Sɔlɔmɔn Edwɛne 4:14 - BAEBOLO ANZƐƐ BULUKU NWUANZANWUANZA

¹⁴ naade nee safolɔn, kalamɛse nee senamɔn, nee ɛyɛlɛ evuanlɛ mbaka kɔsɔɔti, alufuanlɛ nee kolɔbo, nee aledonlɛ ninyɛne kpalɛ,

Sɔlɔmɔn Edwɛne 4:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:11

Akee Gyekɔbo zele bɛ kɛ, “Saa zɛhae ala a ɔwɔ kɛ ɔyɛ a, ɛnee bɛyɛ ɛhye: bɛva maanle ye anu nzoleɛ kpalɛ ne mɔ bie wɔ bɛ ahodoku ne mɔ anu, ayile nwole evuanlɛ ekyi, wolɛ ekyi, ɛyɛlɛ, alufuanlɛ, ‘pesetakayo’ ma, yɛɛ ‘alemɔndo’ bɛhɔmaa nrenya ne kɛ ye ahyɛlɛdeɛ ɔ.

1 Arl 10:10

Akee ɔhyɛle Belemgbunli Sɔlɔmɔn ninyɛne: ezukoa nvutuke mɔɔ bo tone nu kilo apenle nna yɛɛ ninyɛne evuanlɛ mɔɔ bɛfa bɛto aleɛ la dɔɔnwo nee awolɛ mɔɔ sonle bolɛ la. Hyiba belemgbunli raalɛ ne ninyɛne evuanlɛ mɔɔ ɔvale ɔrahyɛle Sɔlɔmɔn la bo ahyɛlɛdeɛ biala mɔɔ sumunli kɛ ɔralile ebia ne la bɛva bɛhyɛ ye la azo.

2 Edk 9:9

Akee ɔhyɛle Belemgbunli Sɔlɔmɔn ninyɛne: ezukoa nvutuke mɔɔ bo tone nu kilo apenle nna yɛɛ ninyɛne evuanlɛ mɔɔ bɛfa bɛto aleɛ la dɔɔnwo nee awolɛ mɔɔ sonle bolɛ la. Hyiba belemgbunli raalɛ ne ninyɛne evuanlɛ mɔɔ ɔvale ɔrahyɛle Sɔlɔmɔn la bo ahyɛlɛdeɛ biala mɔɔ sumunli kɛ ɔralile ebia ne la bɛva bɛhyɛ ye la azo.

Edwɛndolɛ Buluku ne 45:8

Wɔ adɛladeɛ nu bɔ evuanlɛ, ɔbɔnle alufuanlɛ, kasea, yɛɛ kolɔbo. Edwɛndolɛma dielie ɛ nye wɔ arelemgbunli azua mɔɔ bɛva ɛzɛlɛ bɛziezie nu la anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:23

“Fa ninyɛne evuanlɛ, alufuanlɛ nzule kilo nsia, senamɔn mɔɔ bɔ evuanlɛ la kilo nsa, anatele baka evuanlɛ kilo nsa,

Mrɛlɛbulɛ Buluku ne 7:17

Meva alufuanlɛ, kolɔbo, yɛɛ baka evuanlɛ senamɔn meyɛ sua ne anu mukumuku zɛhae.

Sɔlɔmɔn Edwɛne 1:12

Mekɛ mɔɔ belemgbunli ne la ye ebia ne anu la, me nwo anatele ne evuanlɛ yile sua ne tɛkɛɛ.

Sɔlɔmɔn Edwɛne 3:6

Duzu a vi fienemgbole ne anu ɛlɛba, mɔɔ le bolonwonwo kɛ esike, na ɛyɛlɛ nee alufuanlɛ evuanlɛ ɛyɛ ye mukumuku, ɛyɛlɛ mɔɔ gualilɛma a tɔne la?

Sɔlɔmɔn Edwɛne 4:6

Kyesɛ aleɛ kye na awozinli ne se, mebavo alufuanlɛ boka ye nee ɛyɛlɛ evuanlɛ boka ekyi ye azo.

Sɔlɔmɔn Edwɛne 5:1

Me diema raalɛ, me atɔfolɛ, mera me tola ne anu. Melɛboɔboa me alufuanlɛ nee me aledonlɛ ninyɛne evuanlɛ ne mɔ anloa; melɛdi me wolɛ ndɛlamoa nee me wolɛ ne; melɛno me nwanye ne nee me meleke ne. Agɔnwolɛma, bɛli na bɛnlo bɛnlo bɛbo, o kulovolɛma.

Sɔlɔmɔn Edwɛne 6:2

Me kulovolɛ ne ɛhɔ ye tola nu lɔ, kofie ne mɔ mɔɔ mbaka evuanlɛ ne mɔ wɔ zo la, kɛ ɔkamaa ye nyɛmoa adidi tola ne anu, na yeatete aloa.

Yizikeɛle Buluku ne 27:19

yɛɛ Sahɛɛ nwanye bɛmanle wɔ bɛliele wɔ ninyɛne ne mɔ bie. Bɛdɔnenle mbulalɛ mɔɔ bɛva bɛli adwinli yɛɛ aleɛdonlɛ ninyɛne evuanlɛ bɛmanle wɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:6

Bɛle kɛ mbɔnza mɔɔ tɛlɛ Anzɛɛ tola mɔɔ bɛhye ye azudenle nloa, Bɛle kɛ ‘alo’ mbaka mɔɔ Ɛdɛnkɛma ɛlua, Anzɛɛ sida mbaka mɔɔ gyigyi nzule nloa.

Edwɛkpa ne kɛmɔ Maake hɛlɛle la 16:1

Ɛnwomenlelielɛ Kenle ne pɛle nu la, Mɛle mɔɔ vi Magedala, nee Salome, yɛɛ Mɛle mɔɔ le Gyemise ɔ nli ne totɔle nyile ngakyile mɔɔ bɛfa bɛyɛ alufuanlɛ la, kɛ bɛfa bɛahɔwɔza Gyisɛse funli ne.

Dw 19:39

Nekɔdimɛse mɔɔ kenle ko nɔɔzo bie hɔnwunle Gyisɛse la nee Dwosefi a hɔle a; bɛkɔ la bɛlɛ ayile evuanlɛ mɔɔ le kɛ alufuanlɛ nee aabɛya mɔɔ kɛdo tone nu kɛyɛ kilo abulanlu la a hɔle a.

Yekile 18:13

bɛ ninyɛne evuanlɛ mɔɔ le kɛ kabɛlɛ, dazia, ɛyɛlɛ, alufuanlɛ, yɛɛ sakyeɛ; nwanye, nwole, esamo, yɛɛ hwiiti; nlankɛ nee mboane, mgbɔnwɔ nee konle ehwili, ahanra, yɛɛ menli bɔbɔ, bɛnrɛnwu bie.