Pɔɔlo Kɛlata mɔɔ ɔhɛlɛle ɔhɔmanle Taetɛse la 1:5 - BAEBOLO ANZƐƐ BULUKU NWUANZANWUANZA

⁵ Mengyakyile wɔ wɔ Kiliti kɛ ɛnlea ɛmaa debie biala mɔɔ tɔ sinli la ɛyɛ boɛ, na ɛye mgbanyima ɛmaa bɛnlea asɔne ne mɔ mɔɔ wɔ sua biala azo la azo, kɛmɔ mengilehilele wɔ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:5 ပူးပေါင်းရင်းမြစ်များ

1 Edk 6:32

Menli ɛhye mɔ hakyihakyile bɛ nwo yɛle edwɛndolɛ gyima ne wɔ Ɛdɛnkɛma Ndanlɛ Sua ne anu toonwo ɔhɔdwule mekɛ mɔɔ Belemgbunli Sɔlɔmɔn zile Ɛdɛnkɛma Ɛzonlenlɛ Sua ne wɔ Gyɛlusalɛm la.

Nolo 12:9

Ɛye kɛ Nolobɔvo ne si ze nrɛlɛbɛ la ɛsie ahane a, eza ɔhilehilele menli ne adwenle nu ɛbukelɛ, debie ɛzuzulɛ nee debie ɛzukoalɛ na ɔdɔle alagye kpalɛ ɔzieziele mrɛlɛ mɔɔ ɔbule la.

Ayezaya Buluku ne 44:7

Nwane a le kɛ medame a? Bɛmaa ɔha ɔdo gua, bɛmaa ɔha ɔdo gua na ɔva ɔzi me nyunlu. Nwane a mɔmoane ɔholale ɔhanle mɔɔ bazi la a? Bɛmaa ɔha mɔɔ kenlebie bazi la ɔhile yɛ.

Sɛlɛ 14:42

na bɛava awolɛ fofolɛ bɛawulowula bane ne mɔ anu, bɛatanlitanli sua ne bane ne na akee bɛada sua ne bieko.

Ɛzoanvolɛma Gyima ne 11:30

Bɛyɛle ɛhye na bɛvale mɔɔ bɛnyianle ye la bɛmanle Baanabase nee Sɔɔlo hɔmanle mgbanyima ne mɔ wɔ Gyɛlusalɛm.

Ɛzoanvolɛma Gyima ne 14:23

Bɛzieziele mgbanyima bɛmanle bɛ, na bɛvale ɛhɔnehyelɛ nee nzɛlɛlɛ bɛdule bɛ bɛwulale Awulae ne mɔɔ bɛva bɛ rɛle bɛwule ye nu la asa anu.

Ɛzoanvolɛma Gyima ne 2:11

Dwuuma nee bɛdabɛ mɔɔ bɛnle Dwuuma na bɛhakyi bɛsonle Dwuuma Nyamenle ne la, Kilitima nee Areleebeama, noko yɛ muala yɛte kɛ bɛlɛfa yɛ maanle nu aneɛ bɛaha ninyɛne mgbole mɔɔ Nyamenle ɛyɛ la.”

Ɛzoanvolɛma Gyima ne 27:12

Eza ahonle ne azo bɔbɔ ɛnle kpalɛ biala mɔɔ bɛdi fɔsɛlɛ ɛkɛ ne a ɔyɛ boɛ a. Ɛhye ati bɛdabɛ mɔɔ bɛwɔ ɛlɛne ne anu la anu somaa ne ala hulole kɛ bɛkɛdu bɛkɛdɔ azule nye bieko na bɛkɛbɔ mɔdenle bɛkɛdwu Fonekese mɔɔ lɛ ahonle kpalɛ wɔ Kiliti na ɔ nye wɔ nyiakɛ adɔleɛ nee ɛbɔ nu adɔleɛ la, na bɛkɔdi fɔsɛlɛ ne wɔ ɛkɛ.

Ɛzoanvolɛma Gyima ne 27:13

Nyiakɛ anwoma bɛtɛɛ bie vɛlɛle, na menli ne dwenlenle kɛ akee ɔwɔ kɛ bɛyɛ, kɛmɔ bɛzuzule ala la. Bɛdule sɛkɛ na bɛsianenle Kiliti bɔra ne aze kpalɛ kpalɛ.

Ɛzoanvolɛma Gyima ne 27:21

Menli ne anloa nu dole, yemɔti mekɛ dɔɔnwo ne ala ɛnee bɛnli debie. Na kenle ko Pɔɔlo dwazole gyinlanle bɛ avinli na ɔzele bɛ kɛ, “Ebiamɔ, anrɛɛ bɛvale mɔɔ menganle la, na yɛvi Kiliti yɛandu; anrɛɛ munzule kpole ɛhye kpale yɛ ti na yɛamminli ninyɛne dɔɔnwo ɛhye mɔ.

Ɛzoanvolɛma Gyima ne 27:7

Yɛdule la ɛnee yɛngola kɔ kpalɛ biala, yemɔti yɛlile kenle dɔɔnwo wɔ adenle nu. Yɛ nwo hyelele yɛ kpalɛ na yɛaradwu Kenaedɛse. Kɛmɔ ɛnee anwoma ne tɛtu tɛtia yɛ la ati, yɛdɛlale bɔra ne mɔɔ bɛfɛlɛ ye Salemoni ala la yɛɛ yɛsianenle Kiliti bɔra ne aze a.

1 Kɔl 11:34

Saa ɛhɔne ɛlɛku bie a, ɔlumua ɔli debie wɔ sua nu, amaa bɛbayia nu a Nyamenle andea bɛ. Mɔɔ fane edwɛkɛ ne mɔ mɔɔ ɛha la anwo, meba a mebaha nwolɛ bie.

1 Kɔl 14:40

Bɛlua ndenle kpalɛ nee ngɛnlɛma zo bɛyɛ debie biala pɛpɛ.

1 Kɔl 4:17

Ɛhye ala ati a melɛsoa Temɔte, mɔɔ le me ra mɔɔ mekulo ye, na Awulae ati ɔdi nɔhalɛ la wɔ bɛ nwo lɔ a. Ɔbahakyehakye bɛ ɛbɛla ɛbɔlɛ fofolɛ ndenle ne mɔ mɔɔ Kelaese ati melua nu melɛkilehile asɔne ne mɔ mɔɔ wɔ ɛleka biala la.

Kɔlɔ 2:5

Ɔluakɛ menle bɛ nwo lɔ ɛdeɛ, noko me nee bɛ de wɔ sunsum nu, na ɔyɛ me fɛ kɛ menwu kɛ bɛsi bɛdi bɛ nwo eni nee kɛ bɛ diedi wɔ Kelaese anu si de kpundii la.

1 Tem 1:3

Mekpondɛ kɛ ɛtɛnla Ɛfɛsɛse, kɛmɔ mesia meahɔ Masidonea mɔɔ menganle mengilele wɔ la. Menli bie wɔ ɛkɛ ne ɛlɛkilehile ngilehilelɛ mɔɔ ɛnle nɔhalɛ a, na tua bɛ.

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:12

Kilitinli bie mɔɔ bɛdabɛ bɛse ɔle bɛ Nyamenle kpɔmanvolɛ la ɛha kɛ, “Kilitima dahuu bɔ adalɛ, bɛle nane amumuyɛ, bɛle mgbovonle adidikpokuma.”