Sɔlɔmɔn Edwɛne 7:12 - BAEBOLO ANZƐƐ BULUKU NWUANZANWUANZA

¹² Yɛbadwazo ndɛ yɛahɔ vanye egyinli ne mɔ anu yɛahɔnlea saa vanye mbaka ne mɔ ɛyeye nya, saa bɛ ndotolo ne mɔ ɛkpukekpuke, na mbaka mɔɔ le kɛ akutue la ɛbɔ ndotolo a. Na ɛkɛ ne yɛɛ mebava me ahonle kɔsɔɔti meamaa wɔ a.

Sɔlɔmɔn Edwɛne 7:12 ပူးပေါင်းရင်းမြစ်များ

Edwɛndolɛ Buluku ne 122:5

Ɛkɛ ne yɛɛ bɛzieziele arelemgbunli ndɛnebualɛ mbia ne mɔ a, Devidi abusua ɛlɔnwɔne arelemgbunli mbia ne mɔ.

Edwɛndolɛ Buluku ne 43:4

Akee mebahɔ Nyamenle azukponle ne anwo, meahɔ me Nyamenle, me anyelielɛ kpole ne ɛkɛ; na meava getaa kpole meado edwɛne meaye wɔ ayɛlɛ, O Nyamenle, me Nyamenle.

Edwɛndolɛ Buluku ne 73:25

Menlɛ awie wɔ anwuma kɛ ɛdawɔ, yɛɛ memkpondɛ ɛhwee wɔ ewiade kɛ wɔmɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:22

Na me nee wɔ bayia ɛkɛ, na ɛlɛka ne azo, abɔdeɛ nwiɔ ne andɛba ne mɔ avinli yɛɛ mebadendɛ meava me mɛla ne mɔ amuala meamaa wɔ na wɔava wɔamaa Yizilayɛma a.

Mrɛlɛbulɛ Buluku ne 8:17

Mekulo bɛdabɛ mɔɔ bɛkulo me la, yɛɛ bɛdabɛ mɔɔ bɛ nye bolo bɛkpondɛ me la nwu me.

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Sɔlɔmɔn Edwɛne 2:13

Feege mbaka ɛbɔ ɔ bo ɛlɛso, vanye mbaka ɛbɔ ndotolo, bɛmaa maanle nu ɛbɔ evuanlɛ. Dwazo, me kulovolɛ, me kulovokpa, maa yɛhɔ.

Sɔlɔmɔn Edwɛne 2:15

Bɛhye ɛzonlɛ ne mɔ bɛmaa yɛ, ɛzonlɛ ngyikyi ne mɔ, mɔɔ sɛkye vanye egyinli ne mɔ la, ɔluakɛ yɛ vanye egyinli ne mɔ ɛbɔ ndotolo.”

Sɔlɔmɔn Edwɛne 4:13

Nuhua mbaka le kɛ akutue, bɛle ngɛnlɛma, bɛ ma yɛ fɛ, mbaka evuanlɛ hɛna nee naade,

Sɔlɔmɔn Edwɛne 4:16

Dwazo! O Sɔlɔ Anwoma, O Nyiakɛ Anwoma, bɔ bɛla! Bɔ me tola ye anu maa nuhua evuanlɛ ne ɛdwu moa. Maa me kulovolɛ ne ɛrɛla ye tola ye anu, ɛrali nuhua ma fɛlɛko ne mɔ.

Sɔlɔmɔn Edwɛne 6:11

Mengɔle mbakama egyinli ne anu, kɛ mekanlea mbaka mɔɔ wɔ bɔnza ne anu la, saa vanye mbaka ne mɔ ɛyeye nya, na mbaka ne mɔ mɔɔ so ma kɛ akutue la ɛbɔ ndotolo a.

Sɔlɔmɔn Edwɛne 7:11

Me kulovokpa, bɛla maa yɛhɔ ɛya ne anu lɔ, na yɛhɔli aledwolɛ ne wɔ namunamu ne mɔ anu.

Sɔlɔmɔn Edwɛne 7:6

Ɛle kɛnlɛma, ɛ nwo yɛ anyelielɛ, O kulovokpa, anyelielɛ bɛlɛra.

Ayezaya Buluku ne 18:5

Ɔluakɛ ɔkadwu mekɛ mɔɔ ndotolo kawie kpolo, na ndotolo ne ayɛ ma abolo, na ɛbuhenle ne adwu la, mebava dadeɛ meapepɛ nya ne mɔ mɔɔ ɛlɛfefɛ la anye, na meabubu ngane ne mɔ mɔɔ ɛdɛlɛdɛlɛ la meagua.

Ɛzoanvolɛma Gyima ne 15:36

Mekɛ guale nu la Pɔɔlo zele Baanabase kɛ, “Maa yɛzia yɛhɔkpɔla azua mɔɔ yɛha Awulae edwɛkɛ ne wɔ zo la, na yɛhɔnlea kɛ mediema ne mɔ si kɔ la.”

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

2 Kɔl 13:5

Bɛnleɛnlea bɛ ahonle nu, na bɛnlea kɛ bɛtɛdɛ bɛ diedi ne anu. Bɛzɔ bɛ nwo bɛnlea; asoo bɛnnwu kɛ Kelaese Gyisɛse wɔ bɛ nu? Ɛnee kyesɛ bɛangola sɔnea ne anloa gyinla.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:24

Nyamenle ɛlolɛ ne nee bɛdabɛ mɔɔ bɛkulo yɛ Awulae Gyisɛse Kelaese ɛhulolɛ mɔɔ ɛmbɔ aze ɛlɛ la ɛdɛnla.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Kɛlata mɔɔ bɛhɛlɛle bɛhɔmanle Hibuluma la 2:13

Eza ɔse, “Mebava me rɛle meawula Nyamenle anu.” Eza ɔhanle ye bieko kɛ, “Me nee ngakula mɔɔ Nyamenle ɛva bɛ ɛmaa me la ɛra.”

Kɛlata mɔɔ bɛhɛlɛle bɛhɔmanle Hibuluma la 2:15

na yealie bɛdabɛ mɔɔ ɔlua kɛ bɛsulo ewule la ati bɛyɛle ahanra wɔ mekɛ mɔɔ bɛde ngoane nu la.

Kɛlata mɔɔ bɛhɛlɛle bɛhɔmanle Hibuluma la 4:16

Zɔhane ati bɛmaa yɛzi ahonle na yɛbikye Nyamenle belemgbunli ebia ne mɔɔ ɛlolɛ ɛyi ye tɛkɛɛ la anwo. Ɛkɛ ne yɛɛ bɛbanwu yɛ anwunvɔne na ye ɛlolɛ ti yɛanyia moalɛ wɔ mekɛ mɔɔ yɛkɛhyia la a.