Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16 - BAEBOLO ANZƐƐ BULUKU NWUANZANWUANZA

¹⁶ Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16 ပူးပေါင်းရင်းမြစ်များ

Dwobu Buluku ne 15:16

na akee sonla mɔɔ sie munzule na ye subane ɛkpɔlɔ, sonla mɔɔ no ɛtane kɛ nzule la.

Mrɛlɛbulɛ Buluku ne 30:12

Menli bie wɔ ɛkɛ mɔɔ bɛnea a bɛ nwo te, noko bɛ nwo le evinli ngome.

Ayezaya Buluku ne 29:13

Awulae zele kɛ, “Kɛmɔ menli ɛhye mɔ fa bɛ nloa mgbane a twe bikye me, bɛdi me eni na bɛ ahonle ɛmbikye me, yɛɛ bɛ ɛzulolɛ mɔɔ bɛsulo me la le menli mɛla mɔɔ ɛli la azolilɛ, na bɛzukoa bɛgua bɛ ti anu ala la,

Ayezaya Buluku ne 48:1

O Gyekɔbo abo zo amra, bɛdie ɛhye, bɛfa Yizilayɛ duma bɛfɛlɛ bɛ, yɛɛ bɛle Dwuda mogya ne bie; bɛfa Ɛdɛnkɛma duma bɛka ndane, na bɛbɔ Yizilayɛ Nyamenle ne duma, noko bɛmbɔ ye nɔhalɛ nu nee fɔɔnwo zo.

Ayezaya Buluku ne 58:2

Dahuu bɛkpondɛ me na bɛkulo kɛ bɛnwu me ndenle ne mɔ, kɛ asɛɛ bɛle maanle mɔɔ bɔ tenlene ɛbɛla na bɛtɛkpole medame, bɛ Nyamenle ne mɛla ne mɔ la. Bɛsɛlɛ me kɛ membua ndɛne tenlene nu, bɛkulo kɛ bɛtwe bɛbikye me.

Ayezaya Buluku ne 59:13

yɛkpo Ɛdɛnkɛma, yɛto ye mɛla ne mɔ na yɛkakyi yɛ nzi yɛsi yɛ Nyamenle ne, yɛte atua, yɛka nzisi edwɛkɛ, yɛbɔ adalɛ adwenle na yɛfa yɛto gua.

Gyɛlɛmaya Buluku ne 12:2

Ɛdua bɛ, na bɛsɔ ndinli; bɛnyi na bɛso ma. Bɛ nloa anu a, ɛbikye bɛ kpalɛ, noko bɛ ahonle nu a, ɛmbikye bɛ.

Gyɛlɛmaya Buluku ne 5:2

Bɛka ndane kɛ, “Meka Ɛdɛnkɛma” bɔbɔ ɛdeɛ, noko bɛka ndane ne adalɛ nu.

Gyɛlɛmaya Buluku ne 6:30

Bɛfɛlɛ bɛ dwɛtɛ fufule ebinli, ɔluakɛ medame Ɛdɛnkɛma, mekpo bɛ.”

Yizikeɛle Buluku ne 33:31

Bɛba ɛ nwo ɛkɛ, kɛmɔ awie biala ba la, bɛbatɛnla ɛ nwo ɛkɛ kɛ asɛɛ me menli la, na bɛtie mɔɔ ɛka la, noko bɛnrɛyɛ ye ɛlɛ, ɔluakɛ bɛfa bɛ nloa a bɛkile bɛ ɛhulolɛ a, na bɛ ahonle ɛdeɛ, yemɔ ɔgyi bɛdabɛ bɛ ngome bɛ kpalɛyɛlɛ zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:16

Yemɔ a ɔte mɔɔ Nyamenle ɛlɛka la, Na ɔze mɔɔ de Anwuma Anwuma lɔ la adwenle. Yemɔ a ɔnwu Tumivolɛ ne ɛnyelɛzodeɛnwunlɛ ne, Yedɔ aze, noko ɔ nye ɛtɛkedale.

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6

Bɛmmamaa awie fa adubɛnloanu bɛlɛbɛla bɛ; ɔboalekɛ ɔlua ninyɛne zɛhae mɔ ati yɛɛ Nyamenle ɛya ne ba menli mɔɔ ɛndie ye edwɛkɛ la anwo zo a.

1 Tem 1:9

Ɔwɔ kɛ yɛnwu kɛ tɛ menli mɔɔ di boɛ la ati a mɛla ne wɔ ɛkɛ a, mɛla ne wɔ ɛkɛ maa atuadelɛma, anzosesebɛma, bɛdabɛ mɔɔ bɛnze Nyamenle nee ɛtanevolɛma, bɛdabɛ mɔɔ bɛ nwo ɛnde, menli mɔɔ ku bɛ ze mɔ anzɛɛ bɛ nli mɔ, ahɔdiawu,

1 Tem 5:8

Saa awie ɛngola ye mbusua nea, bɔbɔ ɔngola ye awovolɛ boɛ nea a, ɛnee yekpo diedi ne na yezɛkye yedɛla sonla mɔɔ ɛnlɛ diedi la.

2 Tem 3:17

amaa sonla ne mɔɔ sonle Nyamenle la ali munli na bɛaziezie ye bɛamaa yeayɛ gyima kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:1

Kakye wɔ menli ne kɛ bɛha bɛ nwo aze bɛmaa arelemgbunli nee bɛdabɛ mɔɔ tumi wɔ bɛ sa nu la, bɛdie bɛ edwɛkɛ na bɛbɔ ɛbɛla kpalɛ wɔ adenle biala anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

1 Dw 2:4

Saa awie ka kɛ, “Meze Nyamenle” na ɔnli Nyamenle mɛla ne mɔ azo a, ɛnee ɔle adalɛ, yɛɛ nɔhalɛ biala ɛnle ye nu.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.

Yekile 21:27

Na debie biala mɔɔ anwo ɛnde la ɛnrɛhɔ suakpole ne azo. Zɔhane ala yɛɛ mɔɔ bɔ anyiemgba ɛbɛla na ɔbɔ adalɛ la ɛnrɛhɔ ɛkɛ a. Bɛdabɛ mɔɔ bɛhɛlɛ bɛ aluma wɔ Boaneralɛ ne teasema buluku ne anu la angome a bahɔ suakpole ne azo a.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”

1 Sam 15:22

Samoɛle zele kɛ, “Ɛnee ɛnea a Ɛdɛnkɛma anye die azubɔdeɛ nee ɛyelalɛ azubɔlɛ nwo kpole tɛla kɛ ɛkɛdie ɔ ne la ɔ? Nea, tieyɛ le kpalɛ tɛla azubɔlɛ, yɛɛ ɛtie Ɛdɛnkɛma ane a ɔle kpalɛ ɔtɛla mboane nyinli mɔɔ ɛwie kye la.

1 Sam 15:24

Sɔɔlo zele kɛ, “Meyɛ ɛtane, ɔluakɛ mebulu Ɛdɛnkɛma mɛla ne azo yɛɛ meandie ɛ ne, ɔboalekɛ menzulole menli ne na mendiele bɛmɛ.