Sɔlɔmɔn Edwɛne 8:9 - BAEBOLO ANZƐƐ BULUKU NWUANZANWUANZA

⁹ Saa ɔle bane a, yɛbazi dwɛtɛ fufule tawa yeamaa ye; na saa ɔle anlenkɛ kpole a, yɛbava sida ndaboa yɛabobɔ.

Sɔlɔmɔn Edwɛne 8:9 ပူးပေါင်းရင်းမြစ်များ

1 Arl 6:15

Sɔlɔmɔn vale sida ndaboa zɛle Ɛzonlenlɛ Sua ne akunlu bane ne mɔ anwo ɔvi ɔ bo azɛlɛ nwo toonwo ɔdwule anwuma, ɔhedale aakɔ ne mɔ anye. Akee ɔvale sepelɛse ndaboa ɔzɛle azɛlɛ ne anwo.

Sɔlɔmɔn Edwɛne 1:11

Yɛbayɛ ezukoa nvutuke anwoneɛ yɛamaa wɔ, yɛava dwɛtɛ fufule yɛaduodua nu.

Sɔlɔmɔn Edwɛne 2:9

Me kulovolɛ ne le kɛ kɛtɛboɛ, ɔle kɛ weɛlɛ nyinli edonraa. Yemɔ a gyi yɛ bane ne anzi la, ɔlɛnea nvɛnzɛlɛ ne anu, ɔ nye gyi nvɛnzɛlɛ ne anzi neanleɛ ne anu.

Ayezaya Buluku ne 58:12

Bɛ mɔmoane azua mɔɔ ɛbubu dɛbadɛba la, bɛbasisi bɛ muala, yɛɛ bɛbadwazo mɔɔ mekɛ dɔɔnwo bɛwulale bɛ adiabo ne mɔ aze na bɛanzi la. Bɛbavɛlɛ bɛ kɛ bɛmɛ a bɛyɛle bane ne mɔ mɔɔ bubule la boɛ na bɛsisile azua mɔɔ gologolole guale la a.”

Ayezaya Buluku ne 60:17

“Kɛ menwɔva kɔbele la, mebava ezukoa nvutuke, Kɛ menwɔva bulalɛ la, mebava dwɛtɛ fufule, Kɛ menwɔva mbaka la, mebava kɔbele, Yɛɛ kɛ menwɔva awolɛ la, mebava mbulalɛ mearɛlɛ bɛ. Mebamaa bɛ mgbanyinli mɔɔ nea bɛ nwo zo la anzonudwolɛ, Na bɛ gyima zo neavolɛma ayɛ tenlenema.

Ayezaya Buluku ne 61:4

Bɛbakyekye azuamgbole mɔɔ bɛzɛkye bɛ la, Bɛbasisi azua mɔɔ bɛgologolo bɛ la fofolɛ; Azuamgbole mɔɔ bɛzɛkyele bɛ mɔmoane mɔmoane la, Bɛbakyekye bɛ muala fofolɛ.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Ɛzoanvolɛma Gyima ne 14:27

Mɔɔ bɛradwule Anteɔko la, bɛyiale asɔnema ne amuala na bɛhanle mɔɔ Nyamenle ɛva bɛ ɛyɛ la amuala bɛhilele bɛ, nee kɛ yezi yebuke diedi adenle yemaa bɛdabɛ mɔɔ bɛnle Dwuuma la.

Ɛzoanvolɛma Gyima ne 15:16

‘Awulae se, ɛhye anzi mebazia meara, na meamaa Devidi belemgbunlililɛ ne mɔɔ dɔle aze la zo. Mebayɛ ye fofolɛ na meamaa ye zo meazie ɔ gyakɛ anu,

Mɛla 22:8

“Saa ɛsi wɔ sua a, bɔ mɔdenle die bane wɔ ɔ ti zo, amaa saa awie vi zolɛ tɔ aze na ɔwu a, wɔanli fɔlɛ kɛ ɛdawɔ a ɛhunle ye a.