Sɔlɔmɔn Edwɛne 6:10 - BAEBOLO ANZƐƐ BULUKU NWUANZANWUANZA

¹⁰ Nwane ɔ, mɔɔ ɔ nye pɛ kɛ aleɛbahye la? Ɔle kɛnlɛma kɛ siane, na ɔta kɛ sɛnzɛne, ɔ nwo ka ɛzulolɛ kɛ ɛlɔnema mɔɔ dedɛ avɛlɛnra la.

Sɔlɔmɔn Edwɛne 6:10 ပူးပေါင်းရင်းမြစ်များ

2 Sam 23:4

kpakye bɛ nwo zo kɛ nwonlomɔ ewia, ɔle kɛ nwonlomɔ sɛnzɛne mɔɔ amungu ɛnle ɔ nyunlu, ɔle kɛ ezule mɔɔ maa ndile fifi la.”

Dwobu Buluku ne 11:17

Na wɔ ɛbɛla bada adɛla ewiazo sɛnzɛne; nuhua awozinli ne bayɛ kɛ nwonlomɔ sɛnzɛne.

Dwobu Buluku ne 31:26

saa ewia ne fi la meneanle ye, anzɛɛ siane ne ɛdalɛ kɛnlɛma ne,

Edwɛndolɛ Buluku ne 14:5

Ɛkɛ ne ɛzulolɛ kpole baha bɛ, ɔluakɛ Nyamenle nee awolɛndoazo tenlenema lua.

Mrɛlɛbulɛ Buluku ne 4:18

Tenlenema adenle nu le wienyi kɛ nwonlomɔ sɛnzɛne mɔɔ kɛkpuke la, ɔfi, ɔta toonwo ɔyɛ kɛ sɛnzɛngyinla ewia.

Sɔlɔmɔn Edwɛne 1:15

Nea, ɛ nwo yɛ fɛ, me kulovolɛ; nea, ɛ nwo yɛ fɛ; ɛ nye ma le kɛ abubule nye.

Sɔlɔmɔn Edwɛne 3:6

Duzu a vi fienemgbole ne anu ɛlɛba, mɔɔ le bolonwonwo kɛ esike, na ɛyɛlɛ nee alufuanlɛ evuanlɛ ɛyɛ ye mukumuku, ɛyɛlɛ mɔɔ gualilɛma a tɔne la?

Sɔlɔmɔn Edwɛne 6:4

Me kulovolɛ, ɛ nwo yɛ fɛ kɛ Gyɛlusalɛm la, ɛ nwo yɛ anyelielɛ kɛ suakpole Tɛza la, ɛ nwo ka ɛzulolɛ kɛ ɛlɔnema mɔɔ dedɛ avɛlɛnra la.

Sɔlɔmɔn Edwɛne 8:5

Nwane a vi fienemgbole ne anu ɛlɛba, mɔɔ ɔ nee ye kulovolɛ bɛdedɛ bɛ sa a? Mendunwuele wɔ wɔ ampolo baka ne abo, ɛleka mɔɔ bɛwole wɔ la. Ɛkɛ ne a mɔɔ wole wɔ la ako hanle ye a.

Ayezaya Buluku ne 58:8

“Saa bɛyɛ ɛhye a bɛ wienyi ne bada kɛ nwonlomɔ ewia, na bɛ nwo aza ndɛndɛ; bɛ tenleneyɛlɛ ne bala ali, na medame Ɛdɛnkɛma me anyunlunyia ne azinza bɛ.

Ayezaya Buluku ne 63:1

Nwane a wula tɛladeɛ anye doaanye kɛ mogya, mɔɔ vi Bɔzela mɔɔ wɔ Yidɔm la ɛlɛba, mɔɔ ye tɛladeɛ mɔɔ ɔwula la kile kɛ yeli konim na ɔtia ye mrenyazo kɛ ɔlɛ tumi la? “Medame Ɛdɛnkɛma, mɔɔ melɛ tumi medie ngoane la ɔ. Melɛbɔ me konimlilɛ ne nolo.”

Hozia Buluku ne 6:5

Yemɔti memaa me kpɔmanvolɛma ɛpɛ bɛ ɛgua. Meva me nloa edwɛkɛ mehu bɛ, yɛɛ me ndɛnebualɛ ne le wienyi;

Malakae Buluku ne 4:2

Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

Edwɛkpa ne kɛmɔ Mateyu hɛlɛle la 13:43

Na Nyamenle menli ne bada kɛ sɛnzɛne wɔ bɛ Ze mɔɔ wɔ anwuma la Belemgbunlililɛ ne abo. Mɔɔ lɛ ɛnzonlɛ la ɛdie!

Edwɛkpa ne kɛmɔ Mateyu hɛlɛle la 17:2

Na Gyisɛse hakyile wɔ bɛ nye zo; ɔ nyunlu dale kɛ sɛnzɛne na ye tɛladeɛ ne yɛle fufule nwohyee na ɔdale kɛ neanleɛ.

Wulo 8:37

Kyɛkyɛ, wɔ ninyɛne ɛhye mɔ kɔsɔɔti anu, yɛlua mɔɔ hulole yɛ la anwo zo yɛdi konim!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:27

amaa yeava asɔne ne kɛnlɛma gyɛlɛɛnye yeamaa ɔ nwo, mɔɔ nwolɛ ɛtɛkpɔdele, evinli biala ɛnle nwolɛ, yɛɛ nvonleɛ biala ɛnle nwolɛ na nwolɛ te nwuanzaanwu a.

Yekile 1:16

Ɔlɛ nwɔlɔra nsuu ɔ sa fema ne anu, yɛɛ dadeɛ anye nwiɔ mɔɔ yɛ nla kɛ wowole la zia ɔ nloa anu. Ɔ nyunlu maanle ne ta kɛ ewia henlema sɛnzɛne.

Yekile 10:1

Akee menwunle Nyamenle soanvolɛ anwo ɛzulolɛ bieko kɛ ɔvi anwuma ɔlɛba. Ɔvea amungu nu na nyangondonle ɛdo ɛbɛnra ɔ ti; ɔ nyunlu ta kɛ sɛnzɛne, na ye ɛnantuo ɛdɔlɔ woonwu kɛ sua sika kpole bie mɔɔ senle la nu la.

Yekile 12:1

Akee nwanwane sɛkɛlɛneɛ kpole bie vindele anwomanyunlu. Raalɛ bie mɔɔ ɛva sɛnzɛne ne ɛyɛ ɛdanlɛ ɛheda, ɔ gyakɛ gyigyi siane ne azo, na yeva nwɔlɔra bulu nee nwiɔ yeyɛ abɔtile yebɔ la

Yekile 21:23

Suakpole ne azo amra ɛngyia sɛnzɛne anzɛɛ siane nwo, ɔluakɛ Nyamenle anyunlunyia ne a le zolɛ wienyi ne a, yɛɛ Boaneralɛ ne a le ye kɛnlaneɛ a.

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”

Yekile 22:5

Aleɛ ɛndwo ko wɔ ɛkɛ, yɛɛ bɛngyia kɛnlaneɛ anzɛɛ ewia nwo wɔ ɛkɛ, ɔluakɛ Awulae Nyamenle ne a le bɛ kɛnlaneɛ a, na bɛbali belemgbunli mekɛ mɔɔ ɛnlɛ awieleɛ.