Sɔlɔmɔn Edwɛne 4:9 - BAEBOLO ANZƐƐ BULUKU NWUANZANWUANZA

⁹ Saa menea ɛ nye ma, me diema raalɛ, me atɔfolɛ raalɛ, nee ndweabane mɔɔ gua ɛ kɔme la a, me ahonle di pe pe pe,

Sɔlɔmɔn Edwɛne 4:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:12

Yeanga ye zɔhane, nɔhalɛ, eza ɔle me diema. Ɔle me ze ara raalɛ, na me nee ye ɛnvi ɛkolɛ ko anu, yɛɛ ɔrayɛle me ye a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:42

Akee ɔyele ɔ sa kpɔdelera ne mɔɔ ɔfa ɔsisi ngɛlata zo la ɔwulale Dwosefi asa, na bɛvale adɛladeɛ ngɛnlɛma bɛwulale ye, bɛvale ndweabane bɛdole ɔ kɔme;

Edwɛndolɛ Buluku ne 45:9

Arelemgbunli mralɛ mraalɛ boka mbɛlɛra mɔɔ wɔ wɔ suakunlu ɛkɛ ne la anwo; belemgbunli raalɛ ne gyi wɔ fema zo ɛkɛ, yeva Ɔfɛ ezukoa nvutuke yeyɛ ɔ nwo sɔɔnwo.

Mrɛlɛbulɛ Buluku ne 1:9

ɔluakɛ bɛle ndotolo kɔtɔlɔba abɔtile bɛmaa wɔ, yɛɛ bɛle ɛ kɔme avikpa.

Mrɛlɛbulɛ Buluku ne 6:25

Mmanea ye anwofɛlɛko ne anwo ɛkulo ye, yɛɛ mmamaa ɔ nye anzi enrinli ne di wɔ adwenle,

Sɔlɔmɔn Edwɛne 1:10

Ɛ nzo tɛba nu nee anwoneɛ le kɛnlɛma, ɛ kɔme nee ndweabane kɛnlɛma bɛnga.

Sɔlɔmɔn Edwɛne 1:15

Nea, ɛ nwo yɛ fɛ, me kulovolɛ; nea, ɛ nwo yɛ fɛ; ɛ nye ma le kɛ abubule nye.

Sɔlɔmɔn Edwɛne 3:11

O Zayɔn mraalɛ, bɛranlea Belemgbunli Sɔlɔmɔn, nee ye belemgbunli kyɛlɛ mɔɔ ɔ nli vale zoale ye kenle ko ne mɔɔ bɛdie ye atɔfolɛ la, kenle ko ne, fɛlɛko nee anyelielɛ yile ye ahonle tɛkɛɛ.

Sɔlɔmɔn Edwɛne 4:10

Wɔ ɛhulolɛ yɛ fɛ me diema raalɛ, me atɔfolɛ raalɛ. Wɔ ɛhulolɛ yɛ fɛ tɛla nwanye; wɔ nwole ne mɔ bɔ evuanlɛ tɛla aledonlɛ ninyɛne evuanlɛ biala.

Sɔlɔmɔn Edwɛne 4:12

Me diema raalɛ, me atɔfolɛ ne le tola mɔɔ apipi la ɔ nloa, nzufeanvea mɔɔ bɛdo nuhua.

Sɔlɔmɔn Edwɛne 6:12

Me nye zo katete me la ɛnee ɛhulolɛ ngome ɛmaa meyɛ kɛ mede belemgbunli ehwili nu wɔ ɔ nwo ɛkɛ.

Sɔlɔmɔn Edwɛne 6:5

Ye ɛ nye wɔ me nwo, ɔluakɛ bɛmaa debie tɔ me nwo zo. Wɔ enrinli dwazo senreleenyi kɛ mbɔnkye ekpunli mɔɔ vi Geleade awoka zo ɛlɛtolo la enrinli.

Sɔlɔmɔn Edwɛne 7:10

Mele me kulovolɛ ne ɛdeɛ, yɛɛ ɔkulo me ɛsesebɛ.

Ayezaya Buluku ne 54:5

Ɔluakɛ ɛ hu a le wɔ Bɔvolɛ ne, ye duma a le Tumivolɛ Ɛdɛnkɛma; Yizilayɛ Nwuanzanwuanza Ko ne a le wɔ Kpɔnevolɛ ne, bɛfɛlɛ ye ewiade amuala Nyamenle.

Ayezaya Buluku ne 62:5

Kɛ kakula nrenya si gya belamunli raalɛ la, Zɔhane ala yɛɛ ɛ mra mrenya ne mɔ bagya wɔ a. Na kɛ atɔfolɛ nrenya anye si die ye atɔfolɛ raalɛ nwo la, Zɔhane ala yɛɛ wɔ Nyamenle ne anye balie ɛ nwo a.

Yizikeɛle Buluku ne 16:11

Menvale anwoneɛ menzieziele bɛ, membɔle bɛ sa avikpa na menvale ndweabane menguale bɛ kɔme.

Yizikeɛle Buluku ne 16:8

“Mɔɔ mese bɛ nwo ɛkɛ ne bieko na meneanle bɛ la, ɛnee yedwu mɔɔ bɛkulo bɛ a. Mengedale bɛ ndanlɛ na memkpale bɛ nyiane. Menyiale bɛ na me nee bɛ yɛle agyalɛ ngyekyeleɛ, na bɛyɛle medame Awulae Nyamenle, me ɛdeɛ.

Daneɛle Buluku ne 5:7

Ɔdeanle nuhua kɛ bɛvɛlɛ silikyevoma, ngonyiayevoma, yɛɛ nwɔlɔrakengavoma bɛmaa bɛrɛla. Na belemgbunli ne hanle hilele Babelɔn nrɛlɛbɛvolɛma ne mɔ kɛ, “Awie biala mɔɔ kɛhola kɛgenga ngɛlɛlera ɛhye na ɔkɛhile me ɔ bo la, bɛbawula ye belemgbunli tɛladeɛ, bɛava ezukoa nvutuke ndweabane bɛado ɔ kɔme, na meayɛ ye maanlebuvo mɔɔ tɔ zolɛ nsa.”

Zɛfanaya Buluku ne 3:17

Ɛdɛnkɛma, wɔ Nyamenle ne, nee wɔ de; ɔle katakyie mɔɔ maa ɛdi konim a. Ɔ nye balie ɛ nwo fɛlɛkolilɛ nu, ɔbava ye ɛhulolɛ yeakpɔda wɔ monle; yeava edwɛndolɛ yeamaa ɔ nye alie ɛ nwo,

Edwɛkpa ne kɛmɔ Mateyu hɛlɛle la 12:50

Awie biala mɔɔ yɛ mɔɔ me Ze mɔɔ wɔ anwuma la kpondɛ la le me diema nrenya, me diema raalɛ, nee me nli.”

Dw 3:29

Atɔfolɛ nrenya ne a le mɔɔ gya atɔfolɛ ne la, saa atɔfolɛ nrenya ne agɔnwo ne mɔɔ gyi ahane la te atɔfolɛ nrenya ne ane a, ɔ nye die. Me fɛlɛkolilɛ ne, ye munlililɛ kɛ de la ɛne.

1 Kɔl 9:5

Yɛnlɛ adenle kɛ yɛgya Kelaese ɛdoavolɛ mraalɛ ne mɔ bie na yɛ nee ye tu adenle kɔyɛ gyima, kɛmɔ ɛzoanvolɛma ɛhendeɛ ne mɔ nee Awulae amediema ne mɔ nee Pita yɛ ye la ɔ?

2 Kɔl 11:2

Metwe bɛ nwo nungule, kɛmɔ Nyamenle yɛ ye ala la. Bɛle kɛ bɛlɛra mɔɔ ɛnze nrenya mɔɔ meyia ye kɛ megya ye meamaa nrenya kokye, Kelaese mumua ne.

Yekile 21:2

Na menwunle Suakpole Nwuanzanwuanza ne, mɔɔ le Gyɛlusalɛm fofolɛ ne, kɛ ɔvi Nyamenle ɛkɛ ne wɔ anwuma na bɛlɛdwula ye aze, bɛziezie ye kɛ atɔfolɛ mɔɔ bɛyɛ ye hyeleenyi na ɔkayia ɔ hu adenle la.