Sɔlɔmɔn Edwɛne 6:4 - BAEBOLO ANZƐƐ BULUKU NWUANZANWUANZA

⁴ Me kulovolɛ, ɛ nwo yɛ fɛ kɛ Gyɛlusalɛm la, ɛ nwo yɛ anyelielɛ kɛ suakpole Tɛza la, ɛ nwo ka ɛzulolɛ kɛ ɛlɔnema mɔɔ dedɛ avɛlɛnra la.

Sɔlɔmɔn Edwɛne 6:4 ပူးပေါင်းရင်းမြစ်များ

1 Arl 14:17

Gyɛlɔbowam aye ne akee rale Tɛza; ɔradwule ye sua nu ɛkɛ anuhɔlɛ ne ala la yɛɛ kakula ne wule a.

1 Arl 15:21

Belemgbunli Beeyahya dele edwɛkɛ ɛhye la ɔgyakyile Releema sua ne ɛkyekyelɛ na ɔhɔdɛnlanle Tɛza.

1 Arl 15:33

Belemgbunli Esa lile ɛvolɛ nsa wɔ Dwuda ebia ne azo la ɛnee Ahaegya ara Beeyahya de Tɛza na yebɔ ɔ bo ɔlɛsie Yizilayɛ maanle ne. Ɔlile ebia ne ɛvolɛ abulanwiɔ nee nna.

Edwɛndolɛ Buluku ne 48:2

Ye boka nwuanzanwuanza ne le kpole, ɔwale, ɔle ewiade amuala anyelielɛ. Zayɔn Boka mɔɔ wɔ sɔlɔ afoa nu lɔ, le Belemgbunli kpole ne suakpole.

Edwɛndolɛ Buluku ne 48:3

Nyamenle ɛhile kɛ ɔle pepɛdievolɛ wɔ ye aranemgbole ne mɔ anu.

Edwɛndolɛ Buluku ne 50:2

Nyamenle ta fi Zayɔn, suakpole mɔɔ ye kɛnlɛma di munli.

Sɔlɔmɔn Edwɛne 1:15

Nea, ɛ nwo yɛ fɛ, me kulovolɛ; nea, ɛ nwo yɛ fɛ; ɛ nye ma le kɛ abubule nye.

Sɔlɔmɔn Edwɛne 1:5

Gyɛlusalɛm mraalɛ, mele bile duhuduhu, na me nwo yɛ fɛ, mele duhuduhu kɛ Kidaa ndanlɛ azua, me kɛnlɛma le kɛ Sɔlɔmɔn suakunlu mgbɛnu ndanlɛ.

Sɔlɔmɔn Edwɛne 2:14

Ɛle kɛ abubule mɔɔ vea bodane mɔɔ ɛkpuke la avinli. Maa menwu ɛ nyunlu kɛnlɛma ne, na mende ɛ ne fɛlɛko ne, ɔluakɛ ɛ ne yɛ fɛ, yɛɛ ɛ nyunlu le kɛnlɛma.

Sɔlɔmɔn Edwɛne 4:7

Ɛ nwo yɛ fɛ vi wɔ anwuma dwu aze, me kulovolɛ, ɛdi munli bɔkɔɔ.

Sɔlɔmɔn Edwɛne 5:2

Mɔɔ menlale la ɛnee me ahonle ɛlɛsi. Tie, me kulovolɛ ne ɛlɛbɔ me anlenkɛ nu! Buke anlenkɛ ne, me diema raalɛ, me abubule, me kulovolɛ mɔɔ di munli, ɛbɔlɛ ɛdɔ me ti zo, na me ti enrinli ɛloa tɔfɔɔ.

Sɔlɔmɔn Edwɛne 6:10

Nwane ɔ, mɔɔ ɔ nye pɛ kɛ aleɛbahye la? Ɔle kɛnlɛma kɛ siane, na ɔta kɛ sɛnzɛne, ɔ nwo ka ɛzulolɛ kɛ ɛlɔnema mɔɔ dedɛ avɛlɛnra la.

Gyɛlɛmaya Awolɛyelɛ 2:15

Menli mɔɔ se adenle ne azo la nea bɛ, bɔ bɛ sa nu, si bɛ amgbu; bɛkpusu bɛ ti na bɛsele Gyɛlusalɛmma kɛ, “Asoo suakpole kɛnlɛma ne mɔɔ ye kɛnlɛma di munli na ewiade amra amuala anye sɔ ye la ɛ?”

Zɛkalaya Buluku ne 12:3

Mekɛ ne anu, mebamaa Gyɛlusalɛm ayɛ kɛ bolɛ ɛnlomboɛ yeamaa maanle maanle ne mɔ. Bɛdabɛ mɔɔ bɛkɛbɔ ɛhɔne kɛ bɛmaa ye zo la babodɛboda. Azɛlɛ ye azo maanle maanle kɔsɔɔti baboɔboa bɛ nloa atia ye.

2 Kɔl 10:4

Tɛ ewiade konle ninyɛne a yɛfa yɛko a; Nyamenle konle ninyɛne mɔɔ tumi wɔ nu la a yɛfa yɛbubu aranemgbole ne mɔ a. Yɛsɛkye kpolerazulɛ mgbane mgbane;

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:27

amaa yeava asɔne ne kɛnlɛma gyɛlɛɛnye yeamaa ɔ nwo, mɔɔ nwolɛ ɛtɛkpɔdele, evinli biala ɛnle nwolɛ, yɛɛ nvonleɛ biala ɛnle nwolɛ na nwolɛ te nwuanzaanwu a.

Yekile 21:2

Na menwunle Suakpole Nwuanzanwuanza ne, mɔɔ le Gyɛlusalɛm fofolɛ ne, kɛ ɔvi Nyamenle ɛkɛ ne wɔ anwuma na bɛlɛdwula ye aze, bɛziezie ye kɛ atɔfolɛ mɔɔ bɛyɛ ye hyeleenyi na ɔkayia ɔ hu adenle la.