Sɔlɔmɔn Edwɛne 4:3 - BAEBOLO ANZƐƐ BULUKU NWUANZANWUANZA

³ Ɛ nloa babonle ne bolo kɛ nyɛma kɔkɔlɛ, yɛɛ ɛ nloa mumua ne nee ɛdendɛlɛ le kɛnlɛma. Ɛ nvoka le kɛ akutue mɔɔ bɛkpuke nuhua wɔ ɛ ti aguzo ne abo.

Sɔlɔmɔn Edwɛne 4:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:10

me nwo ɛnfɛta wɔ ahunlunyele bebelebe ne nee nɔhalɛ mɔɔ wɔli wɔmaa me la. Ɔluakɛ kpɔma ala a melɛ mɔɔ menvale mempɛle Azule Dwɔdan ye a. Na kɛkala, meyɛ menli ekpunli nwiɔ a mera a.

Ɛzela Buluku ne 9:6

“O me Nyamenle, ɔyɛ me anyiemgba na ɔyɛ me nyiane bɔbɔ kɛ menwɔkpogya me nye zo menwɔnlea wɔ a, ɔluakɛ yɛ amumuyɛ ɛbɛla ne ɛbo zolɛ na yɛ ɛtane ne mɔ ɛdwu ɛ nyunlu.

Edwɛndolɛ Buluku ne 119:13

Mebabɔ wɔ mɛla ne mɔ mɔɔ wɔhyehyɛ la nolo.

Edwɛndolɛ Buluku ne 37:30

Tenlenenli ka nrɛlɛbɛ edwɛkɛ, yɛɛ ɔdi pɛlepɛle wɔ ye edwɛkɛhanlɛ nu.

Edwɛndolɛ Buluku ne 45:2

Ɛ nwo yɛ fɛ tɛla mgbavolɛ kɔsɔɔti, ɛlolɛ ɛyi wɔ ɛdendɛlɛ tɛkɛɛ, yemɔti Nyamenle ɛyila wɔ dahuu.

Mrɛlɛbulɛ Buluku ne 10:13

Nrɛlɛbɛ wɔ sonla mɔɔ lɛ ndelebɛbo la ɛdendɛlɛ nu, na sonla mɔɔ ɛnlɛ adwenle la anzi fɛta empele.

Mrɛlɛbulɛ Buluku ne 31:26

Ɔtendɛ nrɛlɛbɛ nu, yɛɛ ye ngilehilelɛ fane kpalɛyɛlɛ nwo.

Sɔlɔmɔn Edwɛne 1:5

Gyɛlusalɛm mraalɛ, mele bile duhuduhu, na me nwo yɛ fɛ, mele duhuduhu kɛ Kidaa ndanlɛ azua, me kɛnlɛma le kɛ Sɔlɔmɔn suakunlu mgbɛnu ndanlɛ.

Sɔlɔmɔn Edwɛne 4:11

Me atɔfolɛ raalɛ, ɛ nloa anwo fɛlɛko le kɛ ndotolo nu nzule fɛlɛko, wolɛ nee meleke wɔ ɛ tafinlima abo; wɔ adɛladeɛ nu evuanlɛ le kɛ evuanlɛ mɔɔ vi Lɛbanɔn.

Sɔlɔmɔn Edwɛne 5:13

Ɔ nvoka le ngɛnlɛma kɛ aledonlɛ ninyɛne evuanlɛ kofie mɔɔ zolɛ bɔ evuanlɛ la. Ɔ nloa babonle le kɛ aloa mɔɔ kpu alufuanlɛ nzule la.

Sɔlɔmɔn Edwɛne 5:16

Ye ɛdendɛlɛ yɛ fɛ kpole, ye debie biala twe ahonle. Me kulovolɛ ne nee me gɔnwo ne kɛ de la ɛne, O Gyɛlusalɛm mraalɛ.

Sɔlɔmɔn Edwɛne 6:7

Ɛ nvoka le kɛ akutue ma mɔɔ bɛkpuke nuhua, wɔ ɛ ti aguzo ne abo,

Sɔlɔmɔn Edwɛne 7:9

na ɛ nloa anwo ayɛ fɛ kɛ nwanye kpalɛ fɛlɛko mɔɔ kpula ɛnloanlɛ nee egyele, na ɔdwu ɛkolɛ nu bɛtɛɛ. Akee maa nwanye ne ɛdwu me kulovolɛ ne ɛkɛ, ɔze ɔ nloa anwo nee ɔ gye zo.

Yizikeɛle Buluku ne 16:63

Ɛbahakye mɔɔ wɔyɛ la na ɔbayɛ wɔ nyiane, amaa saa mefa wɔ ninyɛndane mɔɔ wɔyɛ la mekyɛ wɔ a, wɔambuke ɛ nloa, ɔboalekɛ nyiane ɛbia wɔ. Medame, Awulae Nyamenle a mese a.”

Sɛlɛ 14:4

sɛlɛvolɛ ne bamaa bɛabɔ ahenle ne mɔɔ bɛnua ye la ati bɛava nloma mɔɔ anwo te la nwiɔ anyewɔzo, sida baka, boane kɔkɔlɛ enrinli, yɛɛ nyinlanyinla.

Sɛlɛ 14:6

Akee ɔbava anloma ko ne mɔɔ anye wɔ zolɛ la, sida baka ne, boane kɔkɔlɛ enrinli ne nee nyinlanyinla ne yeabɔ bɛ anloma ne mɔɔ bɛhu ye la mogya ne anu,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 19:6

Sɛlɛvolɛ ne bava sida baka, nyinlanyinla nee nyɛma kɔkɔlɛ avuandi agua senle ne mɔɔ ɛnlankɛ ne la nu la anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:8

Bɛva ɛdanlɛ kɔkɔlɛ bɛheda ɛhye mɔ kɔsɔɔti azo. Bɛva nwoma kɛnlɛma bɛheda zolɛ, na bɛva ye mbaka mɔɔ bɛfa bɛsoa la bɛwulowula ye ngɛba ne mɔ anu.

Edwɛkpa ne kɛmɔ Mateyu hɛlɛle la 12:35

Sonlakpalɛ biala yɛ debie kpalɛ, yɛɛ sonlatane biala yɛ ninyɛndane.

Edwɛkpa ne kɛmɔ Luku hɛlɛle la 4:22

Bɛ muala bɛ nye liele ɔ nwo na ye ɛdendɛlɛ bɔbɔ zinle bɛ nwo, na bɛzele kɛ, “Asoo tɛ Dwosefi ara ye ɛ?”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:29

Bɛmmamaa edwɛkɛ ɛtane fi bɛ nloa anu finde; bɛdendɛ kɛnlɛma mɔɔ maa sonla nyia ngɔzo na ɔnyia mɔɔ ɔkpondɛ la, amaa mɔɔ bɛkɛha la biala azo ara nvasoɛ amaa bɛdabɛ mɔɔ bɛtie la.

Kɔlɔ 4:6

Bɛmaa bɛ nloa edwɛkɛ ɛyɛ fɛ na ɔyɛ anyelielɛ, na bɛnwu nyelebɛnloa kpalɛ mɔɔ ɔwɔ kɛ bɛfa bɛye awie biala edwɛkɛ nloa la.

Kɛlata mɔɔ bɛhɛlɛle bɛhɔmanle Hibuluma la 9:19

Mɔɔ Mosisi gengale mɛla ne amuala hilele menli ne na ɔwiele la, akee ɔvale ɛnlankɛ nee abɔnkye mogya ɔkpotole nzule nu, ɔvale nyinlanyinla nee boane kɔkɔlɛ ndɛkɛ ɔkyekyele na ɔvale ɔbɔle mogya ne anu ɔkpondenle Mɛla Buluku ne nee menli ne amuala anwo,

Dwɔhyua Buluku ne 2:18

Mɔɔ ɔwɔ kɛ ɛyɛ la ɛne: Mekɛ mɔɔ yɛkɛva bɛ azɛlɛ ye la, fa nyɛma kɔkɔlɛ ɛhye kenda nvɛnzɛlɛ ne mɔɔ ɛvale yɛ ɛluale nu ɛdwulale yɛ aze la. Boɔboa ɛ ze, ɛ nli, ɛ mediema mrenya ne mɔ, yɛɛ ɛ ze anwo amra ne mɔ amuala anloa wɔ wɔ sua nu ɛke.