Sɔlɔmɔn Edwɛne 3:11 - BAEBOLO ANZƐƐ BULUKU NWUANZANWUANZA

¹¹ O Zayɔn mraalɛ, bɛranlea Belemgbunli Sɔlɔmɔn, nee ye belemgbunli kyɛlɛ mɔɔ ɔ nli vale zoale ye kenle ko ne mɔɔ bɛdie ye atɔfolɛ la, kenle ko ne, fɛlɛko nee anyelielɛ yile ye ahonle tɛkɛɛ.

Sɔlɔmɔn Edwɛne 3:11 ပူးပေါင်းရင်းမြစ်များ

Edwɛndolɛ Buluku ne 48:11

Maa Zayɔn Boka zo amra ɛli fɛlɛko! Maa Dwudama anye ɛlie, ɔboalekɛ wɔ ndɛnebualɛ ne mɔ le fɔɔnwo.

Edwɛndolɛ Buluku ne 9:14

amaa meadwu Gyɛlusalɛm anlenkɛ kpole ne anloa, na meado ayɛlɛyelɛ edwɛne meadia ninyɛne mɔɔ ɛmaa me nye ɛlie la, na me nye alie wɔ ngoanelielɛ ne anwo.

Sɔlɔmɔn Edwɛne 1:5

Gyɛlusalɛm mraalɛ, mele bile duhuduhu, na me nwo yɛ fɛ, mele duhuduhu kɛ Kidaa ndanlɛ azua, me kɛnlɛma le kɛ Sɔlɔmɔn suakunlu mgbɛnu ndanlɛ.

Sɔlɔmɔn Edwɛne 2:7

O Gyɛlusalɛm mraalɛ, mese, bɛva weɛlɛ nee ahɛtɛboɛ anwondɛne ne mɔ bɛha ndane kɛ bɛnrɛpele ɛhulolɛ nwo, kɔkpula kɛ ɛhulolɛ ne mekɛ kpalɛ kɛdwu la.

Sɔlɔmɔn Edwɛne 7:11

Me kulovokpa, bɛla maa yɛhɔ ɛya ne anu lɔ, na yɛhɔli aledwolɛ ne wɔ namunamu ne mɔ anu.

Sɔlɔmɔn Edwɛne 8:5

Nwane a vi fienemgbole ne anu ɛlɛba, mɔɔ ɔ nee ye kulovolɛ bɛdedɛ bɛ sa a? Mendunwuele wɔ wɔ ampolo baka ne abo, ɛleka mɔɔ bɛwole wɔ la. Ɛkɛ ne a mɔɔ wole wɔ la ako hanle ye a.

Ayezaya Buluku ne 4:4

Mekɛ ne anu Awulae bava ye ɛyelalɛ sunsum ne nee ye ndɛnebualɛ tumi ne abia Gyɛlusalɛmma anwo evinli ne amuala, na yeanrinzi mogya mɔɔ bɛha bɛgua Gyɛlusalɛm la amuala.

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Ayezaya Buluku ne 62:5

Kɛ kakula nrenya si gya belamunli raalɛ la, Zɔhane ala yɛɛ ɛ mra mrenya ne mɔ bagya wɔ a. Na kɛ atɔfolɛ nrenya anye si die ye atɔfolɛ raalɛ nwo la, Zɔhane ala yɛɛ wɔ Nyamenle ne anye balie ɛ nwo a.

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Gyɛlɛmaya Buluku ne 2:2

“Kɔha kile Gyɛlusalɛmma kɛ Ɛdɛnkɛma se, ‘Mekakye wɔ ngakula nu nɔhalɛlilɛ ne, ɛhulole me kɛ atɔfolɛ raalɛ la, ɛdoale me wɔ fienemgbole ne anu, azɛlɛ mɔɔ bɛtɛduale debie biala zolɛ la azo.

Gyɛlɛmaya Buluku ne 32:41

Me nye balie nwolɛ kɛ menwɔnlea bɛ boɛ, yɛɛ mebava me ahonle muala nee me ɛkɛla muala mearalua bɛ muala ɛke wɔ nɔhalɛlilɛ nu.

Zɛfanaya Buluku ne 3:17

Ɛdɛnkɛma, wɔ Nyamenle ne, nee wɔ de; ɔle katakyie mɔɔ maa ɛdi konim a. Ɔ nye balie ɛ nwo fɛlɛkolilɛ nu, ɔbava ye ɛhulolɛ yeakpɔda wɔ monle; yeava edwɛndolɛ yeamaa ɔ nye alie ɛ nwo,

Edwɛkpa ne kɛmɔ Mateyu hɛlɛle la 12:42

Ndɛnebualɛ Kenle ne, Hyiba maanle nu belemgbunli raalɛ ne badwazo adoa bɛmɛ adwuleso amra, ɔboalekɛ ɔvi ye maanle nu wɔ nyiakɛ nehane ɔdiale dedee ɔradiele nrɛlɛbɛ ngilehilelɛ ɔvile Belemgbunli Sɔlɔmɔn ɛkɛ; noko meka meahile bɛ, awie mɔɔ le kpole tɛla Sɔlɔmɔn la wɔ ɛke!

Edwɛkpa ne kɛmɔ Luku hɛlɛle la 15:32

Noko ɔwɔ kɛ yɛdie yɛ nye na yɛdi fɛlɛko ala, ɔboalekɛ, ɛ diema ye, ɔwule, yɛɛ yezia yera ngoane nu bieko a; ɔminlinle, yɛɛ yɛnwu ye a.’ ”

Dw 15:11

“Meha ɛhye mehile bɛ, amaa me fɛlɛkolilɛ adɛnla bɛ nu na bɛdabɛ noko bɛ fɛlɛkolilɛ ne ali munli.

Dw 3:29

Atɔfolɛ nrenya ne a le mɔɔ gya atɔfolɛ ne la, saa atɔfolɛ nrenya ne agɔnwo ne mɔɔ gyi ahane la te atɔfolɛ nrenya ne ane a, ɔ nye die. Me fɛlɛkolilɛ ne, ye munlililɛ kɛ de la ɛne.

Kɔlɔ 1:18

Yemɔ a ɔle ye sonlabaka ne, mɔɔ le Asɔne ne ati a, yemɔ a ɔle debie biala mɔlebɛbo a, yɛɛ yemɔ a ɔle bɛdabɛ mɔɔ bɛdwazole bɛ bɛvile ewule nu la kpanyinli a, amaa debie biala anu yealumua.

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

Kɛlata mɔɔ bɛhɛlɛle bɛhɔmanle Hibuluma la 2:9

Na yɛnwu Gyisɛse mɔɔ mekɛ ekyi bie anu ɔdaye noko bɛyɛle ye ekyi bɛdɛlale Nyamenle soanvolɛma la, kɛ bɛwula ye anyunlunyia na bɛdi ye eni wɔ nyane ewule mɔɔ ɔwule la ati. Nyamenle luale ɔdaye ye ɛlolɛ zo yɛɛ ɔmanle ɔwule wɔ awie biala ati a.

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 19:12

Ɔ nye ma le kɛ senle tafinlima, na ɔbɔ abɔtile dɔɔnwo. Bɛhɛlɛ duma bie wɔ ɔ nwo, na awie biala ɛnze duma holɛ ko ne kɛ ɔdaye ɔ ngomekye ala.

Yekile 19:7

Bɛmaa yɛ nye ɛlie na yɛli fɛlɛko; bɛmaa yɛyeyɛ ye kɛ ɔle kpole! Ɔluakɛ Boaneralɛ ne atɔfolɛlielɛ mekɛ ne ɛdwu, na ye atɔfolɛ nrenya ne ɛziezie ɔ nwo ɛwie.