Sɔlɔmɔn Edwɛne 6:2 - BAEBOLO ANZƐƐ BULUKU NWUANZANWUANZA

² Me kulovolɛ ne ɛhɔ ye tola nu lɔ, kofie ne mɔ mɔɔ mbaka evuanlɛ ne mɔ wɔ zo la, kɛ ɔkamaa ye nyɛmoa adidi tola ne anu, na yeatete aloa.

Sɔlɔmɔn Edwɛne 6:2 ပူးပေါင်းရင်းမြစ်များ

Sɔlɔmɔn Edwɛne 2:16

Me kulovolɛ ne le me ɛdeɛ, yɛɛ mele ye ɛdeɛ, ɔfa ye nyɛmoa ɔkɔ adidi wɔ aloa avinli.

Sɔlɔmɔn Edwɛne 4:12

Me diema raalɛ, me atɔfolɛ ne le tola mɔɔ apipi la ɔ nloa, nzufeanvea mɔɔ bɛdo nuhua.

Sɔlɔmɔn Edwɛne 4:16

Dwazo! O Sɔlɔ Anwoma, O Nyiakɛ Anwoma, bɔ bɛla! Bɔ me tola ye anu maa nuhua evuanlɛ ne ɛdwu moa. Maa me kulovolɛ ne ɛrɛla ye tola ye anu, ɛrali nuhua ma fɛlɛko ne mɔ.

Sɔlɔmɔn Edwɛne 4:5

Ɛ nyɛfo nwiɔ ne le kɛ weɛlɛ ngakula nwiɔ, ahɛtɛboɛ ndalɛ mɔɔ didi aloa avinli.

Sɔlɔmɔn Edwɛne 5:1

Me diema raalɛ, me atɔfolɛ, mera me tola ne anu. Melɛboɔboa me alufuanlɛ nee me aledonlɛ ninyɛne evuanlɛ ne mɔ anloa; melɛdi me wolɛ ndɛlamoa nee me wolɛ ne; melɛno me nwanye ne nee me meleke ne. Agɔnwolɛma, bɛli na bɛnlo bɛnlo bɛbo, o kulovolɛma.

Sɔlɔmɔn Edwɛne 5:13

Ɔ nvoka le ngɛnlɛma kɛ aledonlɛ ninyɛne evuanlɛ kofie mɔɔ zolɛ bɔ evuanlɛ la. Ɔ nloa babonle le kɛ aloa mɔɔ kpu alufuanlɛ nzule la.

Sɔlɔmɔn Edwɛne 6:11

Mengɔle mbakama egyinli ne anu, kɛ mekanlea mbaka mɔɔ wɔ bɔnza ne anu la, saa vanye mbaka ne mɔ ɛyeye nya, na mbaka ne mɔ mɔɔ so ma kɛ akutue la ɛbɔ ndotolo a.

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 57:1

Tenlenenli wu a ɔnvane awie biala anwo; bɛfa menli titile bɛkɔ mɔɔ awie ɛnde ɔ bo a. Ɔluakɛ bɛye tenlenenli bɛfi munzule nu a, ɔ nzo nu dwo ye.

Ayezaya Buluku ne 58:11

Na akee medame Ɛdɛnkɛma, mebazinza bɛ dahuu na meamaa bɛ ninyɛne kpalɛ meamaa bɛ kunlu adwo, na bɛ mbowule nu ayɛ se. Bɛbayɛ kɛ tola mɔɔ nzule dɔɔnwo wɔ nu, kɛ nzubula mɔɔ nuhua nzule ɛnsesa ɛlɛ la.

Ayezaya Buluku ne 61:11

Ɔluakɛ kɛ azɛlɛ ye azo si fifi ndile, Na tola nu ninyɛne si fifi la, Zɔhane ala yɛɛ Awulae Nyamenle Bamaa tenleneyɛlɛ nee ayɛlɛyelɛ afifi Maanle maanle ne mɔ amuala anu a.

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Zɛfanaya Buluku ne 3:17

Ɛdɛnkɛma, wɔ Nyamenle ne, nee wɔ de; ɔle katakyie mɔɔ maa ɛdi konim a. Ɔ nye balie ɛ nwo fɛlɛkolilɛ nu, ɔbava ye ɛhulolɛ yeakpɔda wɔ monle; yeava edwɛndolɛ yeamaa ɔ nye alie ɛ nwo,

Edwɛkpa ne kɛmɔ Mateyu hɛlɛle la 18:20

Ɔluakɛ ɛleka biala mɔɔ menli nwiɔ anzɛɛ nsa kɛyia nu wɔ me duma nu la, ɛnee mewɔ bɛ avinli ɛkɛ ne bie.”

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Dw 14:3

Saa mekɔ na mesiezie ɛleka memaa bɛ a, mebara bieko na mearava bɛ meahɔ me nwo lɔ, amaa bɛadɛnla ɛleka mɔɔ mewɔ la.

Dw 17:24

“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.

Yekile 7:17

Ɔluakɛ Boaneralɛ ne mɔɔ de belemgbunli ebia kpole ne azo la bayɛ mboaneneavolɛ anlea bɛ, na ɔbayɛ bɛ tataa yeahɔ nzubula mɔɔ maa ngoane la anwo. Na Nyamenle bakyikyi bɛ nye anwo monle.”