Sɔlɔmɔn Edwɛne 4:7 - BAEBOLO ANZƐƐ BULUKU NWUANZANWUANZA

⁷ Ɛ nwo yɛ fɛ vi wɔ anwuma dwu aze, me kulovolɛ, ɛdi munli bɔkɔɔ.

Sɔlɔmɔn Edwɛne 4:7 ပူးပေါင်းရင်းမြစ်များ

Edwɛndolɛ Buluku ne 45:11

Wɔ anwofɛlɛko ne bahwe belemgbunli ne ahonle; ɔle ɛ menle, yemɔti tie ɔ ne.

Edwɛndolɛ Buluku ne 45:13

Belemgbunli ara raalɛ ne wɔ ye sua ne akunlu, ɔwula ezukoanzule adɛladeɛ.

Sɔlɔmɔn Edwɛne 1:15

Nea, ɛ nwo yɛ fɛ, me kulovolɛ; nea, ɛ nwo yɛ fɛ; ɛ nye ma le kɛ abubule nye.

Sɔlɔmɔn Edwɛne 4:1

Nea, ɛ nwo yɛ fɛ, me kulovolɛ, nea, ɛ nwo yɛ fɛ! Ɛ nye ma le kɛ abubule ɛdeɛ ne wɔ ɛ ti aguzo ne abo. Wɔ enrinli dwazo senreleenyi kɛ mbɔnkye ekpunli mɔɔ vi Geleade awoka zo ɛlɛtolo la enrinli.

Sɔlɔmɔn Edwɛne 5:16

Ye ɛdendɛlɛ yɛ fɛ kpole, ye debie biala twe ahonle. Me kulovolɛ ne nee me gɔnwo ne kɛ de la ɛne, O Gyɛlusalɛm mraalɛ.

Sɔlɔmɔn Edwɛne 5:2

Mɔɔ menlale la ɛnee me ahonle ɛlɛsi. Tie, me kulovolɛ ne ɛlɛbɔ me anlenkɛ nu! Buke anlenkɛ ne, me diema raalɛ, me abubule, me kulovolɛ mɔɔ di munli, ɛbɔlɛ ɛdɔ me ti zo, na me ti enrinli ɛloa tɔfɔɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:5

Yizilayɛma ndanlɛ azua ne mɔ le ngɛnlɛma, O Yizilayɛma, bɛ azokoɛleɛ le kɛnlɛma.

Kɔlɔ 1:22

Na kɛkala, ɔlua Kelaese ewule ne azo bɛyɛ Nyamenle agɔnwo mɔ, amaa yeava bɛ yeara ɔ nyunlu kɛ bɛ nwo te nwuanzaanwu mɔɔ fɔlɛlilɛ biala ɛnle bɛ nu a.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,

Yekile 21:2

Na menwunle Suakpole Nwuanzanwuanza ne, mɔɔ le Gyɛlusalɛm fofolɛ ne, kɛ ɔvi Nyamenle ɛkɛ ne wɔ anwuma na bɛlɛdwula ye aze, bɛziezie ye kɛ atɔfolɛ mɔɔ bɛyɛ ye hyeleenyi na ɔkayia ɔ hu adenle la.