Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2 - BAEBOLO ANZƐƐ BULUKU NWUANZANWUANZA

² Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2 ပူးပေါင်းရင်းမြစ်များ

Ayezaya Buluku ne 1:20

Na saa bɛkpo na bɛte atua a bɛbawu dadeɛ nloa. Medame Ɛdɛnkɛma a meha a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:19

Nyamenle ɛnle kɛ sonla na yeabɔ adalɛ, Ɔnle kɛ dasanli mɔɔ yɛ na yeavu ɔ nwo. Ye ɛwɔkɛ biala, ɔdi zo; Ɔka, na ɔyɛ zɔ.

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Mateyu hɛlɛle la 25:46

Na bɛkɛdea ɛhye mɔ ndeanlɛ mɔɔ ɛnlɛ awieleɛ a, na bɛava menli kpalɛ ne mɔ bɛahɔ ngoane mɔɔ ɛnlɛ awieleɛ la anu.”

Edwɛkpa ne kɛmɔ Maake hɛlɛle la 10:17

Gyisɛse zile nu bieko kɛ ɔkɔ la, nrenya bie lɛ ɛnriandilɛ rahotole ɔ nyunlu ɛkɛ ne na ɔzele ye kɛ, “Kilehilevolɛ kpalɛ, duzu a menyɛ na meanyia ngoane mɔɔ ɛnlɛ awieleɛ a?”

Edwɛkpa ne kɛmɔ Maake hɛlɛle la 10:30

banyia bɛ molozo wɔ kɛkala mekɛ ye anu. Ɔbanyia azua, mediema mrenya nee mraalɛ, ninlima nee mralɛ nee azɛlɛ mɔnwo mɔnwo. Bɛbayɛ ye kpɔdekpɔde ɛdeɛ, noko kenle bie ɔkɛnyia ngoane mɔɔ ɛnlɛ awieleɛ.

Dw 10:28

Memaa bɛ ngoane mɔɔ ɛnlɛ awieleɛ, yemɔti bɛnrɛwu ɛlɛ, yɛɛ awie ɛnrɛhola ɛnrɛlie bɛ ɛnrɛvi me sa nu.

Dw 17:2

Ɔluakɛ wɔmaa ye menli kɔsɔɔti anwo zo tumi, amaa yeava ngoane mɔɔ ɛnlɛ awieleɛ la yeamaa menli mɔɔ wɔva bɛ wɔmaa ye la.

Dw 17:24

“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.

Dw 5:39

Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Dw 6:54

Mɔɔ kɛli me nwonane ne bie na ɔkɛnlo me mogya ne bie la lɛ ngoane mɔɔ ɛnlɛ awieleɛ, na mebadwazo ye meara ngoane nu wɔ mekɛ mɔɔ li awieleɛ la.

Dw 6:68

Saemɔn Pita buale ye kɛ, “Awulae, nwane ɛkɛ a yɛkɔ a? Wɔmɔ a ɛlɛ edwɛkɛ mɔɔ maa ngoane mɔɔ ɛnlɛ awieleɛ a.

Ɛzoanvolɛma Gyima ne 15:18

Awulae a vale ɛhye dole gua dɛbadɛba ne a.’ ”

Wulo 1:2

Nyamenle luale ye kpɔmanvolɛma anwo zo vale Edwɛkpa ɛhye bɔle ɛwɔkɛ wɔ mɔmoane kpalɛ ne, kɛmɔ bɛhɛlɛ ye wɔ Nyamenle Edwɛkɛ Nwuanzanwuanza ne mɔ anu la.

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

Wulo 5:21

Zɔhane ati, kɛmɔ ɛtane vale ewule a lile belemgbunli la, zɔhane ala yɛɛ Nyamenle ɛlolɛ ne fa kpalɛyɛlɛ di belemgbunli na ɔfa yɛ ɔdua Gyisɛse Kelaese, yɛ Awulae ne anwo zo ɔkɔ ngoane mɔɔ ɛnlɛ awieleɛ la anu a.

Wulo 5:4

abotanezilɛ wɔ amaneɛnwunlɛ nu maa sonla nyia subane kpalɛ mɔɔ gyi kpundii, yɛɛ subane kpalɛ zɛhae maa ye anyelazo.

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

1 Tɛs 2:15

Dwuuma hunle Awulae Gyisɛse nee kpɔmanvolɛma ne mɔ, bɛyɛle yɛ kpɔdekpɔde bɛmanle yɛnriandile. Bɛha Nyamenle ɛya kpole! Bɛkyi awie biala.

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

1 Tem 6:12

Bɔ mɔdenle ko diedi nu konle kpalɛ ne na ɛ sa aha ngoane mɔɔ ɛnlɛ awieleɛ la, ɔluakɛ ngoane ɛhye ati yɛɛ Nyamenle vɛlɛle wɔ wɔ mekɛ mɔɔ ɛlale wɔ diedi ne ali wɔ dasevolɛma dɔɔnwo ne anyunlu la a.

1 Tem 6:19

Ye zɛhae ɛnee bɛlɛkuohua bɛ agyadeɛ nloa mɔɔ bayɛ sua bo ɛdolɛ amaa bɛ wɔ kenle bie, amaa bɛ sa aha ngoane ne mɔɔ le nɔhalɛ ngoane ne la.

2 Tem 1:1

Medame Pɔɔlo, mɔɔ ɔlua Nyamenle ɛhulolɛ zo merayɛ Kelaese Gyisɛse ɛzoanvolɛ, na yezoa me kɛ membɔ ngoane ne mɔɔ Kelaese ati bɛvale bɛbɔle yɛ ɛwɔkɛ la nolo la, yɛɛ melɛkɛlɛ kɛlata ɛhye a.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

2 Tem 2:13

Saa yɛnli nɔhalɛ a, yemɔ, ɔdi nɔhalɛ dahuu. Ɔluakɛ ɔngola ɔmbɛlɛbɛla ɔ nwo.”

2 Tem 2:15

Bɔ mɔdenle ɛsesebɛ kɛ ɛkɛzɔ Nyamenle anye, kɛ gyimayɛvolɛ mɔɔ ɛnze ye gyima nwo nyiane na ɔkilehile Nyamenle nɔhalɛ edwɛkɛ ne kpalɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:7

Wɔ ninyɛne muala anu, ɛdawɔ mumua ne pɛ kelemunli kpalɛ wɔ gyima kpalɛ ɛyɛlɛ nu to ɛkɛ. Maa ɛ nye ɛbolo wɔ ngilehilelɛ ne anwo na di nɔhalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:7

amaa ɔlua ye ɛlolɛ zo yɛazɔ Nyamenle anye na yɛanyia ngoane ne mɔɔ ɛnlɛ awieleɛ mɔɔ yɛ nye la zolɛ la.

1 Dw 2:25

Mɔɔ Kelaese ɛva ɛbɔ yɛ ɛwɔkɛ la a le ngoane ne mɔɔ ɛnlɛ awieleɛ la.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

Dwuudu Kɛlata ne 1:21

bɛzie bɛ nwo wɔ Nyamenle ɛhulolɛ ne anu bɛhendɛ ngoane ne mɔɔ ɛnlɛ awieleɛ, mɔɔ anwunvɔnezelɛ nu ala Awulae Gyisɛse Kelaese bava amaa bɛ la.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.

Yekile 17:8

Nane ne mɔɔ ɔde zolɛ la anrɛɛ de aze, na kɛkala yewu. Na ɔvi azɛlɛ kuma ne mɔɔ ɛnlɛ ɔ bo la anu ɔbavinde yeahɔ yeamaa bɛazɛkye ye. Bɛdabɛ mɔɔ bɛwɔ ewiade ye anu na bɛangɛlɛ bɛ aluma wɔ teasema buluku ne anu, kolaa na bɛabɔ ewiade la nwu nane ne a ɔbayɛ bɛ azibɛnwo kɛ mekɛ bie ɛnee nane ne de aze, na kɛkala yewu, na eza ɔbavinde yeara bieko a.

1 Sam 15:29

Yizilayɛ Nyamenle Bedevinli ne ɛmbɔ adalɛ yɛɛ ɔngakyi ɔ nloa, ɔluakɛ ɔnle kɛ dasanli mɔɔ kakyihakyi ye adwenle la.”