Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3 - BAEBOLO ANZƐƐ BULUKU NWUANZANWUANZA

³ Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3 ပူးပေါင်းရင်းမြစ်များ

Wulo 1:29

Ninyɛne mɔɔ le kɛ amumuyɛ, asiayɛ, anyebolo, ngunzi, nungule, kɔdiawu, konle, adalɛ nee nwondomgbɔ la ɛyi bɛ tɛkɛɛ. Bɛye ndɛne,

Wulo 16:2

Bɛlie ye wɔ Awulae duma nu, kɛ bɛkɛlie Nyamenle menli ne mɔ bie ala la, na bɛmaa ye moalɛ biala mɔɔ ɔkɛhyia nwolɛ la, ɔluakɛ ɔle sonla mɔɔ yeboa menli dɔɔnwo nee medame noko a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:3

Bɛle Nyamenle menli, zɔhane ati bɛye adwɔmanebɔlɛ anzɛɛ nyɛleɛ ɛtane ɛtane anzɛɛ anyebolo wɔ bɛ nu bɔkɔɔ.

1 Tem 3:11

Zɔhane ala yɛɛ bɛ ye mɔ noko ɔwɔ kɛ yɛ mraalɛ mɔɔ bɛ nye gyi bɛ ti anwo na bɛdi nɔhalɛ wɔ debie biala anu a.

1 Tem 3:8

Zɔhane ala yɛɛ ɔwɔ kɛ asɔne nu boavolɛma yɛ menli mɔɔ lɛ subane kpalɛ na bɛdi nɔhalɛ a; ɔnle kɛ bɛyɛ nzama anzɛɛ bɛyɛ ezukoa nwo anyebolo.

1 Tem 5:23

Mmano nzule ngome ala, ɛ ko ne nee ɛ nwo ne mɔɔ toto wɔ wazowazo la ati, anrɛɛ no nwanye ekyi.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7

Ɔluakɛ, kɛmɔ asɔne neavolɛ ne gyi Nyamenle gyima ne ati la, ɔnle kɛ ɔ nwo nyia ngehanleɛ, ɔnle kɛ ɔmemaa ɔ nwo zo anzɛɛ ɔnyia ahonle kpole. Ɔnle kɛ ɔyɛ nzanli anzɛɛ ɔ sa yɛ kpokpo, ɔnle kɛ ɔ nye bolo ezukoa.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:4

amaa bɛahola bɛatete mbɛlɛra ne mɔ bɛamaa bɛahulo bɛ hu mɔ nee bɛ mra.

Kɛlata mɔɔ bɛhɛlɛle bɛhɔmanle Hibuluma la 5:12

Ɔluakɛ mekɛ ɛdwu mɔɔ saa bɛle kilehilevolɛma bɔbɔ a anrɛɛ ɔmbɔ nzonle a, noko kɛkala bɛtɛkpondɛ awie mɔɔ bɔ ɔ bo yeahilehile bɛ Nyamenle Edwɛkɛ ne ɛzukoalɛdeɛ ne mɔ mɔɔ lumua la. Bɛngola aleɛ mɔɔ anu yɛ se la di. Ɛhye ati bɛkpondɛ nyɛfonzule bɛanlo.

Yekile 2:20

Noko melɛ edwɛkɛ ɛhye metia wɔ: ɛdie raalɛ Gyɛzɛbɛle mɔɔ ɛyɛ ɔ nwo Nyamenle kpɔmanvolɛ la ɛto nu. Yeva ye ngilehilelɛ ne yezi me menli ne mɔ anye yemaa bɛlɛbɔ adwɔmane ɛbɛla na bɛdi aleɛ mɔɔ bɛva bɛzɔ amonle la.