Pɔɔlo Kɛlata mɔɔ ɔhɛlɛle ɔhɔmanle Taetɛse la 2:10 - BAEBOLO ANZƐƐ BULUKU NWUANZANWUANZA

¹⁰ Bɛmmayɛ awule ndɛbandɛba biala. Ɔwɔ kɛ dahuu bɛkile kɛ bɛle kpalɛ, bɛdi nɔhalɛ, amaa ngilehilelɛ ne mɔɔ fane Nyamenle yɛ Ngoanedievolɛ ne anwo la ayɛ nvasoɛ wɔ debie biala mɔɔ bɛyɛ la anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:10 ပူးပေါင်းရင်းမြစ်များ

Edwɛndolɛ Buluku ne 101:6

Mebava ɛnyelɛ kpalɛ meanlea bɛdabɛ mɔɔ bɛdi nɔhalɛ wɔ azɛlɛ ne azo la, amaa bɛ nee me adɛnla; sonla mɔɔ dua ndenle mɔɔ ngehanleɛ ɛnle nwolɛ la anu la, yemɔ yɛɛ ɔbazonle me a.

Ayezaya Buluku ne 12:2

Bɛnlea, Nyamenle le me ngoanedievolɛ; menrɛzulo, mebava me rɛle meawula ye nu, ɔluakɛ Ɛdɛnkɛma Nyamenle ne le me anwosesebɛ nee me edwɛne, na yeyɛ me ngoanedievolɛ.”

Edwɛkpa ne kɛmɔ Mateyu hɛlɛle la 24:45

“Ɛnee akee, sonvolɛ nɔhavo mɔɔ ze nrɛlɛbɛ la a le boni? Yemɔ a le sonvolɛ ne mɔɔ ɔ menle ɛva ye kɛ ɔnlea sonvolɛma mɔɔ ɛha la anwo zo na ɔmaa bɛ aleɛ wɔ mekɛ ne anloa, na ɔ menle ne bato ye kɛ ɔlɛyɛ ye zɔhane la. Ɛhye le nyilalɛ kpole maa sonvolɛ ne.

Edwɛkpa ne kɛmɔ Mateyu hɛlɛle la 5:16

Zɔhane ala yɛɛ bɛmaa bɛ ɛbɛla kpalɛ ne ɛyɛ kɛ kɛnlaneɛ na ɔda wɔ menli nu a, amaa bɛanwu bɛ gyima kpalɛ ne mɔɔ bɛyɛ la na bɛaye bɛ Ze mɔɔ wɔ anwuma la ayɛlɛ.

Edwɛkpa ne kɛmɔ Luku hɛlɛle la 1:47

yɛɛ me sunsum di fɛlɛko wɔ Nyamenle, me Ngoanedievolɛ ne ati,

Edwɛkpa ne kɛmɔ Luku hɛlɛle la 1:80

Na kakula ne nyinle na ɔyɛle se wɔ sunsum nu. Ɔdɛnlanle fienemgbole ne anu toonwo ɔhɔkpulale kenle mɔɔ ɔyele ɔ nwo ɔhilele Yizilayɛma wɔ bagua nu la.

Edwɛkpa ne kɛmɔ Luku hɛlɛle la 16:10

Sonla biala mɔɔ di nɔhalɛ wɔ debie nretee biala anwo la di nɔhalɛ noko wɔ ninyɛne mgbole nwo, yɛɛ sonla biala mɔɔ le awule wɔ debie nretee nwo la le awule wɔ ninyɛne mgbole nwo.

Dw 12:6

Tɛ kɛ asɛɛ ɔdwenle ehyianvolɛma anwo somaa la ati a ɔhanle ɛhye a, na ɔle awule, eza kɛmɔ ɔdaye a ɔsie bɛ gya ne la, ɔyɛ a ɔto ɔ sa nu.

1 Kɔl 4:2

Debie ko mɔɔ ɔwɔ kɛ sonvolɛ zɛhae yɛ la a le kɛ ɔkɛli nɔhalɛ ɔkɛmaa ɔ menle ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

1 Tem 1:1

Medame Pɔɔlo, mɔɔ Nyamenle yɛ Ngoanedievolɛ ne nee Kelaese Gyisɛse yɛ anyelazo ne manle bɛyɛle me Kelaese ɛzoanvolɛ la a melɛkɛlɛ kɛlata ɛhye a.

1 Tem 5:17

Nwu ye kɛ mgbanyinli mɔɔ yɛ gyima kpalɛ la fɛta ahatualɛ mɔnwo, titile, bɛdabɛ mɔɔ bɛbɔ Edwɛkpa ne nolo na eza bɛkilehile la;

1 Tem 6:1

Maa bɛdabɛ mɔɔ bɛle ngɛkɛlɛ la ɛbu bɛ menle mɔ kɛ bɛfɛta enililɛ wɔ adenle biala anu, amaa awie biala annyia edwɛkɛ ɛtane anga wɔ Nyamenle duma ne nee yɛ ngilehilelɛ ne anwo.

1 Tem 6:3

Awie biala mɔɔ kilehile ngilehilelɛ fofolɛ bie na ɔnlie yɛ Awulae Gyisɛse Kelaese nɔhalɛ edwɛkɛ ne nee yɛ nyamenlezonlenlɛ ngilehilelɛ ne ɔndo nu la

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:3

Mekɛ ne dwule la ɔvale nrɛlaleɛ ne ɔdole gua, na ɛhye yɛɛ yɛ Ngoanedievolɛ Nyamenle ne, ɛva ɛwula me sa nu kɛ membɔ ye nolo a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:4

Na mɔɔ yɛ Ngoanelielɛ Nyamenle ne lale ye atiakunlukɛnlɛma nee ye ɛhulolɛ ne ali la,

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

1 Pit 3:16

noko anrɛɛ bɛva bɛtɛɛyɛlɛ amaa saa awie mɔ keha bɛ nwo edwɛkɛ ɛtane ɛtane a, bɛ subane kpalɛ ne, kɛmɔ bɛle Kelaese ɛdoavolɛma na bɛdi boɛ la agua menli zɔhane mɔ anyunlu aze.

2 Dw 1:9

Awie biala mɔɔ ɛnli Kelaese ngilehilelɛ ne azo, na ɔbɔ ɛbɛla mɔɔ ɔkulo la ɛnze Nyamenle. Awie biala mɔɔ di Kelaese ngilehilelɛ zo la ɛnwu Selɛ ne nee Ralɛ ne.

1 Sam 22:14

Ahemɛlɛke buale belemgbunli ne kɛ, “Wɔ wɔ sonvolɛma kɔsɔɔti anu, nwane bɔbɔ yɛɛ di nɔhalɛ nee Devidi, ɛ ra raalɛ ne ɔ hu ne mɔɔ le sinzavolɛma kpanyinli, na bɛdi ye eni kpole wɔ wɔ suakunlu ɛke la sɛ a?

1 Sam 26:23

Ɛdɛnkɛma yila awie biala mɔɔ di pɛlepɛle nee nɔhalɛ la. Ɛdɛnkɛma yele wɔ manle me ɛnɛ nɔe, noko meanyɛ wɔ ɛhwee, ɔluakɛ Ɛdɛnkɛma ɛzie wɔ belemgbunli.