1 Me kunlu a anrɛɛ ɛle me diema nrenya, mɔɔ ɔmɔ a nloanle wɔ nyɛfonlɛ a! Saa me nee wɔ yiale alie nwo a, anrɛɛ menwɔvo ɛ nloa anwo, yɛɛ awie biala ɛnrɛdwenle nwolɛ.
Anrɛɛ me nee wɔ kɛhɔ ɔmɔ mɔɔ nrenzɛle wole me la sua nu, na wɔahile me ɛhulolɛ deɛ holɛ. Anrɛɛ menwɔmaa ɛkɛnlo nwanye mɔɔ ninyɛne evuanlɛ wɔ nu la, me ma ne mɔɔ le kɛ akutue la anu nza.
Menli mɔɔ sisile bɛ la amra mrenya ne mɔ Barabɔ bɛ ti aze amaa bɛ; Menli mɔɔ kpole bɛ la kɔsɔɔti Baradu agua bɛ gyakɛ anu. Bɛbavɛlɛ sua ne ‘Ɛdɛnkɛma Suakpole,’ ‘Zayɔn, Yizilayɛ Nwuanzanwuanza Ko ne Suakpole.’
Eza mebakpusu maanle maanle ne mɔ meamaa bɛ anwonyia ne mɔ apɛ arali ɛke, na meamaa Ɛzonlenlɛ Sua ɛhye anu ayɛ kɛnlɛma kpalɛ, medame Tumivolɛ Ɛdɛnkɛma a mese a.
Tumivolɛ Ɛdɛnkɛma se, “Nea, mebazoa me ɛbɔfoɔ meamaa yeahɔziezie adenle ne anu yeamaa me. Na arɛlevilɛ nu ala bɛbanwu Awulae ne mɔɔ bɛlɛkpondɛ ye la kɛ ɔlɛkɔ Ɛzonlenlɛ Sua ne anu. Ngyekyeleɛ ne anwo ɛbɔfoɔ ne mɔɔ bɛ nye la ye ade la ɛlɛba.”
“Meka meahile bɛ, awie biala mɔɔ kɛbɔ ye te wɔ bagua nu kɛ ɔle me ɛdeɛ la, medame Sonla Ra, mebayɛ ye zɔhane ala meamaa ye wɔ Nyamenle soanvolɛma anyunlu.
Ɔdaye noko ɔrale Ɛzonlenlɛ Sua ne anu dɔnehwele ne ala anu ɔrayɛle Awulae mo na ɔhanle kakula ne anwo edwɛkɛ ɔhilele bɛdabɛ mɔɔ bɛ nye la kɛ Nyamenle barakpɔne Gyɛlusalɛm la.
Awie biala mɔɔ me nwo nee me ngilehilelɛ ne kɛyɛ ye nyiane wɔ ɛtane ewiade ye anu la, ɔdaye noko ɔ nwo bayɛ medame Sonla Ra nyiane wɔ mekɛ mɔɔ menwɔra anyunlunyia nee Selɛ ne nee Anwuma soanvolɛma nwuanzanwuanza ne anyunlunyia nu la.
Gyisɛse zele bɛ kɛ, “Saa amgba bɛ ze a le Nyamenle a, anrɛɛ bɛkulo me, ɔboalekɛ mevi Nyamenle anwo lɔ a membale a. Meamba me ti anwo adenle. Ɔdaye a ɔzoanle me a.
Na mame, ɔkɛbɔ me tɔ kɛ menwɔdu me nloa anu a kyesɛ debie ko anwo ala, yemɔ a le Awulae Kelaese Gyisɛse meanubaka ne. Ɔluakɛ ye meanubaka ne ati, ewiade le debie funli maa me, yɛɛ medame mumua ne mewu memaa ewiade.
Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.
Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu