Sɔlɔmɔn Edwɛne 2:8 - BAEBOLO ANZƐƐ BULUKU NWUANZANWUANZA

⁸ Mete me kulovolɛ ne ane! Ɔvi awoka ne mɔ azo ɔlɛnriandi, yeawuluwulu awoka mgbole nee ngyikyi zo yeara.

Sɔlɔmɔn Edwɛne 2:8 ပူးပေါင်းရင်းမြစ်များ

2 Sam 6:16

Mɔɔ Ɛdɛnkɛma Ngyekyeleɛ Ɛlɛka ne dwule Devidi Suakpole zo la, Sɔɔlo ara raalɛ Maekale wulale ɔ ti nvɛnzɛlɛ ne anu nleanle. Ɔnwunle kɛ Belemgbunli Devidi ɛlɛdi wulupe si agole wɔ Ɛdɛnkɛma anyunlu; ye adwenle zɛkyele Devidi anwo na ye ahonle yele ye bɔkɔɔ.

Sɔlɔmɔn Edwɛne 2:17

Sia ɛ nzi, me kulovokpa, maa ɛ nwo ɛyɛ ndɛ kɛ Bitɛ awoka zo kɛtɛboɛ anzɛɛ weɛlɛ, kolaa na mangyee ne azi, na maanle nu atete.

Sɔlɔmɔn Edwɛne 4:16

Dwazo! O Sɔlɔ Anwoma, O Nyiakɛ Anwoma, bɔ bɛla! Bɔ me tola ye anu maa nuhua evuanlɛ ne ɛdwu moa. Maa me kulovolɛ ne ɛrɛla ye tola ye anu, ɛrali nuhua ma fɛlɛko ne mɔ.

Sɔlɔmɔn Edwɛne 5:2

Mɔɔ menlale la ɛnee me ahonle ɛlɛsi. Tie, me kulovolɛ ne ɛlɛbɔ me anlenkɛ nu! Buke anlenkɛ ne, me diema raalɛ, me abubule, me kulovolɛ mɔɔ di munli, ɛbɔlɛ ɛdɔ me ti zo, na me ti enrinli ɛloa tɔfɔɔ.

Ayezaya Buluku ne 35:6

Abuburama bawuluwulu kɛ ahɛtɛboɛ, yɛɛ mumulema bava anyelielɛ ado edwɛne. Ɔluakɛ azule bavinde fienemgbole ne mɔ anu, yɛɛ azudenle baze ɛsɛlɛ zo.

Ayezaya Buluku ne 44:23

O anwumaneamra, bɛdo edwɛne, ɔluakɛ Ɛdɛnkɛma a ɛyɛ a; O azɛlɛ buma ne mɔ, bɛdea nu; O awoka, bɛdo edwɛne, O kpɔkɛ, nee nuhua mbaka kɔsɔɔti, bɛdo edwɛne! Ɔluakɛ Ɛdɛnkɛma ɛkpɔne Gyekɔbo abo zo amra, na bɛbawula ye anyunlunyia wɔ Yizilayɛ.

Ayezaya Buluku ne 52:7

Ahenle ne mɔɔ lua awoka ne mɔ azo lɔ, mɔɔ lɛ nrɛlaleɛ kpalɛ ɛlɛba la ɛralɛ nu le kɛnlɛma, ɔbɔ anzonudwolɛ nolo, na ɔlɛ nrɛlaleɛ kɛnlɛma kpalɛ, ɔbɔ ngoanelielɛ nolo, na ɔka ɔkile Zayɔn kɛ, “Wɔ Nyamenle ne di belemgbunli.”

Gyɛlɛmaya Buluku ne 48:27

Mowabema, asoo tɛ bɛmɛ a bɛzelele Yizilayɛma la? Asoo Yizilayɛma wuale debie la ati a mekɛ biala mɔɔ bɛkɛbɔ Yizilayɛma duma la bɛkɔsɔ bɛ ti a?

Edwɛkpa ne kɛmɔ Luku hɛlɛle la 6:23

Saa ɔba ye zɔhane a, bɛli fɛlɛko, bɛzi agole, na bɛmaa bɛ nye ɛlie, ɔboalekɛ Nyamenle ɛva nwolɛ ahatualɛ kpole bie ɛzie bɛ wɔ anwuma. Ɔluakɛ kɛ bɛ nlenya mɔ yɛle Nyamenle kpɔmanvolɛma mɔɔ lumua la ɛne.

Dw 10:27

Me mboane ne tie me ne; meze bɛ, yɛɛ bɛtoa me bo zo.

Dw 3:29

Atɔfolɛ nrenya ne a le mɔɔ gya atɔfolɛ ne la, saa atɔfolɛ nrenya ne agɔnwo ne mɔɔ gyi ahane la te atɔfolɛ nrenya ne ane a, ɔ nye die. Me fɛlɛkolilɛ ne, ye munlililɛ kɛ de la ɛne.

Ɛzoanvolɛma Gyima ne 14:10

na ɔdeanle nu ɔzele ye kɛ, “Dwazo gyinla!” Nrenya ne wulule gyinlanle na ɔbɔle ɔ bo kɛ ɔtia.

Ɛzoanvolɛma Gyima ne 3:8

ɔwulule ɔpenle na ɔbɔle ɔ bo kɛ ɔtia. Ɔ nee bɛ hɔle Ɛzonlenlɛ Sua ne anu, na ɔwuluwulule ɔyele Nyamenle ayɛlɛ.

Yekile 3:20

Tie, megyi anlenkɛ ne anzi melɛbɔ nu; mɔɔ kɛde me ne na ɔkɛdukue me la, mebara ye ɛkɛ na me nee ye arado ɛsalɛ, na ɔdaye noko ɔ nee me ado ɛsalɛ.