Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6 - BAEBOLO ANZƐƐ BULUKU NWUANZANWUANZA

⁶ Ɔnle kɛ asɔne neavolɛ biala di ɛzonle; ɔwɔ kɛ ɔgya raalɛ ko ala; ɔwɔ kɛ ɔ mra nyia diedi yɛɛ ɔnle kɛ bɛdie duma kɛ bɛle wowawowa anzɛɛ anzosesebɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

Mrɛlɛbulɛ Buluku ne 28:7

Ralɛ nrenya mɔɔ di mɛla zo la ze nrɛlɛbɛ, na ralɛ nrenya mɔɔ nee adidikpokuma a tu la gua ɔ ze anyunlu aze.

Yizikeɛle Buluku ne 44:22

Ɔnle kɛ sɛlɛvolɛ gya kunlanvolɛ anzɛɛ raalɛ mɔɔ ɛbɔ ewole la. Ɔwɔ kɛ sɛlɛvolɛ biala gya raalɛ mɔɔ ɛnze nrenya fee na ɔle Yizilayɛnli la anzɛɛ kunlanvolɛ raalɛ mɔɔ ɛnee ɔ hu le sɛlɛvolɛ la.

Sɛlɛ 21:14

Saa ɔkagya raalɛ a ɔnle kɛ ɔgya raalɛ mɔɔ le kunlanvolɛ anzɛɛ ɔ hu ɛbɔ ye ewole, anzɛɛ raalɛ mɔɔ awie ɛva ye ɛlɛ, anzɛɛ tuutuunli. Ɔwɔ kɛ ɔgya ɔdaye ye abusua ekpunli ne anu amra ne mɔ bie mɔɔ ɛnze nrenya fee la.

Sɛlɛ 21:7

Ɔnle kɛ bɛgya raalɛ tuutuunli anzɛɛ raalɛ mɔɔ awie ɛva ye ɛlɛ la. Eza ɔnle kɛ bɛgya raalɛ mɔɔ ɔ hu ɛbɔ ye ewole la, ɔluakɛ sɛlɛvolɛ biala anwo te maa ye Nyamenle ne.

Malakae Buluku ne 2:15

Asoo Ɛdɛnkɛma anga bɛ ambɔ nu anyɛ bɛ ko wɔ sunsum nee nwonane nu? Na duzu a ɛnee ɔkpondɛ a? Ɔkpondɛ Nyamenle nu mralɛ. Yemɔti bɛnlea bɛ nwo boɛ kpalɛ na bɛmmabɔ bɛ mraalɛ mɔɔ bɛkɛgya bɛ bɛ mgbavolɛ nu la ewole.

Edwɛkpa ne kɛmɔ Luku hɛlɛle la 1:5

Mekɛ mɔɔ Hɛlɔdo di belemgbunli wɔ Dwudiya maanle ne anu la, ɛnee sɛlɛvolɛ bie wɔ ɛkɛ, bɛfɛlɛ ye Zɛkalaya. Sɛlɛvolɛ ɛhye vi Abaegya sɛlɛvolɛma ekpunli ne anu. Bɛfɛlɛ ɔ ye Ɛlezabɛte. Ɔdaye noko ɔvi Sɛlɛvolɛ Kpanyinli ne mɔɔ lumua, mɔɔ bɛfɛlɛ ye Aalɔn la abusua nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

1 Tɛs 5:14

Yɛkakye bɛ, bɛbɔ mɔɔ le mgbovonle la kɔkɔ, bɛzi mɔɔ le foanvoanle la ahonle, bɛboa mɔɔ ɛnlɛ anwosesebɛ la, na bɛnyia biala anwo abotane.

1 Tem 1:9

Ɔwɔ kɛ yɛnwu kɛ tɛ menli mɔɔ di boɛ la ati a mɛla ne wɔ ɛkɛ a, mɛla ne wɔ ɛkɛ maa atuadelɛma, anzosesebɛma, bɛdabɛ mɔɔ bɛnze Nyamenle nee ɛtanevolɛma, bɛdabɛ mɔɔ bɛ nwo ɛnde, menli mɔɔ ku bɛ ze mɔ anzɛɛ bɛ nli mɔ, ahɔdiawu,

1 Tem 3:12

Sonla mɔɔ le asɔne nu boavolɛ la ɔwɔ kɛ gya raalɛ ko, na ɔkola ɔ mra nwo zo nee ye awuke zo nea kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:10

Menli mɔɔ anzo yɛ se la dɔɔnwo wɔ ɛkɛ mɔɔ ko tia ngilehilelɛ ɛhye a. Bɛ nuhua titile a le bɛdabɛ mɔɔ ɛnee bɛli Dwuuma nyamenlezonlenlɛ ne anzi na bɛhakyi bɛrayɛ Kelaese ɛdoavolɛma la. Bɛka mgbole na bɛbɛlɛbɛla awie mɔ.

1 Sam 2:11

Akee Ɛlekana ziale hɔle Releema na kakula Samoɛle hale Hyaelo wɔ sɛlɛvolɛ Yilae anwo ɛkɛ ne na ɔzonlenle Ɛdɛnkɛma.

1 Sam 2:22

Akee Yilae ɛyɛ kpanyinli. Ɔdele ɛbɛla mɔɔ ɛnee ɔ mra ne mɔ ɛlɛbɔ amaa Yizilayɛma la amuala. Eza ɔdele kɛ ɔ mra ne mɔ nee mraalɛ mɔɔ sonle Ɛdɛnkɛma Ɛdanlɛ Sua ne anlenkɛ ne anloa la da.