Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15 - BAEBOLO ANZƐƐ BULUKU NWUANZANWUANZA

¹⁵ Debie biala anwo te maa menli mɔɔ anwo te la, na ɛtanevolɛma nee menli mɔɔ ɛnlɛ diedi la, debie biala anwo ɛnde, ɔboalekɛ bɛ adwenle nee bɛ ti anu kɛkɛba ne ɛkpɔlɔ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:15 ပူးပေါင်းရင်းမြစ်များ

Mrɛlɛbulɛ Buluku ne 21:4

Adubɛnwo nee mgbanyizonle ɛyɛlɛ le amumuyɛnli kɛnlaneɛ, yɛɛ bɛle ɛtane.

Mrɛlɛbulɛ Buluku ne 30:12

Menli bie wɔ ɛkɛ mɔɔ bɛnea a bɛ nwo te, noko bɛ nwo le evinli ngome.

Hagae Buluku ne 2:13

Na Hagae bizale bɛ kɛ, “Saa awie mɔɔ ɛva ɔ sa ɛha funli na ɔ nwo ɛnde la fa ɔ sa ka ninyɛne ɛhye mɔ bie a, ɔmaa ɔyɛ aleɛ mɔɔ anwo ɛnde la ɔ?” Sɛlɛvolɛma ne mɔ buale kɛ, “Ɛhɛe, ɔyɛ aleɛ mɔɔ anwo ɛnde la.”

Edwɛkpa ne kɛmɔ Mateyu hɛlɛle la 15:18

Na mɔɔ vi bɛ nloa nu finde la vi ahonle nu, na bɛmɛ yɛɛ bɛgua sonla nwo evinli a.

Ɛzoanvolɛma Gyima ne 10:15

Ɛnelɛ ne eza zele ye kɛ, “Debie mɔɔ Nyamenle ɛde nwolɛ la, mmaka kɛ nwolɛ ɛnde.”

Wulo 14:14

Sumunli kɛ me nee Awulae Gyisɛse lile ngamɔnu la menwu ye kɔsɔɔ kɛ aleɛ biala ɛnle ɛkɛ mɔɔ anwo ɛnde a. Na saa awie dwenle kɛ bie anwo ɛnde a, ɛnee nwolɛ ɛnde ɛmmaa ɔdaye ɔ ngome,

Wulo 14:20

Bɛmmatoa aleɛlilɛ bɛsɛkye Nyamenle gyima ne. Debie biala anwo te, noko ɔle ɛtane kɛ ɛkɛli debie mɔɔ kɛmaa ɛ gɔnwo kɛhɔ ɛtane nu la.

Wulo 14:23

Na saa wɔ adwenle yɛ wɔ kesee wɔ debie mɔɔ ɛdi la anwo na ɛdi a, ɛbali fɔlɛ kɛ ɛlile a, ɔluakɛ wɔanlua diedi zo a ɛlile a. Debie biala mɔɔ ye ɛyɛlɛ ɛngyi diedi zo la le ɛtaneyɛlɛ.

1 Kɔl 10:23

Bɛte kɛ bɛka kɛ, “Yɛlɛ adenle yɛyɛ debie biala.” Ɔle zɔhane, noko tɛ ninyɛne ne amuala a boa a. “Yɛlɛ adenle yɛyɛ debie biala,” noko tɛ ninyɛne ne amuala a maa ngɔzo a.

1 Kɔl 10:25

Bɛli nane biala mɔɔ bɛtɔne ye wɔ gua nu la, bɛmmadwenle nwolɛ bɛbizebiza nwolɛ edwɛkɛ,

1 Kɔl 10:31

Bɛdie ɛ. Debie biala mɔɔ bɛyɛ la, saa aleɛ a bɛdi o, saa nzule a bɛno o, bɛyɛ bɛde Nyamenle anyunlu.

1 Kɔl 8:7

Noko tɛ menli ne amuala a lɛ nɔhalɛ deɛnwunlɛ ɛhye a. Amonlezɔlɛ ɛli menli bie mɔ adwenle ɛmaa ɛnɛ nee ɛnɛ ala saa bɛdi aleɛ zɛhae mɔ bie a ɛnee bɛdwenle nwolɛ kɛ asɛɛ amgba ɔle aleɛ mɔɔ bɛva bɛzɔ “nɔhalɛ” amonle a. Ɔba ye zɛhae a ɛnee kɛmɔ bɛ adwenle ɛtɛtinle la ati, bɛfa ye kɛ aleɛ ne gua bɛ nwo evinli.

1 Tem 6:5

Eza bɛ nee menli mɔɔ bɛ adwenle ɛzɛkye na nɔhalɛ ne ɛvi bɛ sa la su kpolera dahuu. Bɛ adwenle a le kɛ bɛdua nyamenlezonlenlɛ zo bɛanyia bɛ nwo.

Kɛlata mɔɔ bɛhɛlɛle bɛhɔmanle Hibuluma la 10:22

bɛmaa yɛva ahonle kpalɛ nee diedi mɔɔ si pi, ahonle mɔɔ bɛde nwolɛ bɛvi adwenle nu fɔlɛlilɛ nwo, nee sonlabaka mɔɔ bɛva nzule anye komikomi bɛbia ye la yɛhwe yɛbikye Nyamenle.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.