Pɔɔlo Kɛlata mɔɔ ɔhɛlɛle ɔhɔmanle Taetɛse la 2:5 - BAEBOLO ANZƐƐ BULUKU NWUANZANWUANZA

⁵ amaa bɛanwu nrɛlɛbɛ, bɛazie bɛ nwo diinyi, bɛayɛ atiakunlukɛnlɛma, bɛ nwo ade saanwu, na bɛayɛ yelɛma kpalɛ mɔɔ tie bɛ hu mɔ ane a, amaa awie anga Nyamenle edwɛkɛ ne anwo edwɛkɛ ɛtane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:9

Menli nsa ne bizale ye kɛ, “Ɛ ye Sɛla wɔ nienwu?” Ɔbuale kɛ, “Ɔwɔ ndanlɛ sua ne anu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:16

Akee ɔzele raalɛ ne kɛ, “Mebamaa wɔade nyane kpalɛ wɔ awolɛ nu; ɛbade nyane wɔ wɔ ralɛ ɛwolɛ nu, noko ɛ nwo balɔ ɛ hu na yeazie wɔ.”

2 Sam 12:14

Kɛmɔ wɔanli Ɛdɛnkɛma eni fee na wɔyɛ nyɛleɛ ɛhye la, ɛ ra ne mɔɔ bɛbawo ye la bawu.”

Edwɛndolɛ Buluku ne 74:10

O Nyamenle, kenlenzu yɛɛ kpɔvolɛ ne kɛgyakyi agolobɛnwo ye a? Asoo ɔwɔ kɛ kpɔvolɛ ne sɛkye wɔ duma bɔkɔɔ?

Mrɛlɛbulɛ Buluku ne 7:11

Raalɛ ne le sonla mɔɔ ɛndɛnla ye sua nu yɛɛ ɔtendɛ kpukpakpukpa.

Ɛzoanvolɛma Gyima ne 9:36

Dwɔpa noko, raalɛ bie wɔ ɛkɛ, bɛfɛlɛ ye Tabeta. (Ye duma ne Giliki nu a le Dɔkase.) Ɔle ɛdoavolɛ. Raalɛ ɛhye vale ye mekɛ yɛle ahunlunyele gyima na ɔboale ehyianvolɛma.

Ɛzoanvolɛma Gyima ne 9:39

Pita noko anzi aze na ɔ nee bɛ hɔle. Ɔhɔdwule la, bɛ nee ye hɔle ɛbolɔnsane ne azo ɛleka mɔɔ bɛdeda ye la. Ahunlanvolɛ mraalɛ mɔɔ Dɔkase ɛyɛ bɛ nyele ɛlɛ la vale ɛzunlɛ rabɔle yiale Pita na bɛvale adɛladeɛ mɔɔ Dɔkase kpomgbale hyɛle bɛ, wɔ mekɛ mɔɔ ɔde aze la bɛhilele ye.

Wulo 14:16

Mmamaa debie mɔɔ ɛdwenle kɛ ɔle kpalɛ ɔmaa wɔ la nyia duma ɛtane.

Wulo 2:24

Nyamenle Edwɛkɛ ne se, “Bɛmɛ Dwuuma bɛ ti, bɛdabɛ mɔɔ bɛnle Dwuuma la tendɛ tia Nyamenle.”

1 Kɔl 11:3

Noko mekpondɛ kɛ bɛte ɔ bo kɛ nrenya biala amenle a le Kelaese, raalɛ biala amenle a le ɔ hu, yɛɛ Kelaese amenle a le Nyamenle.

1 Kɔl 14:34

mraalɛ ɛmua bɛ nloa wɔ asɔne nyianu ne mɔ anu. Bɛnlɛ adenle kɛ bɛkɛdendɛ, kɛmɔ Dwuuma mɛla ne se la, ɔwɔ kɛ bɛboa mrenya ne mɔ abo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:33

Noko ɔwɔ kɛ kunli biala kulo ɔ ye kɛ ɔdaye ɔ nwo, na yelɛ biala noko di ɔ hu eni.

Kɔlɔ 3:18

Yelɛma, bɛha bɛ nwo aze bɛmaa bɛ hu mɔ, na mɔɔ Kelaese ɛdoavolɛ biala ɔwɔ kɛ yɛ la ɛne.

1 Tem 5:10

yɛɛ ye nyɛleɛ kpalɛ ti bɛbɔ ye duma kpalɛ kɛ ɔle raalɛ mɔɔ tetele ɔ mra kpalɛ, ɔliele nyɛvolɛ, ɔwowole anwondelɛma agyakɛ anwo, ɔboale bɛdabɛ mɔɔ bɛ nwo hyelele bɛ, na ɔdule ɔ nwo ɔmanle gyima kpalɛ biala ɛyɛlɛ la.

1 Tem 6:1

Maa bɛdabɛ mɔɔ bɛle ngɛkɛlɛ la ɛbu bɛ menle mɔ kɛ bɛfɛta enililɛ wɔ adenle biala anu, amaa awie biala annyia edwɛkɛ ɛtane anga wɔ Nyamenle duma ne nee yɛ ngilehilelɛ ne anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:4

amaa bɛahola bɛatete mbɛlɛra ne mɔ bɛamaa bɛahulo bɛ hu mɔ nee bɛ mra.