Pɔɔlo Kɛlata mɔɔ ɔhɛlɛle ɔhɔmanle Taetɛse la 1:10 - BAEBOLO ANZƐƐ BULUKU NWUANZANWUANZA

¹⁰ Menli mɔɔ anzo yɛ se la dɔɔnwo wɔ ɛkɛ mɔɔ ko tia ngilehilelɛ ɛhye a. Bɛ nuhua titile a le bɛdabɛ mɔɔ ɛnee bɛli Dwuuma nyamenlezonlenlɛ ne anzi na bɛhakyi bɛrayɛ Kelaese ɛdoavolɛma la. Bɛka mgbole na bɛbɛlɛbɛla awie mɔ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:10 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 23:14

“Munzule ɛha bɛmɛ mɛla kilehilevolɛma nee Falasiima! Nabalabama! Bɛbɛlɛbɛla ahunlanvolɛ mraalɛ bɛbɔ bɛ awuke na akee bɛakpati bɛayɛ nwolɛ nzɛlɛlɛ ndendenle. Ɔlua ɛhye ati bɛ ndeanlɛ bayɛ kpole kpalɛ!]

Ɛzoanvolɛma Gyima ne 11:2

Yemɔti mɔɔ Pita hɔle Gyɛlusalɛm la, bɛdabɛ mɔɔ bɛmɛ bɛ adwenle wɔ mrenyanu nzonlɛyɛlɛ zo la dendɛle ye nwolɛ,

Ɛzoanvolɛma Gyima ne 15:1

Menli bie vi Dwudiya rale Anteɔko na bɛbɔle ɔ bo kɛ bɛkilehile diedima ne kɛ, “Saa bɛanyɛ bɛ mrenyanu nzonlɛ, kɛmɔ Mosisi mɛla ne kile la a bɛnrɛnyia ngoane.”

Ɛzoanvolɛma Gyima ne 15:24

Yɛde kɛ yɛ bie mɔ mɔɔ yɛanzoa bɛ la ɛra bagyegye bɛ aha edwɛkɛ azɛkye bɛ adwenle.

Ɛzoanvolɛma Gyima ne 20:29

Meze kɛ saa mekɔ a, bɛdi anwo ɛzulolɛ baragua mboane ne mɔ avinli, na bɛnrɛze bɛ anwunvɔne fee.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:4

Ɛnee adalɛma bie mɔɔ ɛyɛ bɛ nwo kɛ bɛdie Kelaese bɛdi la ɛpele ɛpe adenle bie azo ɛra ayia ne bie. Menli ɛhye mɔ rale kɛ bɛbanlea kɛ yɛmɛ mɔɔ yɛdie Kelaese Gyisɛse yɛdi la yɛ nwo ɛzi ɛdɔ yɛ la. Bɛ adwenle a le kɛ bɛmaa yɛazia yɛayɛ ahanra wɔ Dwuuma mɛla ne abo,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:1

O Galeehyeama ahɔnwɔne! Nwane a ɛhye bɛ sili a? Asoo bɛngakye mɔɔ bɛhanle bɛhilele bɛ, mɔɔ fane kɛ ɔzile ɔyɛle mɔɔ bɛhunle Gyisɛse Kelaese wɔ meanubaka ne azo la?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

1 Tem 1:4

Ka kile bɛ maa bɛgyakyi bɛ nla mɔ anwo nwɔra ɛdolɛ ne nee mbusua nu ɛhilehilelɛ somasoma ne. Ɛhye mɔ wie kpolerazulɛ ala, na ɔnvane Nyamenle ngyehyɛlɛ ne mɔɔ bɛdua diedi zo bɛnwu ye la anwo.

1 Tem 1:6

Menli bie ɛhwe bɛ nwo ɛvi ngilehilelɛ ɛhye mɔ anwo na bɛhɔdoa ngoasea edwɛkɛ ngehanleɛ bo zo bɛminli.

1 Tem 1:9

Ɔwɔ kɛ yɛnwu kɛ tɛ menli mɔɔ di boɛ la ati a mɛla ne wɔ ɛkɛ a, mɛla ne wɔ ɛkɛ maa atuadelɛma, anzosesebɛma, bɛdabɛ mɔɔ bɛnze Nyamenle nee ɛtanevolɛma, bɛdabɛ mɔɔ bɛ nwo ɛnde, menli mɔɔ ku bɛ ze mɔ anzɛɛ bɛ nli mɔ, ahɔdiawu,

2 Tem 3:13

Amumuyɛma nee adalɛma bahɔ zolɛ amaa bɛ ti ayɛ se kpalɛ, bɛbabɛlɛbɛla awie mɔ na bɛabɛlɛbɛla bɛdabɛ bɛ ngome bɛ nwo.

2 Tem 4:4

Bɛbaduodua bɛ nzo wɔ nɔhalɛ ne anwo, na bɛadie nwɔra.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:6

Ɔnle kɛ asɔne neavolɛ biala di ɛzonle; ɔwɔ kɛ ɔgya raalɛ ko ala; ɔwɔ kɛ ɔ mra nyia diedi yɛɛ ɔnle kɛ bɛdie duma kɛ bɛle wowawowa anzɛɛ anzosesebɛ.

Gyemise Kɛlata ne 1:26

Saa awie dwenle kɛ ɔsonle Nyamenle na ɔmmua ɔ nloa azo a, ye Nyamenlezonlenlɛ ne le mgbane, na ɔbɛlɛbɛla ɔdaye ye ɛkɛla.

1 Dw 2:18

Me mra ngakula, awieleɛ mekɛ ne ɛbikye! Bɛde ye dɛba kɛ Kelaese Kpɔvolɛ ne mɔɔ bayɛ ɔ nwo kɛ yemɔ a ɔle Kelaese ne la bara, na kɛkala bɔbɔ, Kelaese kpɔvolɛma dɔɔnwo ɛye bɛ nyunlu, yemɔti yɛnwu kɛ awieleɛ mekɛ ne ala ɛne.

1 Dw 2:4

Saa awie ka kɛ, “Meze Nyamenle” na ɔnli Nyamenle mɛla ne mɔ azo a, ɛnee ɔle adalɛ, yɛɛ nɔhalɛ biala ɛnle ye nu.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.

Yekile 2:14

Noko melɛ edwɛkɛ ekyi bie metia wɔ. Ɛlɛ menli bie mɔɔ li Beelam ngilehilelɛ ne anzi a. Beelam hilehilele belemgbunli Beelake manle ɔdole Yizilayɛma agyiba, ɔmanle bɛlile aleɛ mɔɔ bɛva bɛzɔ amonle la na bɛbɔle adwɔmane ɛbɛla.

Yekile 2:6

Noko ɛlɛ ɛhye gyi ɛ nzi: ɛngulo mɔɔ Nekɔlɔsoma yɛ la. Medame noko mengulo mɔɔ bɛlɛyɛ la.