Sɔlɔmɔn Edwɛne 6:8 - BAEBOLO ANZƐƐ BULUKU NWUANZANWUANZA

⁸ Belemgbunli gya mraalɛ abulasia, ye mgbɔnla abulatwɛ, yɛɛ sonvolɛ mraalɛ dɔɔnwo mɔɔ bɛnze bɛ nloa.

Sɔlɔmɔn Edwɛne 6:8 ပူးပေါင်းရင်းမြစ်များ

1 Arl 11:1

Sɔlɔmɔn anye liele nyɛvolɛ mraalɛ dɔɔnwo anwo. Ɔgyale Yigyibiti belemgbunli ne ara raalɛ ne, eza ɔgyale Mowabe, Amɔn, Yidɔm, Saedɛn nee Hɛte mraalɛ.

1 Arl 11:3

Ɔgyale arelemgbunli amra mraalɛ ngome ɛya nsuu yɛɛ ɔlɛ mgbɔnla ɛya nsa. Na ye mraalɛ ne mɔ hakyile ye adwenle.

2 Edk 11:21

Ɛnee Rilihɔbowam kulo Meeyaka tɛla ye mraalɛ ne mɔ nee ye mgbɔnla ne mɔ amuala. Ɔgyale mraalɛ bulu nee mɔtwɛ yɛɛ ɔvale mgbɔnla abulasia. Ɔwole mralɛ mrenya abulanwiɔ nee mɔtwɛ yɛɛ mralɛ mraalɛ abulasia.

Edwɛndolɛ Buluku ne 45:14

Bɛva ye bɛhɔ belemgbunli ne ɛkɛ, ye avoanlema mɔɔ ravale ye la doa ye.

Edwɛndolɛ Buluku ne 45:9

Arelemgbunli mralɛ mraalɛ boka mbɛlɛra mɔɔ wɔ wɔ suakunlu ɛkɛ ne la anwo; belemgbunli raalɛ ne gyi wɔ fema zo ɛkɛ, yeva Ɔfɛ ezukoa nvutuke yeyɛ ɔ nwo sɔɔnwo.

Sɔlɔmɔn Edwɛne 1:3

Wɔ nwole ne mɔɔ ɛkpokpa la bɔ evuanlɛ, Wɔ duma le kɛ nwole mɔɔ bɛlɛwola, yemɔti mbɛlɛra ne mɔ kulo wɔ.

Yekile 7:9

Ɛhye anzi memanle me nye zo, na menwunle menli pemgbenleamgbe bie mɔɔ awie ɛngola bɛ tia la! Bɛvi mbusua, maanle, aneɛ nee menli ngakyile kɔsɔɔti anu. Bɛgyigyi belemgbunli ebia kpole ne nee Boaneralɛ ne anyunlu ɛkɛ ne, bɛwula adɛladeɛ fufule na bɛdedɛ mrɛlakɛ bɛ sa nu.