Sɔlɔmɔn Edwɛne 3:7 - BAEBOLO ANZƐƐ BULUKU NWUANZANWUANZA

⁷ Bɛnlea, Sɔlɔmɔn ɛlɛba, bɛzo ye wɔ belemgbunli bonrane nu; katakyiema abulasia a le ye sinzavoma a, bɛle Yizilayɛ ɛlɔne nu katakyiema ne mɔ bie.

Sɔlɔmɔn Edwɛne 3:7 ပူးပေါင်းရင်းမြစ်များ

1 Arl 14:27

Yemɔti Belemgbunli Rilihɔbowam vale ayera nee kɔbele yɛle bie ziele bɛ bo zo na ɔvale ɔwulale sinzavolɛma mɔɔ wɔ belemgbunli sua nu ɛkɛ ne la asa anu.

1 Arl 9:22

Sɔlɔmɔn ammaa Yizilayɛnli biala anzonle kɛ kanranli; ɔmanle bɛzonlenle kɛ ye ɛlɔnema, ye mbɔlɔba mgbanyinli, safohyenle mgbanyinli, safohyenlema, yɛɛ ye ɛlɔne nu mgbanyinli mɔɔ nea menli mɔɔ fa konle ehwili nee mgbɔnwɔ ko la.

2 Arl 6:17

Akee ɔzɛlɛle kɛ, “Ɛdɛnkɛma, buke me sonvolɛ ye anye maa ɔnwu debie.” Ɛdɛnkɛma diele nzɛlɛlɛ ne na ɔbukele kpavolɛ ne anye na ɔnwunle kɛ ɛlɔnema mɔɔ de senle mgbɔnwɔ zo nee senle ehwili nu la ɛbɔ ɛyia Yilaehya na bɛ somaa ɛva boka ne amuala.

Nihɛmaya Buluku ne 4:13

Yemɔti memanle me menli ne konle ninyɛne: dadeɛ, atwɛ nee ɛda mɔ, na mengyɛle bɛ nuhua awuke awuke na memanle bɛhɔdɛle bane ne anzi ɛleka biala mɔɔ bane ne ɛtɛkɔle anwuma la.

Sɔlɔmɔn Edwɛne 1:16

Nea, ɛ nwo yɛ fɛ kpole, me kulovolɛ; nɔhalɛ nu, ɛmaa me nye die kpole! Yɛ ɛkpa mɔɔ yɛda zo la le asuomenle.

Sɔlɔmɔn Edwɛne 3:6

Duzu a vi fienemgbole ne anu ɛlɛba, mɔɔ le bolonwonwo kɛ esike, na ɛyɛlɛ nee alufuanlɛ evuanlɛ ɛyɛ ye mukumuku, ɛyɛlɛ mɔɔ gualilɛma a tɔne la?

Sɔlɔmɔn Edwɛne 3:8

Bɛ kɔsɔɔti bɛdedɛ konle dadeɛ; yɛɛ bɛze konle nye zo kpalɛ kpalɛ. Nɔɔzo arɛlevilɛ nu ɛtetalɛ ti, ko biala lɛ dadeɛ zia ɔ nwo.

Sɔlɔmɔn Edwɛne 3:9

Belemgbunli Sɔlɔmɔn yɛle bonrane, ɔvale Lɛbanɔn mbaka a ɔyɛle a.

Kɛlata mɔɔ bɛhɛlɛle bɛhɔmanle Hibuluma la 1:14

Ɛnee Nyamenle soanvolɛma a le nwane mɔ? Bɛmɛ a le sunsum bie mɔ mɔɔ sonle Nyamenle na ɔsoɔzoa bɛ ɔmaa bɛkɔboa bɛdabɛ mɔɔ ɔwɔ kɛ bɛnyia ngoane la.

1 Sam 14:52

Sɔɔlo mekɛ zo, ɔ nee Filisitiama honle mgbole mgbole fane dɔɔnwo, yemɔti mekɛ biala mɔɔ ɔkɛnwu katakyie bie la ɔfa ye ɔboka ɔ nwo.

1 Sam 28:2

Devidi zele Ekehye kɛ, “Ɛhɛe, mele wɔ sonvolɛ, ɛdawɔ ɛbanwu moalɛ mɔɔ wɔ sonvolɛ bava aboa wɔ a.” Ekehye zele Devidi kɛ, “Mo! Mebayɛ wɔ me sinzavolɛ wɔ mekɛ mɔɔ mede ngoane nu la.”

1 Sam 8:16

Ɔbamaa bɛ sonvolɛ mrenya nee mraalɛ kpalɛ ne mɔ, bɛ nlankɛ nee bɛ asoaso kpalɛ ne mɔ ayɛ gyima amaa ye.