Sɔlɔmɔn Edwɛne 5:6 - BAEBOLO ANZƐƐ BULUKU NWUANZANWUANZA

⁶ Membukele me kulovolɛ ne anlenkɛ ne, na me kulovolɛ ne ɛzia ɛhɔ. Ɛnee me ɛkɛla ɛlɛsu kɛ ɔkɛde ɔ ne. Memkpondɛle ye, na meannwu ye; menvɛlɛle ye, na meande ye nganeɛ.

Sɔlɔmɔn Edwɛne 5:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:28

Ɔzele ɔ mediema ne mɔ kɛ, “Bɛnlea, bɛziane me ezukoa ne; yemɔ a zia me kodoku ye anloa la!” Bɛnwunle ɛhye la, bɛ nwo bubule bɛ na bɛvale anwowozolɛ bɛbizebizale bɛ nwo kɛ, “Duzu munzule a Nyamenle ɛlɛmaa yeara yɛ nwo zo a?”

2 Sam 16:10

Na belemgbunli ne zele Abehyae nee ɔ diema Dwowabe kɛ, “Bɛmɛ Zɛluaya amra, ɛhye ɛnle bɛ edwɛkɛ. Saa Ɛdɛnkɛma yɛɛ ɛze ye kɛ ɔbɔ Devidi sasa a ɛnee nwane a lɛ adenle kɛbiza ye kɛ, ‘Duzu ati a wɔyɛ ɛhye ɛ?’ ”

Edwɛndolɛ Buluku ne 28:1

O Ɛdɛnkɛma, wɔmɔ yɛɛ mefɛlɛ wɔ a, me bodane, mmatuodua ɛ nzo wɔ me nwo; saa wɔandɛne me zo a, menwɔyɛ kɛ bɛdabɛ mɔɔ bɛkɔ ɛbolɔ Kuma nu la.

Edwɛndolɛ Buluku ne 30:7

O Ɛdɛnkɛma, ɔlua wɔ ɛlolɛ zo, wɔmaa megyinla kpundii kɛ boka kpole bie; ɛyele ɛ nye ɛdole ɛbɔ nu, na ɛzulolɛ hanle me.

Edwɛndolɛ Buluku ne 69:3

Mevɛlɛ dedee me ɛnwomenle ɛwie; me kɔmenzia ɛyɛ resee. Mehendɛ me Nyamenle ne toonwo, akee me nye ɛha adenle zo.

Edwɛndolɛ Buluku ne 77:3

Medwenle Nyamenle anwo a, megu ɛnwomenle, medwenledwenle nwo nzɛlɛlɛ nu a, me rɛle bɔ.

Edwɛndolɛ Buluku ne 80:4

O Tumivolɛ Ɛdɛnkɛma Nyamenle, ɛfa wɔ menli ne nzɛlɛlɛ nwo ɛya wɔahɔdwu kenlenzu?

Mrɛlɛbulɛ Buluku ne 1:28

Akee bɛbazu bɛavɛlɛ me, na menrɛdɛne bɛ zo, bɛbakpondɛ me kpalɛ kpalɛ, na bɛnrɛnwu me.

Sɔlɔmɔn Edwɛne 5:2

Mɔɔ menlale la ɛnee me ahonle ɛlɛsi. Tie, me kulovolɛ ne ɛlɛbɔ me anlenkɛ nu! Buke anlenkɛ ne, me diema raalɛ, me abubule, me kulovolɛ mɔɔ di munli, ɛbɔlɛ ɛdɔ me ti zo, na me ti enrinli ɛloa tɔfɔɔ.

Sɔlɔmɔn Edwɛne 5:4

Me kulovolɛ ne zɔle anlenkɛ ne ɛlakolo ne anu, na me kunlu dele me.

Sɔlɔmɔn Edwɛne 6:1

Anwofɛlɛko nu anwofɛlɛko, nienwu a wɔ kulovolɛ ne ɛhɔ a? Kile yɛ ɛleka mɔɔ ɔvale la, amaa yɛ nee wɔ ahɔkpondɛ ye.

Ayezaya Buluku ne 12:1

Mekɛ ne anu ɛbaha kɛ, “O Ɛdɛnkɛma, mebayɛ wɔ mo, ɔluakɛ ɛvale me nwo ɛya bɔbɔ ɛdeɛ, noko ɛgyakyile ɛmanle ɔhale, na ɛkyekyele me rɛle.

Ayezaya Buluku ne 50:2

“Kɛmɔti ɛ, membale la ɛnee awie ɛnle ɛkɛ ɔ? Menvɛlɛle la, ɛnee awie ɛnle ɛkɛ mɔɔ die zo ɔ? Asoo me sa ɛyɛ ezinraa mɔɔ yemɔti mengola memkpɔne bɛ a? Anzɛɛ menlɛ tumi mɔɔ mefa medie bɛ ngoane ɔ? Bɛnlea, metendɛ a nyevile sesa; memaa azule ne mɔ kakyi ɛsɛlɛ, fɛlɛ mɔɔ wɔ nu la ɛnnyia nzule, nzuhɔne maa bɛwu na bɛbɔ.

Ayezaya Buluku ne 57:16

Ɔluakɛ medame a memaa ngoane a, yɛɛ me nuhua a sunsum ne vi ba a; menrɛva bɛ nwo ɛya dahuu, yɛɛ dahuu menrɛbɔ bɛ somolɛ.

Ayezaya Buluku ne 58:2

Dahuu bɛkpondɛ me na bɛkulo kɛ bɛnwu me ndenle ne mɔ, kɛ asɛɛ bɛle maanle mɔɔ bɔ tenlene ɛbɛla na bɛtɛkpole medame, bɛ Nyamenle ne mɛla ne mɔ la. Bɛsɛlɛ me kɛ membua ndɛne tenlene nu, bɛkulo kɛ bɛtwe bɛbikye me.

Ayezaya Buluku ne 8:17

Ɛdɛnkɛma ɛva ɔ nye ɛvea Yizilayɛma, na mame mekendɛ ye, yɛɛ melɛ anyelazo wɔ ye nu.

Gyɛlɛmaya Awolɛyelɛ 3:8

mesu mefɛlɛ kɛ ɔlie me, noko ɔndie me nzɛlɛlɛ;

Hozia Buluku ne 5:15

“Mebahwe me nwo meavi menli ne anwo kɔkpula mekɛ mɔɔ bɛkɛnwu bɛ ɛtane mɔɔ bɛyɛ, na wɔ bɛ amaneɛnwunlɛ ne anu, bɛkɛkpondɛ me bo zo la.”

Hozia Buluku ne 5:6

Bɛbava bɛ mboane nee bɛ nlankɛ bɛabɔ azu bɛakpondɛ Ɛdɛnkɛma, na bɛnrɛnwu ye, ɔluakɛ yehwe ɔ nwo yevi bɛ nwo.

Zɛkalaya Buluku ne 7:13

na ɔhanle kɛ, “Kɛmɔ menvɛlɛle na bɛandie la, bɛdabɛ bɛvɛlɛle la, medame noko meandie.

Edwɛkpa ne kɛmɔ Mateyu hɛlɛle la 26:75

na Pita hakyele edwɛkɛ ne mɔɔ Gyisɛse hanle hilele ye la kɛ, “Mɔɔ akɔlɛ kabɔ la, ɛnee wɔha ye fane nsa kɛ ɛnze me.” Na ɔvindele ɔhɔzunle alɔbɔlɛ ɛzunlɛ.

Edwɛkpa ne kɛmɔ Maake hɛlɛle la 14:72

Ɛkɛ ne ala akɔlɛ bɔle bieko, na Pita hakyele mɔɔ Gyisɛse hanle hilele ye la kɛ, “Ɔ nee mɔɔ akɔlɛ kabɔ fane nwiɔ la, ɛnee wɔha ye fane nsa kɛ ɛnze me.” Na ɔdukuele nu ɔzunle.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.

1 Sam 28:6

na ɔbizale Ɛdɛnkɛma nwolɛ bie. Na Ɛdɛnkɛma ambua ye fee; yeanga ye ɛlalɛ bɔbɔ yɛɛ yeangile sɛkɛlɛneɛ biala na yeayɛ Nyamenle kpɔmanvolɛma nrɛlaleɛ.