Pɔɔlo Kɛlata mɔɔ ɔhɛlɛle ɔhɔmanle Taetɛse la 3:1 - BAEBOLO ANZƐƐ BULUKU NWUANZANWUANZA

¹ Kakye wɔ menli ne kɛ bɛha bɛ nwo aze bɛmaa arelemgbunli nee bɛdabɛ mɔɔ tumi wɔ bɛ sa nu la, bɛdie bɛ edwɛkɛ na bɛbɔ ɛbɛla kpalɛ wɔ adenle biala anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:1 ပူးပေါင်းရင်းမြစ်များ

Mrɛlɛbulɛ Buluku ne 24:21

Me ra nrenya, sulo Ɛdɛnkɛma na di belemgbunli eni, yɛɛ mmatu biala anloa ɛto,

Nolo 10:4

Saa wɔ belemgbunli fa ɛ nwo ɛya a, mmagyakyi gyima ɛkɛ ne ala; saa ɛsie ɛ nwo diinyi a, wɔannea a wɔ ɛtane mgbole mɔɔ wɔyɛ bɔbɔ la, bɛbava bɛahyɛ wɔ.

Ayezaya Buluku ne 43:26

“Bɛhakye me adwenle; bɛrɛla bɛmaa yɛvedevede nu, bɛha bɛ tendile ne bɛhile kɛ bɛdi benle.

Gyɛlɛmaya Buluku ne 27:17

Bɛmmatie bɛ; bɛzonle Babelonia belemgbunli ne na bɛnyia ngoane. Duzu ati a ɔwɔ kɛ suakpole ɛhye bɔ a?

Edwɛkpa ne kɛmɔ Mateyu hɛlɛle la 22:21

Bɛzele kɛ, “Siza ɔ.” Gyisɛse zele bɛ kɛ, “Ɛnee bɛva mɔɔ le Siza ɛdeɛ la bɛmaa ye ɛ, na bɛva mɔɔ le Nyamenle ɛdeɛ noko la bɛmaa ye.”

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

Mɛla 17:12

Awie biala mɔɔ kɛli ɔ ti anwo na yeanli mɔɔ sɛlɛvolɛ ne mɔɔ gyi Nyamenle agyakɛ anu, anzɛɛ yeanli mɔɔ ndɛnebuavolɛ ne kɛha la azo, na ɔkɛyɛ debie gyɛne biala la, ɔwɔ kɛ bɛku ye; bɛyɛ ye zɔhane bɛva bɛdu munzule ne abo bɛvi Yizilayɛ maanle ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

1 Tem 2:2

Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

2 Tem 1:6

Zɔhane ati meka meahile wɔ kɛ fa ahyɛlɛdeɛ ne mɔɔ Nyamenle manle wɔ, wɔ mekɛ mɔɔ menvale me sa menguale ɛ ti zo la yɛ gyima.

2 Tem 2:14

Kakyehakye wɔ menli ne mɔ wɔ ɛhye anwo, na bɔ bɛ kɔkɔ wɔ Nyamenle anyunlu kɛ bɛmmadi edwɛkɛ agbɔkɛ nwo butule. Ɔnle kpalɛ, yɛɛ ɔsɛkye menli mɔɔ tie la adwenle.

2 Tem 2:21

Saa awie twe ɔ nwo fi ninyɛne evinli nwo a, ɔkɛyɛ kɛ ɛyɛba mɔɔ anwo hyia na bɛde nwolɛ bɛmaa Nyamenle, na ɔ nwo ɛra nvasoɛ ɛmaa ɔ menle na bɛziezie ye kɛ bɛfa bɛayɛ gyima kpalɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.

Kɛlata mɔɔ bɛhɛlɛle bɛhɔmanle Hibuluma la 13:21

ɛmaa bɛ sa ɛha debie biala mɔɔ le kpalɛ la. Nyamenle ɛmaa bɛhola bɛyɛ mɔɔ ɔkulo la, na ɔlua Gyisɛse Kelaese anwo zo ɔva bɛ ɔyɛ gyima mɔɔ sɔ ɔ nye la. Anyunlunyia ɛha Kelaese dahuu! Amen.

2 Pit 1:12

Zɔhane ati meyɛ me adwenle kɛ dahuu mebahakyehakye bɛ wɔ ninyɛne ɛhye mɔ anwo, noko meze kɛ bɛze bɛ dɛba na bɛ ti ɛmi nɔhalɛ ne mɔɔ bɛnyia ye la anu kpalɛ.

Dwuudu Kɛlata ne 1:5

Bɛze ɛhye bɔkɔɔ, noko eza mekulo kɛ mekakye bɛ kɛ Awulae mɔɔ liele Yizilayɛma vile Yigyibiti azɛlɛ zo la eza nzinlii zɛkyele bɛdabɛ mɔɔ bɛanlie bɛanli la.