Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7 - BAEBOLO ANZƐƐ BULUKU NWUANZANWUANZA

⁷ Ɔluakɛ, kɛmɔ asɔne neavolɛ ne gyi Nyamenle gyima ne ati la, ɔnle kɛ ɔ nwo nyia ngehanleɛ, ɔnle kɛ ɔmemaa ɔ nwo zo anzɛɛ ɔnyia ahonle kpole. Ɔnle kɛ ɔyɛ nzanli anzɛɛ ɔ sa yɛ kpokpo, ɔnle kɛ ɔ nye bolo ezukoa.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:6

O me ɛkɛla, ɛ nee bɛ mmafa adwenle! O me sunsum, ɛ nee bɛ mmatu; Ɔluakɛ bɛfa ɛya a bɛku menli, Bɛ nwo tɛ bɛ a bɛbubu nlankɛ ndwɛlɛ.

Mrɛlɛbulɛ Buluku ne 14:17

Sonla mɔɔ ye ahonle bikye ye la yɛ ye debie koasea nu, na sonla mɔɔ anye gyi ɔ ti anwo la lɛ abotane.

Mrɛlɛbulɛ Buluku ne 15:18

Sonla mɔɔ ɛngyɛ na yeava ɛya la twehwe kpolera, na mɔɔ ɛnva ɛya mgbane mgbane la si kpolera aze.

Mrɛlɛbulɛ Buluku ne 16:32

Sonla mɔɔ ɛnva ɛya mgbane mgbane la le kpalɛ tɛla katakyie, yɛɛ mɔɔ kola ɔ nwo zo komo la le kpalɛ tɛla sonla mɔɔ ko fa suakpole la.

Nolo 7:9

Mmafa ɛya ndɛndɛ, ɔluakɛ koasea a fa ɛya sie ye nu a.

Ayezaya Buluku ne 28:7

Menli ɛhye mɔ noko no nwanye bo yɛɛ bɛno nza ɛsesebɛ bɛtinda. Sɛlɛvolɛma nee Nyamenle kpɔmanvolɛma no nza ɛsesebɛ tinda. Nwanye maa bɛ adwenle ka bɔ nu yɛɛ nza ɛsesebɛ maa bɛtinda. Bɛfo wɔ bɛ ɛnyelɛzodeɛnwunlɛ nu, yɛɛ bɛmbua ndɛne fɔɔnwo.

Yizikeɛle Buluku ne 44:21

Ɔnle kɛ sɛlɛvolɛ biala no nza na yeahɔwolo Ɛzonlenlɛ Sua ne akunlu lɔ.

Sɛlɛ 10:9

“Mmano nza nwanye anzɛɛ nza ɛsesebɛ. Ɛdawɔ o, anzɛɛ ɛ mra mrenya ne mɔ o, bɛmmano nza kolaa na bɛahɔ Ɛdɛnkɛma Ndanlɛ Sua ne anu, anrɛɛ bɛkɛwu. Ɛhye bayɛ mɛla ala ɛkɛ dahuu amaa wɔ awolɛndoazo kɔsɔɔti.

Edwɛkpa ne kɛmɔ Mateyu hɛlɛle la 24:45

“Ɛnee akee, sonvolɛ nɔhavo mɔɔ ze nrɛlɛbɛ la a le boni? Yemɔ a le sonvolɛ ne mɔɔ ɔ menle ɛva ye kɛ ɔnlea sonvolɛma mɔɔ ɛha la anwo zo na ɔmaa bɛ aleɛ wɔ mekɛ ne anloa, na ɔ menle ne bato ye kɛ ɔlɛyɛ ye zɔhane la. Ɛhye le nyilalɛ kpole maa sonvolɛ ne.

Edwɛkpa ne kɛmɔ Luku hɛlɛle la 12:42

Awulae buale kɛ, “Ɛnee nwane a le sonvolɛ mɔɔ di nɔhalɛ na ɔle nrɛlɛbɛvolɛ la? Yemɔ a le sonla ne mɔɔ ɔ menle kɛyɛ ye kpanyinli wɔ ye awuke ne anu kɛ ɔmaa sonvolɛma mɔɔ ɛha la aleɛ wɔ mekɛ ne anloa la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:1

Medame Pɔɔlo nee Temɔte, mɔɔ yɛle Kelaese Gyisɛse ngɛkɛlɛ la, yɛɛ yɛlɛkɛlɛ kɛlata ɛhye yɛahɔmaa bɛdabɛ mɔɔ Kelaese Gyisɛse ati bɛyɛ Nyamenle menli nee asɔne neavolɛma nee asɔne boavolɛma mɔɔ wɔ Felepae suakpole ne azo la amuala a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:5

Mengyakyile wɔ wɔ Kiliti kɛ ɛnlea ɛmaa debie biala mɔɔ tɔ sinli la ɛyɛ boɛ, na ɛye mgbanyima ɛmaa bɛnlea asɔne ne mɔ mɔɔ wɔ sua biala azo la azo, kɛmɔ mengilehilele wɔ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3

Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,

1 Pit 4:10

Kɛmɔ bɛ muala bɛnea bɛ Nyamenle ahyɛlɛdeɛ ngakyile ne mɔ boɛ la, ko biala ɛva ye ɛdeɛ mɔɔ yenyia ye la ɛkpondɛ ɔ gɔnwo mɔ kpalɛ ɛyɛlɛ.

1 Pit 5:2

bɛnlea mboane ekpunli ne mɔɔ Nyamenle ɛva ɛwula bɛ sa nu la boɛ, bɛva ahunlundwolɛ bɛnlea bɛ, kɛmɔ Nyamenle kpondɛ la, na bɛmmatwenlehwenle bɛ bo aze. Bɛyɛ gyima kɛ bɛkulo kɛ bɛsonle la ati ɔ na tɛ kɛ asɛɛ bɛkpondɛ ɔ nzi ahatualɛ la ati ɔ.

2 Pit 2:10

Bɛdabɛ mɔɔ bɛli bɛ atiakunluwɔzo ɛtane nzi na bɛkpo Nyamenle la kɛ bɛbawie ye la ɛne. Kilehilevolɛma alane ɛhye mɔ si bɛ kɛnra, bɛmemaa bɛ nwo zo kpalɛ, yɛɛ bɛmbu anyunlunyiama mɔɔ wɔ anwuma la na bɛtendɛ bɛtia bɛ.