Sɔlɔmɔn Edwɛne 5:16 - BAEBOLO ANZƐƐ BULUKU NWUANZANWUANZA

¹⁶ Ye ɛdendɛlɛ yɛ fɛ kpole, ye debie biala twe ahonle. Me kulovolɛ ne nee me gɔnwo ne kɛ de la ɛne, O Gyɛlusalɛm mraalɛ.

Sɔlɔmɔn Edwɛne 5:16 ပူးပေါင်းရင်းမြစ်များ

2 Sam 1:23

“Sɔɔlo nee Dwɔnatan, bɛ ɛhulolɛ yɛ nwanwane; bɛde aze la bɛle ko, bɛ ewule nu, bɛ avinli antete, bɛ nwo ndɛne tɛla kɔleɛ, bɛ anwosesebɛ tɛla awenade.

Edwɛndolɛ Buluku ne 119:103

Wɔ edwɛkɛ ne yɛ me fɛ somaa, ɔyɛ fɛ ɔtɛla wolɛ.

Edwɛndolɛ Buluku ne 148:13

Bɛ muala bɛye Ɛdɛnkɛma ayɛlɛ! Ɔluakɛ ye duma bo duma biala azo; ye anyunlunyia bo anwuma nee aze anwo zo.

Edwɛndolɛ Buluku ne 19:10

Bɛ ɛkpondɛlɛ hyia tɛla ezukoa nvutuke, ɔtɛla ezukoa nvutuke tagyee bɔbɔ. Ɔyɛ fɛ ɔtɛla wolɛ, ɔpepe ɔtɛla wolɛ mɔɔ ɛwie da la.

Edwɛndolɛ Buluku ne 45:2

Ɛ nwo yɛ fɛ tɛla mgbavolɛ kɔsɔɔti, ɛlolɛ ɛyi wɔ ɛdendɛlɛ tɛkɛɛ, yemɔti Nyamenle ɛyila wɔ dahuu.

Edwɛndolɛ Buluku ne 89:6

Nwane a wɔ anwuma lɔ mɔɔ nee Ɛdɛnkɛma sɛ a? Nwane a wɔ anwuma amra anu mɔɔ nee Ɛdɛnkɛma sɛ a?

Sɔlɔmɔn Edwɛne 1:16

Nea, ɛ nwo yɛ fɛ kpole, me kulovolɛ; nɔhalɛ nu, ɛmaa me nye die kpole! Yɛ ɛkpa mɔɔ yɛda zo la le asuomenle.

Sɔlɔmɔn Edwɛne 1:2

O, anrɛɛ wɔavo me nloa anwo! Ɔluakɛ wɔ ɛhulolɛ ne le kpalɛ tɛla nwanye.

Sɔlɔmɔn Edwɛne 1:5

Gyɛlusalɛm mraalɛ, mele bile duhuduhu, na me nwo yɛ fɛ, mele duhuduhu kɛ Kidaa ndanlɛ azua, me kɛnlɛma le kɛ Sɔlɔmɔn suakunlu mgbɛnu ndanlɛ.

Sɔlɔmɔn Edwɛne 2:1

Mele kɛ Hyɛlɔn wulosu ndotolo, mbɔnza nu aloa.

Sɔlɔmɔn Edwɛne 2:16

Me kulovolɛ ne le me ɛdeɛ, yɛɛ mele ye ɛdeɛ, ɔfa ye nyɛmoa ɔkɔ adidi wɔ aloa avinli.

Sɔlɔmɔn Edwɛne 2:3

Saa me kulovolɛ gyi mgbavolɛ avinli a, ɔle kɛ ampolo baka gyi ɛbɔ nu mbaka avinli. Me nye die ye alubo ne anu ɛdɛnlanlɛ, yɛɛ ye ma ne yɛ me fɛ.

Sɔlɔmɔn Edwɛne 4:3

Ɛ nloa babonle ne bolo kɛ nyɛma kɔkɔlɛ, yɛɛ ɛ nloa mumua ne nee ɛdendɛlɛ le kɛnlɛma. Ɛ nvoka le kɛ akutue mɔɔ bɛkpuke nuhua wɔ ɛ ti aguzo ne abo.

Sɔlɔmɔn Edwɛne 6:3

Me kulovolɛ ne le me ɛdeɛ, yɛɛ mele ye ɛdeɛ; ɔmaa ye nyɛmoa didi aloa ne mɔ avinli.

Sɔlɔmɔn Edwɛne 7:9

na ɛ nloa anwo ayɛ fɛ kɛ nwanye kpalɛ fɛlɛko mɔɔ kpula ɛnloanlɛ nee egyele, na ɔdwu ɛkolɛ nu bɛtɛɛ. Akee maa nwanye ne ɛdwu me kulovolɛ ne ɛkɛ, ɔze ɔ nloa anwo nee ɔ gye zo.

Gyɛlɛmaya Buluku ne 15:16

O Ɛdɛnkɛma, Tumivolɛ Nyamenle, ɛdendɛle ɛhilele me, na mendiele. Wɔ edwɛkɛ ne manle me nye liele na menlile fɛlɛko; ɔlua zolɛ bɛfa wɔ duma a bɛfɛlɛ me a.

Gyɛlɛmaya Buluku ne 3:20

Nɔhalɛ, wɔyɛ kɛ yelɛ mɔɔ ɛnli nɔhalɛ ɛmmaa kunli la; wɔanli nɔhalɛ wɔammaa me, medame Ɛdɛnkɛma a mese a.”

Hozia Buluku ne 3:1

Ɛdɛnkɛma zele me kɛ, “Kɔ bieko na kɔhulo awuvolɛ raalɛ mɔɔ ɛlɛto awuvolɛvalɛ mɛla ne na ye kulovolɛ ne le nrenya mɔɔ gya raalɛ la. Kulo ye kɛmɔ kɛkala medame Ɛdɛnkɛma mesi mekulo Yizilayɛma mɔɔ kakyi bɛ nwo kɔ nyamenle gyɛne gyɛne anwo, na bɛkulo vanye mra la.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:8

Tɛ ɛhye mɔ angome, na ɛnwunlɛ mumua ne mɔɔ menwu Awulae Gyisɛse Kelaese la sonle bolɛ maa me tɛla debie biala. Ɔlua ɔ ti mevuandi debie biala megua; mebu bɛ kɛ fovolɛ zo ewula la, amaa Kelaese ayɛ me ɛdeɛ,

Gyemise Kɛlata ne 2:23

Ɛhye maa Nyamenle Edwɛkɛ ne yɛ nɔhalɛ kɛ, “Ebileham liele Nyamenle lile, na ɔlua ye diedi ti Nyamenle liele ye kɛ ɔle sonla tenlene.” Na ɔlua zolɛ bɛvɛlɛle Ebileham Nyamenle agɔnwo.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.