Sɔlɔmɔn Edwɛne 6:11 - BAEBOLO ANZƐƐ BULUKU NWUANZANWUANZA

¹¹ Mengɔle mbakama egyinli ne anu, kɛ mekanlea mbaka mɔɔ wɔ bɔnza ne anu la, saa vanye mbaka ne mɔ ɛyeye nya, na mbaka ne mɔ mɔɔ so ma kɛ akutue la ɛbɔ ndotolo a.

Sɔlɔmɔn Edwɛne 6:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:9

Na Ɛdɛnkɛma Nyamenle manle mbaka kɔsɔɔti mɔɔ le ngɛnlɛma nee mɔɔ bɛdi a ɔyɛ boɛ la fifile; ɔmanle ngoane baka ne yɛɛ baka ne mɔɔ maa ɛkola ɛnwu kpalɛ nee ɛtane la ɔdaye bɛfifile tola ne anu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:10

Vanye baka ne lɛ ngane nsa. Ɔfefɛle nya ala la yɛɛ ɔbɔle ndotolo, ɔzole na ma ne mɔ bolole a.

Sɔlɔmɔn Edwɛne 5:1

Me diema raalɛ, me atɔfolɛ, mera me tola ne anu. Melɛboɔboa me alufuanlɛ nee me aledonlɛ ninyɛne evuanlɛ ne mɔ anloa; melɛdi me wolɛ ndɛlamoa nee me wolɛ ne; melɛno me nwanye ne nee me meleke ne. Agɔnwolɛma, bɛli na bɛnlo bɛnlo bɛbo, o kulovolɛma.

Sɔlɔmɔn Edwɛne 6:12

Me nye zo katete me la ɛnee ɛhulolɛ ngome ɛmaa meyɛ kɛ mede belemgbunli ehwili nu wɔ ɔ nwo ɛkɛ.

Sɔlɔmɔn Edwɛne 6:2

Me kulovolɛ ne ɛhɔ ye tola nu lɔ, kofie ne mɔ mɔɔ mbaka evuanlɛ ne mɔ wɔ zo la, kɛ ɔkamaa ye nyɛmoa adidi tola ne anu, na yeatete aloa.

Sɔlɔmɔn Edwɛne 7:12

Yɛbadwazo ndɛ yɛahɔ vanye egyinli ne mɔ anu yɛahɔnlea saa vanye mbaka ne mɔ ɛyeye nya, saa bɛ ndotolo ne mɔ ɛkpukekpuke, na mbaka mɔɔ le kɛ akutue la ɛbɔ ndotolo a. Na ɛkɛ ne yɛɛ mebava me ahonle kɔsɔɔti meamaa wɔ a.

Sɔlɔmɔn Edwɛne 7:13

Mandileki ne mɔ evuanlɛ ba, ma fɛlɛko, dɛba nee fofolɛ kɔsɔɔti wɔ yɛ sua nu ɛke. O me kulovokpa, meva ɛhye mɔ kɔsɔɔti mezie wɔ.

Edwɛkpa ne kɛmɔ Maake hɛlɛle la 11:13

Ɔnwunle feege baka bie mɔɔ ɛwula buzuu la wɔ moa moa lɔ, na ɔhɔle nwolɛ saa ɔkɛnyia ma bie wɔ zolɛ a. Ɔhɔdwule nwolɛ la, nya ala a ɔnwunle ye wɔ zolɛ a, ɔluakɛ ɛnee mekɛ ɛtɛdwule mɔɔ zɔhane mbaka ne mɔ so a.

Edwɛkpa ne kɛmɔ Luku hɛlɛle la 13:7

Yemɔti ɔzele ye tola ne azo neavolɛ ne kɛ, ‘Nea, mekpɔla feege baka ye azo ɛvolɛ nsa kɛ mekpondɛ ma wɔ zolɛ na mennyia bie. Pɛ ye to aze! Ɔnle kɛ ɔgyinla ɛkɛ ne ɔsɛkye azɛlɛ ne mgbane!’

Dw 15:16

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Ɛzoanvolɛma Gyima ne 15:36

Mekɛ guale nu la Pɔɔlo zele Baanabase kɛ, “Maa yɛzia yɛhɔkpɔla azua mɔɔ yɛha Awulae edwɛkɛ ne wɔ zo la, na yɛhɔnlea kɛ mediema ne mɔ si kɔ la.”