Sɔlɔmɔn Edwɛne 3:5 - BAEBOLO ANZƐƐ BULUKU NWUANZANWUANZA

⁵ O Gyɛlusalɛm mraalɛ, mese, bɛva weɛlɛ nee ahɛtɛboɛ anwondɛne ne mɔ bɛha ndane kɛ bɛnrɛpele ɛhulolɛ nwo kɔkpula kɛ ɛhulolɛ ne mekɛ kpalɛ kɛdwu la.

Sɔlɔmɔn Edwɛne 3:5 ပူးပေါင်းရင်းမြစ်များ

Sɔlɔmɔn Edwɛne 1:5

Gyɛlusalɛm mraalɛ, mele bile duhuduhu, na me nwo yɛ fɛ, mele duhuduhu kɛ Kidaa ndanlɛ azua, me kɛnlɛma le kɛ Sɔlɔmɔn suakunlu mgbɛnu ndanlɛ.

Sɔlɔmɔn Edwɛne 2:6

O anrɛɛ yeamaa me ti ala ɔ sa bɛne ne azo, na yeava ɔ sa fema yeado me nwo zo.

Sɔlɔmɔn Edwɛne 2:7

O Gyɛlusalɛm mraalɛ, mese, bɛva weɛlɛ nee ahɛtɛboɛ anwondɛne ne mɔ bɛha ndane kɛ bɛnrɛpele ɛhulolɛ nwo, kɔkpula kɛ ɛhulolɛ ne mekɛ kpalɛ kɛdwu la.

Sɔlɔmɔn Edwɛne 2:9

Me kulovolɛ ne le kɛ kɛtɛboɛ, ɔle kɛ weɛlɛ nyinli edonraa. Yemɔ a gyi yɛ bane ne anzi la, ɔlɛnea nvɛnzɛlɛ ne anu, ɔ nye gyi nvɛnzɛlɛ ne anzi neanleɛ ne anu.

Sɔlɔmɔn Edwɛne 5:8

O bɛmɛ Gyɛlusalɛm mraalɛ, mese, saa bɛnwu me kulovolɛ ne a, bɛha bɛhile ye kɛ ye ɛhulolɛ ngome ɛbɔ me anwonyane.

Sɔlɔmɔn Edwɛne 8:4

O Gyɛlusalɛm mraalɛ, mese, bɛmmapele ɛhulolɛ nwo kɔkpula kɛ ɛhulolɛ ne mekɛ kpalɛ kɛdwu la.

Maeka Buluku ne 4:8

Na wɔmɔ Gyɛlusalɛm, boka mɔɔ ɛle tawa, mɔɔ Nyamenle gyinla zolɛ sinza ye menli kɛ mboaneneavolɛ sinza ye nyɛmoa la, wɔ ɛkɛ ne yɛɛ mɔmoane fanwodi ne bazia ara a, na ɛbayɛ maanle ne suakpole.