Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13 - BAEBOLO ANZƐƐ BULUKU NWUANZANWUANZA

¹³ yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13 ပူးပေါင်းရင်းမြစ်များ

Ayezaya Buluku ne 25:9

Mekɛ ne anu bɛbaha kɛ, “Bɛnlea, yɛ Nyamenle ne ɛne, yɛhendɛ ye, amaa yealie yɛ ngoane. Ɛdɛnkɛma ɛne, yɛhendɛ ye; bɛmaa yɛ nye ɛlie na yɛli fɛlɛko wɔ ye ngoanelielɛ ne ati.”

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 25:31

“Mekɛ mɔɔ medame Sonla Ra, menwɔra kɛ Belemgbunli, mɔɔ ɛnee me soanvolɛma ne amuala wɔ me nwo ɛkɛ ne la, mebadɛnla me anyunlunyia belemgbunli ebia ne anu,

Edwɛkpa ne kɛmɔ Mateyu hɛlɛle la 26:64

Gyisɛse buale kɛ, “Yemɔ ala a wɔha la. Na meka meahile bɛ muala kɛ, ɔvi mekɛ ɛhye mɔɔ kɔ la bɛbanwu medame Sonla Ra, kɛ mede Tumivolɛ Nyamenle ne asa fema zo, na melua amungu nu melɛba bieko.”

Edwɛkpa ne kɛmɔ Maake hɛlɛle la 14:62

Gyisɛse buale ye kɛ, “Medame ɛne! Akee bɛ muala bɛbanwu medame, Sonla Ra, kɛ mede Tumivolɛ Nyamenle ne asa fema zo na melua amungu ne mɔ anu melɛba!”

Edwɛkpa ne kɛmɔ Maake hɛlɛle la 8:38

Yemɔti saa awie annea boɛ na ɔmaa me nwo nee me ngilehilelɛ ne yɛ ye nyiane wɔ ɛtane nee amumuyɛ mekɛ ye anu a, ɛnee noko ahenle ɛnwu ye kɛ, ɔdaye noko ɔ nwo bayɛ Medame Sonla Ra nyiane wɔ mekɛ mɔɔ me nee me anwuma soanvolɛma nwuanzanwuanza ne yɛkɛra Egya anyunlunyia ne anu la.”

Ɛzoanvolɛma Gyima ne 24:15

Me anyelazo mɔɔ melɛ wɔ Nyamenle anu la le kɛ mɔɔ bɛdabɛ bɛlɛ ye ala la, kɛ menli kɔsɔɔti, ɛtanevolɛma nee kpalɛyɛlɛma badwazo ara ngoane nu.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

Wulo 8:18

Menea a amaneɛ mɔɔ yɛlɛnwu ye ɛke la kpole ɛnrɛdo kenlebie anyunlunyia mɔɔ yɛbanyia ye la.

1 Kɔl 1:7

yemɔti bɛngyia ɛlolɛ ahyɛlɛdeɛ biala anwo, wɔ mekɛ mɔɔ bɛlɛkendɛ yɛ Awulae Gyisɛse Kelaese ɛralɛ bieko mɔɔ ɔbara la.

2 Kɔl 4:4

Bɛnlie bɛnli, ɔluakɛ ɛtane ewiade ɛhye nyamenle ne ɛzi bɛ adwenle ne anye. Ɔmmaa bɛnnwu wienyi ne mɔɔ ɛlɛta fi Edwɛkpa ne mɔɔ fane Kelaese, mɔɔ le Nyamenle sɔhovolɛ kpalɛ ne anyunlunyia ne anwo la.

2 Kɔl 4:6

Nyamenle ne mɔɔ zele kɛ, “Wienyi vi awozinli nu ɛda” la a le Nyamenle ko ne ala mɔɔ manle ye wienyi ne dale yɛ ahonle nu la, amaa yɛanwu Nyamenle anyunlunyia ne mɔɔ ɛlɛta Kelaese anyunlu la.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 1:5

ɔboalekɛ bɛlɛ anyelazo bie mɔɔ bɛ sa baha ye wɔ anwuma a. Anyelazo ɛhye a bɛdele nwolɛ edwɛkɛ alumua ne, wɔ mekɛ mɔɔ bɛvale Edwɛkpa ne bɛrɛlɛle bɛ la.

Kɔlɔ 3:4

Yɛ ngoane a le Kelaese, yemɔti mekɛ mɔɔ Kelaese kɛra la bɛdabɛ noko bɛ nee ye kɛra anyunlunyia nu.

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

2 Tɛs 2:8

kolaa na akee Amumuyɛnli ne ara. Na saa Awulae Gyisɛse ba a, ɔbava ɔ nloa anu anwoma mgbane yeahu ye na yeava ɔ nyunlu ɛdalɛ wienyi kpole ne yeazɛkye ye bɔkɔɔ.

1 Tem 1:1

Medame Pɔɔlo, mɔɔ Nyamenle yɛ Ngoanedievolɛ ne nee Kelaese Gyisɛse yɛ anyelazo ne manle bɛyɛle me Kelaese ɛzoanvolɛ la a melɛkɛlɛ kɛlata ɛhye a.

2 Tem 1:2

Mefa meahɔmaa me ra Temɔte mɔɔ la me ahonle nwo la. Nyamenle Selɛ ne nee yɛ Awulae Kelaese Gyisɛse ɛlo wɔ, ɔnwu wɔ anwunvɔne na ɔmaa wɔ anzonudwolɛ.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ:

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2

Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:4

Melɛkɛlɛ wɔ, Taetɛse, mɔɔ ɛle me ra kpalɛ la wɔ diedi ne mɔɔ yɛlɛ nu la ati. Egya Nyamenle nee Kelaese Gyisɛse, yɛ Ngoanedievolɛ ne ɛlo wɔ na ɔmaa wɔ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:4

Na mɔɔ yɛ Ngoanelielɛ Nyamenle ne lale ye atiakunlukɛnlɛma nee ye ɛhulolɛ ne ali la,

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

2 Pit 1:1

Kɛlata ɛhye vi medame Saemɔn Pita, mɔɔ mele Gyisɛse Kelaese akɛlɛ nee ye ɛzoanvolɛ la ɛkɛ. Melɛ mekamaa bɛdabɛ mɔɔ ɔlua Nyamenle nee Dievolɛ Gyisɛse Kelaese pɛlepɛlelilɛ ti bɛnyia diedi mɔɔ sonle bolɛ kɛ yɛdayɛ la.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

1 Dw 4:14

Yɛnwu ye yɛɛ yɛdi daselɛ kɛ Selɛ ne ɛzoa ɔ Ra ne kɛ yemɔ a ɔle ɛtane ewiade ye amra ngoanedievolɛ a.

Dwuudu Kɛlata ne 1:21

bɛzie bɛ nwo wɔ Nyamenle ɛhulolɛ ne anu bɛhendɛ ngoane ne mɔɔ ɛnlɛ awieleɛ, mɔɔ anwunvɔnezelɛ nu ala Awulae Gyisɛse Kelaese bava amaa bɛ la.

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.