kelaese Gyisɛse ɛzoanvolɛ la nee yɛ diema Temɔte ɛkɛ ne.


Ɛhye ati yɛɛ Nyamenle ɛyɛ me asɔne ne sonvolɛ, na yeva gyima ɛhye yemaa me kɛ menyɛ wɔ bɛ ti a. Gyima ne a le Nyamenle edwɛkɛ ne nolobɔlɛ.


Bɛdabɛ bɛze amaneɛ mɔɔ yɛnwunle ye nee aholoba mɔɔ bɛbɔle yɛ wɔ Felepae kolaa na yɛara Tɛsalonaeka la. Noko yɛ Nyamenle ne manle yɛ akɛnrasesebɛ manle yɛhanle Edwɛkpa ne mɔɔ vi ye ɛkɛ ne la yɛhilele bɛ wɔ mekɛ bɔbɔ mɔɔ ɛnee menli dɔɔnwo tia yɛ la.


Ɔlua bɛ nwo ɛhulolɛ mɔɔ yɛlɛ la ati yɛanga Edwɛkpa ne mɔɔ vi Nyamenle ɛkɛ ne la angome ala yɛangile bɛ; yɛvale yɛ ɛbɛlabɔlɛ noko yɛbokale nwo. Bɛ nwo hyia yɛ somaa!


Nɔhalɛ, mediema, bɛkakye kɛ yɛzile yɛyɛle gyima yɛvɛle la. Yɛyɛle gyima nɔɔzo nee ewiazo, amaa yɛanyɛ kpomgbolo yɛamkpolo bɛ kɔme wɔ mekɛ mɔɔ yɛka Edwɛkpa ne mɔɔ vi Nyamenle ɛkɛ ne la yɛahile bɛ la.


Medame Pɔɔlo, mɔɔ Nyamenle yɛ Ngoanedievolɛ ne nee Kelaese Gyisɛse yɛ anyelazo ne manle bɛyɛle me Kelaese ɛzoanvolɛ la a melɛkɛlɛ kɛlata ɛhye a.


Ɛhye ati yɛɛ ɔyɛle me ɛzoanvolɛ kɛ menga na mengilehile bɛdabɛ mɔɔ bɛnle Dwuuma la nɔhalɛ diedi ne a. Membɔ adalɛ, nɔhalɛ ne a melɛka la!


Edwɛkpa ɛhye yɛɛ Nyamenle ɛyɛ kɛ membɔ ye nolo, menyɛ ɛzoanvolɛ na mengilehile a.


Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.


Awie ko ɔdaye ɔngola ɔnyɛ ɔ nwo sɛlɛvolɛ kpanyinli. Bɛdua Nyamenle ɛvɛlɛlɛ zo a bɛyɛ sonla sɛlɛvolɛ kpanyinli a, kɛmɔ bɛyɛle Aalɔn la.


Sɛlɛvolɛ Kpanyinli mɔɔ le zɛhae la yɛɛ kola sɔ yɛ wɔ yɛ ɛhyianlɛ biala anu a, ɔluakɛ ɔle nwuanzanwuanza; ɛtane biala ɛnle ɔ nwo anzɛɛ ye nu. Bɛye ye bɛzie ahane bɛvi ɛtanevolɛma anu na bɛmaa ye zo bɛhɔ anwuma.


Kɛlata ɛhye vi Gyemise, Nyamenle nee Awulae Gyisɛse Kelaese akɛlɛ ne ɛkɛ. Mebiza Nyamenle menli ne mɔɔ ɛde ɛkponde aleɛabo la amuala kɔsɔɔti ahye.


Mekɛ ne ɛdwu mɔɔ ɔwɔ kɛ bɛbɔ ndɛnebualɛ ne abo a, na Nyamenle menli ne yɛɛ bɛbalumua bɛabua bɛ ndɛne a. Na saa ndɛnebualɛ ne bɔ ɔ bo wɔ yɛ nwo zo a, ɛnee kɛ ɔkɛzi ɔkɛwie ye wɔ menli mɔɔ ɛnlie Edwɛkpa ne mɔɔ vi Nyamenle ɛkɛ ne la ɛnli la anwo zo ɛ?


Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.


Medame Dwuudu, mɔɔ mele Gyisɛse Kelaese sonvolɛ nee Gyemise adiema la yɛɛ melɛkɛlɛ kɛlata ɛhye a. Melɛ mekamaa bɛdabɛ mɔɔ Nyamenle ɛvɛlɛ bɛ, na bɛde Egya Nyamenle ne ɛhulolɛ nu na Gyisɛse Kelaese wowa bɛ la amuala.


Buluku ɛhye ka ninyɛne mɔɔ Gyisɛse Kelaese yele hilele la anwo edwɛkɛ. Nyamenle manle ɔyele ɔhilele amaa yeaye mɔɔ ɛnrɛhyɛ biala na yeazi la yeahile ye sonvolɛma. Kelaese manle ye soanvolɛ rayele ninyɛne ɛhye mɔ hilele ye sonvolɛ Dwɔn.


Na Nyamenle soanvolɛ ne zele me kɛ, “Edwɛkɛ ɛhye mɔ le nɔhalɛ na bɛfa bɛ rɛle bɛwula nu a ɔyɛ boɛ. Awulae Nyamenle ne mɔɔ fa ye Sunsum ne wula ye kpɔmanvolɛma la yɛɛ ɛzoa ye soanvolɛma ne mɔ anu ko kɛ ɔraye mɔɔ ɛnrɛhyɛ biala na yeazi la ɔhile ye sonvolɛma ne mɔ a.”


Na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema Nyamenle kpɔmanvolɛma ne mɔ, nee bɛdabɛ mɔɔ bɛdi edwɛkɛ mɔɔ wɔ buluku ɛhye anu la azo la. Sonle Nyamenle na mmasonle me!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ