Sɔlɔmɔn Edwɛne 5:14 - BAEBOLO ANZƐƐ BULUKU NWUANZANWUANZA

¹⁴ Ɔ sa mbaka le kɛ ezukoa nvutuke kpɔma, mgbɔdelera mɔɔ mgbɔba duodua nu la gua ɔ sa. Ye nwonane le tonlotonlo kɛ ɛzɛlɛ mɔɔ ezukoa bolɛ safaya betɛbeta nu la.

Sɔlɔmɔn Edwɛne 5:14 ပူးပေါင်းရင်းမြစ်များ

Dwobu Buluku ne 28:16

Ezukoa nvutuke tagyee bɔbɔ bolɛ nee ye ɛnzɛ, ezukoa awolɛ ‘ɔnekese’ nee ‘safaya’ nee ye ɛnzɛ bolɛ.

Edwɛndolɛ Buluku ne 99:4

Belemgbunli bedevinli, pɛlepɛlelilɛ kulovolɛ, wɔmaa pɛlepɛlelilɛ ɛlie ebia; wɔmaa pɛlepɛlelilɛ nee tenleneyɛlɛ ɛra Yizilayɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:6

“O Ɛdɛnkɛma, ɛ sa fema le tumi kpole; O Ɛdɛnkɛma, ɛ sa fema bubu kpɔvolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:10

na bɛnwunle Yizilayɛ Nyamenle ne. Bɛnwunle debie mɔɔ zɔho ezukoa bolɛ buluwu mɔɔ sonle bolɛ na nuhua te kɛ anwomanyunlu la wɔ ɔ gyakɛ abo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:18

ɛhonlone ne mɔɔ tɔ zolɛ nwiɔ la, bɛva ɛmelade, safaya, yɛɛ daemɔn;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:20

yɛɛ ɛhonlone ne mɔɔ tɔ zolɛ nna la, bɛva bɛlele, kanɛlea, yɛɛ gyasepa. Bɛwula ɛhye mɔ kɔsɔɔti wɔ ezukoa nvutuke boa nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:13

yɛɛ ɛhonlone ne mɔɔ tɔ zolɛ nna la, bɛvale bɛlele, kanɛlea, yɛɛ gyasepa. Bɛvale ezukoa nvutuke bɛtotole ɛhye mɔ kɔsɔɔti anloa.

Sɔlɔmɔn Edwɛne 7:2

Ɛ kotoa le kɛ kyɛnze bonkuma kutukpunli mɔɔ nwanye evuanlɛ ɛmkpa nuhua ɛlɛ. Ɛ ko ɛzɛne le hwiiti edukue mɔɔ aloa ɛbɔ ɛyia ye.

Ayezaya Buluku ne 52:13

Bɛnlea, me sonvolɛ ne bakpazi, bɛbali ye eni na bɛamaa ye zo. Ɔbayɛ sonlakpole kpalɛ.

Ayezaya Buluku ne 54:11

Ɛdɛnkɛma se, “O wɔmɔ mɔɔ ɛlɛdi nyane, wɔ adwenle ɛha ɛbɔ nu, na awie ɛnkyekye ɛ rɛle a, nea, mebayɛ wɔ awolɛ ne mɔ memeamemea, na meava awolɛ mɔɔ sonle bolɛ la meawula wɔ adiabo ne.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Yizikeɛle Buluku ne 1:16

Ehwili nna ne amuala zɔho bɛ nwo, na bɛyɛ bɛ kɛ asɛɛ ehwili vea ehwili nu, yɛɛ bɛ nwo ta kɛ ezukoa bolɛ.

Daneɛle Buluku ne 10:6

Ye sonlabaka ne ta kɛ bɛlele ezukoa bolɛ, yɛɛ ɔ nyunlu maanle ne ta kɛ ɛsɛlɛmanye, ɔ nye sɔ kɛ tɛkɛ, yɛɛ ɔ sa nee ɔ gyakɛ anwo ta kɛ kɔbele mɔɔ bɛdu nu la; ɔ ne dielie kɛ menli ɛwolaa bie ane la.