Sɔlɔmɔn Edwɛne 3:6 - BAEBOLO ANZƐƐ BULUKU NWUANZANWUANZA

⁶ Duzu a vi fienemgbole ne anu ɛlɛba, mɔɔ le bolonwonwo kɛ esike, na ɛyɛlɛ nee alufuanlɛ evuanlɛ ɛyɛ ye mukumuku, ɛyɛlɛ mɔɔ gualilɛma a tɔne la?

Sɔlɔmɔn Edwɛne 3:6 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:34

Ɛdɛnkɛma zele Mosisi kɛ, “Fa ninyɛne evuanlɛ ɛhye mɔ: setakiti, ɔneka, galebanɛm, yɛɛ ɛyɛlɛ evuanlɛ mɔɔ alufuanlɛ wɔ nu la. Suzu bɛ pɛpɛ,

Mrɛlɛbulɛ Buluku ne 7:17

Meva alufuanlɛ, kolɔbo, yɛɛ baka evuanlɛ senamɔn meyɛ sua ne anu mukumuku zɛhae.

Sɔlɔmɔn Edwɛne 1:13

Me kulovolɛ ne le kɛ alufuanlɛ kodoku mɔɔ la me kanra anu la.

Sɔlɔmɔn Edwɛne 1:3

Wɔ nwole ne mɔɔ ɛkpokpa la bɔ evuanlɛ, Wɔ duma le kɛ nwole mɔɔ bɛlɛwola, yemɔti mbɛlɛra ne mɔ kulo wɔ.

Sɔlɔmɔn Edwɛne 3:7

Bɛnlea, Sɔlɔmɔn ɛlɛba, bɛzo ye wɔ belemgbunli bonrane nu; katakyiema abulasia a le ye sinzavoma a, bɛle Yizilayɛ ɛlɔne nu katakyiema ne mɔ bie.

Sɔlɔmɔn Edwɛne 4:6

Kyesɛ aleɛ kye na awozinli ne se, mebavo alufuanlɛ boka ye nee ɛyɛlɛ evuanlɛ boka ekyi ye azo.

Sɔlɔmɔn Edwɛne 5:13

Ɔ nvoka le ngɛnlɛma kɛ aledonlɛ ninyɛne evuanlɛ kofie mɔɔ zolɛ bɔ evuanlɛ la. Ɔ nloa babonle le kɛ aloa mɔɔ kpu alufuanlɛ nzule la.

Sɔlɔmɔn Edwɛne 5:5

Mendwazole kɛ mebuke me kulovolɛ ne, na me sa anwo alufuanlɛ ne manle me sa telele; menzɔle kɔlɔkɔlɔ ne anu la, me sa mrɛlɛsɛka anwo alufuanlɛ ne telele.

Sɔlɔmɔn Edwɛne 8:5

Nwane a vi fienemgbole ne anu ɛlɛba, mɔɔ ɔ nee ye kulovolɛ bɛdedɛ bɛ sa a? Mendunwuele wɔ wɔ ampolo baka ne abo, ɛleka mɔɔ bɛwole wɔ la. Ɛkɛ ne a mɔɔ wole wɔ la ako hanle ye a.

Ayezaya Buluku ne 43:19

Bɛnlea, melɛyɛ debie fofolɛ; kɛ ɔlɛba ɛ, asoo bɛnnwu ye? Mebakpakye adenle meado fienemgbole nu, na meaye azule meagua ɛsɛlɛ zo.

Gyɛlɛmaya Buluku ne 2:2

“Kɔha kile Gyɛlusalɛmma kɛ Ɛdɛnkɛma se, ‘Mekakye wɔ ngakula nu nɔhalɛlilɛ ne, ɛhulole me kɛ atɔfolɛ raalɛ la, ɛdoale me wɔ fienemgbole ne anu, azɛlɛ mɔɔ bɛtɛduale debie biala zolɛ la azo.

Gyɛlɛmaya Buluku ne 31:2

Menwunle menli mɔɔ andɔ konle nu la anwunvɔne wɔ fienemgbole ne anu, yɛɛ mɔɔ Yizilayɛma kpondɛ ɛnwomenlelielɛ la,

Hozia Buluku ne 9:10

Ɛdɛnkɛma se, “Mɔɔ mekanwu Yizilayɛ la, ɛnee ɔle kɛ vanye ma mɔɔ ɛfifi fienemgbole nu la. Mɔɔ mekanwu bɛ nlenya mɔ la, ɛnee bɛle kɛ feege mɔɔ ɛlɛdumua azo la ma mɔɔ ɛbolo la. Na mɔɔ bɛrale Piyɔ Boka la, bɛdule bɛ nwo bɛmanle bozonle Beeyale ne, na mengyile bɛ bɔkɔɔ kɛ bɛ bozonle ne mɔɔ bɛhulole ye la.

Edwɛkpa ne kɛmɔ Mateyu hɛlɛle la 2:11

Bɛwolole sua ne anu na bɛnwunle kakula ne nee ɔ nli Mɛle, na bɛbutule bɛzonlenle ye. Akee bɛzianyinli bɛ awɔlɛ ne mɔ anu na bɛhyɛle ye ezukoa nvutuke, ɛyɛlɛ, yɛɛ alufuanlɛ.

Mɛla 8:2

Bɛhakye adenle mɔɔ Ɛdɛnkɛma bɛ Nyamenle ne ɛva bɛ ɛlua nu ɛvolɛ abulanla ye anu mɔɔ bɛluolua fienemgbole ne anu la. Ɔyɛle ɛhye kɛ ɔfa yeazɔ bɛ yeanlea yeanwu mɔɔ wɔ bɛ ahonle nu la, saa bɛkɛyɛ mɛlɛbɛnwoaze, bɛkɛli ye mɛla ne mɔ azo anzɛɛ bɛnrɛli zo a.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

Yekile 12:14

Na bɛmanle raalɛ ne kɔleɛ ndɛbalɛ mgbole nwiɔ, amaa yeahola tu ɔvi ɛwɔlɛ ne anwo ɛkɛ yeahɔ ɛsɛlɛ zo lɔ, ɛleka mɔɔ bɛbanlea ye gyɛlɛɛnye ɛvolɛ nsa nee foa la, amaa nane ne angola ɔ nwo zo kɔ bieko.

Yekile 12:6

Raalɛ ne nriandile hɔle ɛsɛlɛ ne azo, ɛleka bie mɔɔ Nyamenle ɛsiezie ɛmaa ye la, ɛkɛ ne yɛɛ ɔbanlea ye gyɛlɛɛnye yeali ye adane kenle apenle ko, ɛya nwiɔ abulasia a (1260).

Yekile 18:13

bɛ ninyɛne evuanlɛ mɔɔ le kɛ kabɛlɛ, dazia, ɛyɛlɛ, alufuanlɛ, yɛɛ sakyeɛ; nwanye, nwole, esamo, yɛɛ hwiiti; nlankɛ nee mboane, mgbɔnwɔ nee konle ehwili, ahanra, yɛɛ menli bɔbɔ, bɛnrɛnwu bie.

Yekile 5:8

Ɔyɛle ɛhye la, tease abɔdeɛ nna ne nee mgbanyima abulanwiɔ nee nna ne mɔ dule guale Boaneralɛ ne agyakɛ anu. Ko biala lɛ ɛto yɛɛ ezukoa nvutuke dwora mɔɔ ɛyɛlɛ evuanlɛ wɔ nu la. Ɛyɛlɛ ɛhye mɔ a le Nyamenle menli ne dahudahu nzɛlɛlɛ ne a.