Pɔɔlo Kɛlata mɔɔ ɔhɛlɛle ɔhɔmanle Taetɛse la 3:15 - BAEBOLO ANZƐƐ BULUKU NWUANZANWUANZA

¹⁵ Bɛdabɛ mɔɔ bɛ nee me wɔ ɛke la amuala biza wɔ ahye. Yɛbiza yɛ gɔnwo mɔ mɔɔ yɛ muala yɛlɛ diedi ko la ahye. Nyamenle ɛlo bɛ na ɔ nee bɛ ɛdɛnla.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:15 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 5:47

Na saa bɛbiza bɛ gɔnwo mɔ angome ahye a, ɛnee duzu debie ngakyile a bɛyɛ bɛmaa yebo zo a? Bɛdabɛ mɔɔ bɛnze Nyamenle bɔbɔ la noko yɛ ye zɔhane ala.

Ɛzoanvolɛma Gyima ne 20:34

Bɛdabɛ bɛze kɛ medame me sa anloa gyima mɔɔ meyɛ la yɛɛ meva menlea me nwo nee me gɔnwo mɔ a.

1 Kɔl 16:23

Awulae Gyisɛse ɛlolɛ ne nee bɛ ɛdɛnla.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:6

Ɔluakɛ saa yɛ nee Kelaese Gyisɛse yɛ ko a, yɛyɛ yɛ mrenyanu nzonlɛ o, yɛanyɛ o, ɔngyia. Mɔɔ hyia la a le kɛ yɛkɛnyia diedi mɔɔ fa ɛhulolɛ yɛ gyima la.

Kɔlɔ 4:18

Medame Pɔɔlo, me sa anloa ɛne: Mebiza bɛ ahye. Bɛmmamaa bɛ rɛle fi kɛ mela kpanwu nu! Nyamenle ɛlo bɛ na ɔ nee bɛ ɛdɛnla.

1 Tem 1:2

Mefa meahɔmaa Temɔte, mɔɔ le me ra kpalɛ wɔ diedi ne anu la. Nyamenle Selɛ ne nee Kelaese Gyisɛse yɛ Awulae ne ɛlo wɔ, ɛnwu wɔ anwunvɔne na ɔmaa wɔ anzonudwolɛ.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

2 Tem 4:22

Awulae nee wɔ sunsum ɛdɛnla. Nyamenle ɛlo bɛ muala.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:5

Ɔluakɛ mete wɔ ɛhulolɛ mɔɔ ɛlɛ ye wɔ Nyamenle menli ne anwo nee diedi mɔɔ ɛlɛ ye wɔ Awulae Gyisɛse anu la nganeɛ.

Kɛlata mɔɔ bɛhɛlɛle bɛhɔmanle Hibuluma la 13:25

Nyamenle ɛlo bɛ na ɔ nee bɛ muala ɛdɛnla! Amen.

3 Dw 1:1

Kɛlata ɛhye vi medame “Nrenya Kpanyinli ne” ɛkɛ. Melɛkɛlɛ meahɔmaa me gɔnwo Gayɛse mɔɔ mekulo ye nɔhalɛ nu la.