Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5 - BAEBOLO ANZƐƐ BULUKU NWUANZANWUANZA

⁵ ɔliele yɛ ngoane. Tɛ gyima kpalɛ mɔɔ yɛyɛle la ati ɔ, na ɔse anwunvɔne la ati ɔ. Ɔluale nzule awolɛ fofolɛ ne, mɔɔ le ɛbɛlabɔlɛ fofolɛ ne mɔɔ Sunsum Nwuanzanwuanza ne fa maa la azo a ɔwole yɛ bieko a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:5 ပူးပေါင်းရင်းမြစ်များ

Dwobu Buluku ne 15:14

“Sonla le duzu, mɔɔ ɔ nwo kola te a? Anzɛɛ sonla boni yɛɛ raalɛ ɛwo ye mɔɔ kola sɔ Nyamenle anye a?

Dwobu Buluku ne 25:4

Ɛnee kɛ ɔkɛyɛ na sonla ayɛ tenlenenli wɔ Nyamenle anyunlu ɛ? Anzɛɛ kɛ ɔkɛyɛ na dasanli mɔɔ raalɛ ɛwo ye la anwo ade ɛ?

Dwobu Buluku ne 9:20

Menze nwolɛ bie, medi nɔhalɛ, noko me nloa bua me ewule fɔlɛ; menli fɔlɛ, noko yehile kɛ menle kpalɛ.

Edwɛndolɛ Buluku ne 130:7

O Yizilayɛma, bɛmaa bɛ nye ɛla Ɛdɛnkɛma anwo zo! Ɔluakɛ Ɛdɛnkɛma lɛ ɛhulolɛ kpundii, na ɔlɛ ngoanelielɛ dɔɔnwo.

Edwɛndolɛ Buluku ne 143:2

Mmabua wɔ akɛlɛ ndɛne; ɔluakɛ ɛ nyunlu, awie biala ɛnli benle.

Edwɛndolɛ Buluku ne 51:10

O Nyamenle, bɔ ahonle mɔɔ anu te la wula me nu, na maa me sunsum fofolɛ mɔɔ gyi kpundii la.

Edwɛndolɛ Buluku ne 62:12

O Awulae, wɔmɔ a ɛlɛ ɛhulolɛ kpundii a. Ɔluakɛ wɔmɔ yɛɛ ɛtua sonla kakɛ, kɛmɔ ye gyima si de la a.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Edwɛndolɛ Buluku ne 86:5

Ɔluakɛ, O Awulae, ɛle kpalɛ yɛɛ fakyɛ wɔ wɔ afoa, ɛkile wɔ ɛhulolɛ kpundii ne wɔ bɛdabɛ mɔɔ bɛsu bɛfɛlɛ wɔ la anwo zo.

Ayezaya Buluku ne 57:12

Nea, meka bɛ tenleneyɛlɛ ne nee bɛ nyɛleɛ ne mɔ meahile bɛ, na bɛkɛnwu kɛ ɔnrɛboa bɛ.

Yizikeɛle Buluku ne 36:25

Mebakponde nzule mɔɔ anye te la bɛ nwo, na bɛ nwo bade avi bɛ ɛtane biala nee bɛ mmonle mɔɔ bɛzonlenle la anwo.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Edwɛkpa ne kɛmɔ Mateyu hɛlɛle la 3:11

Mame mefa nzule a mesɔne bɛ a, amaa bɛanwu kɛ bɛnlu bɛ nwo, na awie bie vi me nzi ɛlɛba mɔɔ yemɔ ɔle kpole ɔtɛla me a. Menfɛta kɛ menwɔzoa ye mgbɔlaboa bɔbɔ. Na yemɔ, ɔbava Sunsum Nwuanzanwuanza ne nee ndɛnebualɛ senle ne a yeazɔne a.

Edwɛkpa ne kɛmɔ Luku hɛlɛle la 1:50

mekɛ biala ɔse bɛdabɛ mɔɔ bɛsulo ye la anwunvɔne.

Edwɛkpa ne kɛmɔ Luku hɛlɛle la 1:54

Yeli ye ɛwɔkɛ ne mɔɔ ɔbɔle yɛ nlenya mɔ la azo, na yera kɛ ɔbaboa ye sonvolɛ Yizilayɛ.

Edwɛkpa ne kɛmɔ Luku hɛlɛle la 1:72

Ɔhanle kɛ ɔbaze yɛ nlenya mɔ anwunvɔne, na ɔ rɛle ɛnrɛvi ye ngyekyeleɛ nwuanzanwuanza ne.

Edwɛkpa ne kɛmɔ Luku hɛlɛle la 1:78

Ɔlua yɛ Nyamenle ne ahunlunyele kpole ti, ɔbamaa ngoanelielɛ kenle ne ado yɛ;

Wulo 11:14

amaa meawula me gɔnwo mɔ Dwuuma anyebolo, na ɔlua zo bɛalie bie mɔ ngoane.

Wulo 11:6

Saa ɛlolɛ zo ala yɛɛ ɔlua a, ɛnee tɛ nyɛleɛ ti ɔ. Ɔluakɛ saa Nyamenle kpa nu aye sonla amaa ɔ nwo wɔ ahenle ne mɔdenlebɔ ti a, ɛnee Nyamenle ɛlolɛ ne ɛnle ɛlolɛ.

Wulo 12:2

Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.

Wulo 3:20

Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Wulo 3:28

Ɔluakɛ yɛnwu kɛ sonla mɔɔ die Nyamenle di la yɛɛ Nyamenle maa ɔsɔ ɔ nye a, na tɛ mɔɔ di mɛla ne azo la ɔ.

Wulo 4:5

Na mɔɔ ɛnyɛ gyima na ɔdie Nyamenle ne mɔɔ bua ɛtanevolɛma benle la di la, ye diedi zo yɛɛ Nyamenle nea na ɔmaa ɔsɔ ɔ nye a.

Wulo 9:11

Na amaa bɛ nuhua ko ɛvɛlɛlɛ ɛdeɛ ne ali munli, kɛmɔ Nyamenle hyehyɛle la, Nyamenle zele Relebɛka kɛ, “Kpanyinli ne bazonle kakula ne.” Ɔhanle ɛhye kolaa na bɛawo bɛ, na bɛanwu kpalɛ anzɛɛ ɛtane; ɛhye kile kɛ Nyamenle ɛvɛlɛlɛ ne gyi ye ɛhulolɛdeɛ zo na tɛ nyɛleɛ biala mɔɔ bɛyɛle la ati ɔ.

Wulo 9:16

Yemɔti, Nyamenle anwunvɔnezelɛ ne ɛngyi mɔɔ sonla kpondɛ la, anzɛɛ mɔɔ ɔkɛyele ɔ nwo kɛ ɔyɛ la azo.

Wulo 9:30

Ɛnee akee kɛ yɛha yɛze ɛ? Yɛka ɛhye, kɛ bɛdabɛ mɔɔ bɛnle Dwuuma, na bɛandwenle nwolɛ ɛlɛ kɛ bɛkɛzɔ Nyamenle anye la, ɛlua diedi zo ɛzɔ ɔ nye.

1 Kɔl 6:11

Kɛ ɛnee bɛ bie mɔ de la ɛne. Na Awulae Gyisɛse Kelaese duma ne ati nee Nyamenle Sunsum Nwuanzanwuanza ne ati, bɛbia bɛ; bɛde bɛ nwo bɛvi ɛtane nwo, na bɛmaa bɛzɔ Nyamenle anye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:16

Noko mɔɔ yɛnwu ye la a le kɛ, tɛ mɛla ne azo ɛlilɛ yɛɛ maa sonla sɔ Nyamenle anye a, kyesɛ yɛdie Gyisɛse Kelaese yɛdi kolaa na yɛazɔ Nyamenle anye. Yɛdayɛ bɔbɔ, yɛliele Kelaese Gyisɛse yɛlile kolaa na Nyamenle alua zolɛ yeamaa yɛazɔ ɔ nye, na tɛ mɛla ne mɔɔ yɛlile zolɛ la ati ɔ. Ɔluakɛ sonla biala mɔɔ di mɛla ne azo la ɛnrɛzɔ Nyamenle anye ɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:4

Noko Nyamenle anwunvɔnezelɛ ne zonle, yɛɛ ye ɛhulolɛ mɔɔ wɔ yɛ nwo zo la le kpole bo zolɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:23

Bɛnyia subane fofolɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:26

Ɔyɛle ɛhye na ɔvale ɔ nloa edwɛkɛ nee nzule ɔnrinzinle nwolɛ bɔkɔɔ na ɔdele nwolɛ;

Mɛla 9:5

Tɛ bɛ tenleneyɛlɛ anzɛɛ bɛ boɛ mɔɔ bɛdi la ati yɛɛ Ɛdɛnkɛma bɛ Nyamenle ne ɛlɛtu bɛ a, na amaa ye ɛwɔkɛ ne mɔɔ ɔbɔle bɛ ze mɔ Ebileham, Ayezeke, nee Gyekɔbo la ali munli la ati ɔ.

Kɔlɔ 3:10

Bɛva su fofolɛ ne, mɔɔ Nyamenle ne mɔɔ bɔle ye la nea ye ɛsaso zo kakyihakyi ye dahuu la bɛwula, amaa bɛanwu kɛ ɔdaye mumua ne ɔsi ɔde la.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:4

Na mɔɔ yɛ Ngoanelielɛ Nyamenle ne lale ye atiakunlukɛnlɛma nee ye ɛhulolɛ ne ali la,

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

Kɛlata mɔɔ bɛhɛlɛle bɛhɔmanle Hibuluma la 4:16

Zɔhane ati bɛmaa yɛzi ahonle na yɛbikye Nyamenle belemgbunli ebia ne mɔɔ ɛlolɛ ɛyi ye tɛkɛɛ la anwo. Ɛkɛ ne yɛɛ bɛbanwu yɛ anwunvɔne na ye ɛlolɛ ti yɛanyia moalɛ wɔ mekɛ mɔɔ yɛkɛhyia la a.

Kɛlata mɔɔ bɛhɛlɛle bɛhɔmanle Hibuluma la 6:6

Ɔyɛ se kɛ awie kɛhola kɛmaa bɛkɛnlu bɛ nwo bieko a, ɔboalekɛ bɛbɔ Nyamenle Ara ne meanubaka nu dahuu na bɛgua ɔ nyunlu aze wɔ menli nu.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Pit 2:10

Mekɛ bie ɛnee bɛnzɔho menli bɔbɔ, na ɛnɛ bɛle Nyamenle menli. Mekɛ bie ɛnee bɛnze Nyamenle anwunvɔnezelɛ ne deɛ holɛ, na ɛnɛ bɛ sa ɛha ye anwunvɔnezelɛ ne.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.