Sɔlɔmɔn Edwɛne 7:2 - BAEBOLO ANZƐƐ BULUKU NWUANZANWUANZA

² Ɛ kotoa le kɛ kyɛnze bonkuma kutukpunli mɔɔ nwanye evuanlɛ ɛmkpa nuhua ɛlɛ. Ɛ ko ɛzɛne le hwiiti edukue mɔɔ aloa ɛbɔ ɛyia ye.

Sɔlɔmɔn Edwɛne 7:2 ပူးပေါင်းရင်းမြစ်များ

Edwɛndolɛ Buluku ne 45:16

Ɛ mra mrenya bayɛ kɛ ɛ ze mɔ, bɛbayɛ bɛ arelemgbunli wɔ ewiade amuala anu.

Mrɛlɛbulɛ Buluku ne 3:8

ɔbayɛ ayileyɛlɛ yeamaa wɔ nwonane ne, na yeayɛ wɔ mbowule nu ayile.

Sɔlɔmɔn Edwɛne 5:14

Ɔ sa mbaka le kɛ ezukoa nvutuke kpɔma, mgbɔdelera mɔɔ mgbɔba duodua nu la gua ɔ sa. Ye nwonane le tonlotonlo kɛ ɛzɛlɛ mɔɔ ezukoa bolɛ safaya betɛbeta nu la.

Sɔlɔmɔn Edwɛne 7:1

Duzu nwanwane bɛlɛra a le wɔ, mɔɔ ɛ gyakɛ nee mgbɔlaboa di zɛhae a? Wɔ ɛzɔlɛ bolomolo ne mɔ le kɛ mgbɔba, bɛ ngɛnlɛma le kɛ dwinvolɛ kpalɛ sa anloa gyima.

Sɔlɔmɔn Edwɛne 7:3

Wɔ mgbokua nwiɔ ne le kɛ weɛlɛ ngakula nwiɔ, bɛle kɛ ahɛtɛboɛ ndalɛ.

Ayezaya Buluku ne 46:3

“O Gyekɔbo abo zo amra, bɛdie me, O Yizilayɛma mɔɔ ɛha la, bɛdie me! Ɔvi bɛ awolɛ nu menlea bɛ boɛ toonwo a yeradwu ɛnɛ a.

Gyɛlɛmaya Buluku ne 1:5

“Mekabɔ wɔ meado ɛ nli akunlu la ɛnee meze wɔ, yɛɛ bɛkawo wɔ la ɛnee mekpa nu meye wɔ, na meyɛ wɔ maanle maanle Nyamenle kpɔmanvolɛ.”

Wulo 7:4

Mediema, kɛ bɛ edwɛkɛ ne de la ɛne. Kɛmɔ ɔlua Kelaese anwo zo yɛwu la, Mosisi mɛla ne ɛnlɛ yɛ nwo zo tumi bieko, na yɛle Kelaese mɔɔ bɛdwazo ye bɛvi ewule nu la ɛdeɛ, amaa yɛ nwo ara nvasoɛ amaa Nyamenle.