Pɔɔlo Kɛlata mɔɔ ɔhɛlɛle ɔhɔmanle Taetɛse la 2:8 - BAEBOLO ANZƐƐ BULUKU NWUANZANWUANZA

⁸ Fa ɛdendɛlɛ kpalɛ mɔɔ menli ɛnrɛha nwolɛ edwɛkɛ la kilehile, amaa wɔ agbɔvolɛ asa aha bɛ gye nu, na bɛannyia edwɛkɛ ɛtane bɛanga wɔ yɛ nwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:8 ပူးပေါင်းရင်းမြစ်များ

Nihɛmaya Buluku ne 5:9

Yemɔti menzele bɛ kɛ, “Nyɛleɛ mɔɔ bɛlɛyɛ la ɛnle kpalɛ. Ɔwɔ kɛ bɛsulo Nyamenle na bɛbɔ ɛbɛla mɔɔ le fɔɔnwo la, amaa bɛammaa yɛ kpɔvolɛma nee menli mɔɔ ɛnze Nyamenle la adenle bɛanzi yɛ amgbu.

Ayezaya Buluku ne 66:5

Bɛmɛ mɔɔ bɛsulo Ɛdɛnkɛma na bɛdi ye edwɛkɛ zo la, bɛdie mɔɔ ɔlɛka la. Ɔse, “Bɛ mediema ne mɔ mɔɔ kyi bɛ, na medame ti bɛmbu bɛ bie la ɛha kɛ, ‘Bɛmaa Ɛdɛnkɛma ɛhile ye anyunlunyia ne na ɔlie bɛ, amaa yɛanwu bɛ anyelielɛ ne.’ Na bɛmɛ bɔbɔ yɛɛ bɛ nyunlu bagua aze a.

Edwɛkpa ne kɛmɔ Maake hɛlɛle la 12:17

Na Gyisɛse zele bɛ kɛ, “Aa, ɛnee noko bɛva mɔɔ le Siza ɛdeɛ la bɛmaa ye ɛ, na bɛva mɔɔ le Nyamenle ɛdeɛ la bɛmaa ye.” Na Gyisɛse anwo yɛle bɛ ɛzulolɛ kpole.

Edwɛkpa ne kɛmɔ Maake hɛlɛle la 12:28

Ɛnee mɛla kilehilevolɛ ko bie wɔ ɛkɛ. Ɔdele edwɛkɛbizalɛ ne na ɔnwunle kɛ Gyisɛse ɛmaa Sadusiima mualɛ kɛnlɛma gyɛlɛɛnye, yemɔti ɔbizale ye kɛ, “Mɛla ne anu boni a le titile kpalɛ kpalɛ a?”

Edwɛkpa ne kɛmɔ Maake hɛlɛle la 12:32

Mɛla kilehilevolɛ ne zele Gyisɛse kɛ, “Kilehilevolɛ, mo! Ɔle nɔhalɛ, kɛmɔ ɛlɛka la, Awulae angome a le Nyamenle a, nyamenle bieko ɛnle ɛkɛ.

Edwɛkpa ne kɛmɔ Maake hɛlɛle la 12:34

Gyisɛse nwunle kɛ yeye edwɛkɛ ne anloa nrɛlɛbɛ nu, yemɔti ɔzele ye kɛ, “Ɛ nee Nyamenle Belemgbunlililɛ ne avinli anwa.” Ɔvi ɛhye azo awie biala angola anzi ye ahonle ambiza Gyisɛse edwɛkɛ bieko.

Edwɛkpa ne kɛmɔ Luku hɛlɛle la 13:17

Ye mualɛ ne manle ye agbɔvolɛ ne mɔ amuala anyunlu guale aze, na menli ne amuala lile fɛlɛko wɔ nwanwane ninyɛne mgbole mɔɔ ɔyɛle la anwo.

2 Tɛs 3:14

Saa awie wɔ ɛkɛ ne mɔɔ ɔnrɛli mɔɔ yɛhɛlɛ ye wɔ kɛlata ɛhye anu la azo a, bɛmɛ bɛyɛ ahenle zɔhane nzonlɛ, bɛmmayɛ ye ɛhwee, na ɔdaye ɔ ngome ɔ nyunlu bagua aze.

1 Tem 5:14

Zɔhane ati menwɔhulo kɛ ahunlanvolɛ mbɛlɛra ne mɔ kɛhɔ agyalɛ, bɛkɛwo mralɛ, na bɛkɛbu bɛ awuke, amaa yɛ kpɔvolɛma annyia adenle anga edwɛkɛ ɛtane antia yɛ.

1 Tem 6:3

Awie biala mɔɔ kilehile ngilehilelɛ fofolɛ bie na ɔnlie yɛ Awulae Gyisɛse Kelaese nɔhalɛ edwɛkɛ ne nee yɛ nyamenlezonlenlɛ ngilehilelɛ ne ɔndo nu la

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 2:15

Ɔluakɛ Nyamenle ɛhulolɛ a le kɛ bɛkɛva bɛ nyɛleɛ kpalɛ ne mɔ bɛkɛmaa ahɔnwɔne kɛgyakyi mgbane mgbane ɛhehanlɛ.

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.