Sɔlɔmɔn Edwɛne 5:8 - BAEBOLO ANZƐƐ BULUKU NWUANZANWUANZA

⁸ O bɛmɛ Gyɛlusalɛm mraalɛ, mese, saa bɛnwu me kulovolɛ ne a, bɛha bɛhile ye kɛ ye ɛhulolɛ ngome ɛbɔ me anwonyane.

Sɔlɔmɔn Edwɛne 5:8 ပူးပေါင်းရင်းမြစ်များ

Sɔlɔmɔn Edwɛne 1:5

Gyɛlusalɛm mraalɛ, mele bile duhuduhu, na me nwo yɛ fɛ, mele duhuduhu kɛ Kidaa ndanlɛ azua, me kɛnlɛma le kɛ Sɔlɔmɔn suakunlu mgbɛnu ndanlɛ.

Sɔlɔmɔn Edwɛne 2:5

Maa me vanye ma welera maa ɔmaa me anwosesebɛ, na maa me ampolo maa ɔmaa me anwosesebɛ fofolɛ, ɔluakɛ ɛhulolɛ ngome ɛmaa me nwo ɛdo me.

Sɔlɔmɔn Edwɛne 2:7

O Gyɛlusalɛm mraalɛ, mese, bɛva weɛlɛ nee ahɛtɛboɛ anwondɛne ne mɔ bɛha ndane kɛ bɛnrɛpele ɛhulolɛ nwo, kɔkpula kɛ ɛhulolɛ ne mekɛ kpalɛ kɛdwu la.

Sɔlɔmɔn Edwɛne 3:5

O Gyɛlusalɛm mraalɛ, mese, bɛva weɛlɛ nee ahɛtɛboɛ anwondɛne ne mɔ bɛha ndane kɛ bɛnrɛpele ɛhulolɛ nwo kɔkpula kɛ ɛhulolɛ ne mekɛ kpalɛ kɛdwu la.

Sɔlɔmɔn Edwɛne 8:4

O Gyɛlusalɛm mraalɛ, mese, bɛmmapele ɛhulolɛ nwo kɔkpula kɛ ɛhulolɛ ne mekɛ kpalɛ kɛdwu la.

Wulo 15:30

Mediema, mesɛlɛ bɛ, ɔlua yɛ Awulae Gyisɛse Kelaese ati, ɔ nee ɛhulolɛ ne mɔɔ le Sunsum Nwuanzanwuanza ahyɛlɛdeɛ ne la ati, bɛboa me wɔ me gyima ye ɛyɛlɛ nu na bɛzɛlɛ Nyamenle bɛmaa me.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.