Sɔlɔmɔn Edwɛne 2:5 - BAEBOLO ANZƐƐ BULUKU NWUANZANWUANZA

⁵ Maa me vanye ma welera maa ɔmaa me anwosesebɛ, na maa me ampolo maa ɔmaa me anwosesebɛ fofolɛ, ɔluakɛ ɛhulolɛ ngome ɛmaa me nwo ɛdo me.

Sɔlɔmɔn Edwɛne 2:5 ပူးပေါင်းရင်းမြစ်များ

2 Sam 6:19

Na ɔvale ahyɛlɛ ninyɛne ɔmanle Yizilayɛma kɔsɔɔti, mraalɛ nee mrenya. Ɔmanle awie biala kpanwo ko, nane ndondo sinli nee vanye ma welera ndɛlamoa ko. Akee awie biala hɔle sua nu.

1 Edk 16:3

na ɔhyɛle aleɛ ɔmanle bɛ muala, ɔmanle Yizilayɛ raalɛ ko nee nrenya ko biala kpanwo kunguma ko, nane ndondo ekyi, yɛɛ vanye ma welera.

Edwɛndolɛ Buluku ne 63:8

Me ɛkɛla beta wɔ kyengye; ɛ sa fema ne lɛ me nu.

Sɔlɔmɔn Edwɛne 5:8

O bɛmɛ Gyɛlusalɛm mraalɛ, mese, saa bɛnwu me kulovolɛ ne a, bɛha bɛhile ye kɛ ye ɛhulolɛ ngome ɛbɔ me anwonyane.

Sɔlɔmɔn Edwɛne 7:8

Mebavo arɛlɛ ne na meazɔ ye mrɛlakɛ ne mɔ anu. O, anrɛɛ wɔ mgbokua ayɛ kɛ vanye aziakɛ, na wɔ ɛnwomenle evuanlɛ ɛyɛ kɛ ampolo,

Hozia Buluku ne 3:1

Ɛdɛnkɛma zele me kɛ, “Kɔ bieko na kɔhulo awuvolɛ raalɛ mɔɔ ɛlɛto awuvolɛvalɛ mɛla ne na ye kulovolɛ ne le nrenya mɔɔ gya raalɛ la. Kulo ye kɛmɔ kɛkala medame Ɛdɛnkɛma mesi mekulo Yizilayɛma mɔɔ kakyi bɛ nwo kɔ nyamenle gyɛne gyɛne anwo, na bɛkulo vanye mra la.”

Edwɛkpa ne kɛmɔ Luku hɛlɛle la 24:32

Na bɛhanle bɛhilele bɛ nwo ngoko kɛ, “Mekɛ mɔɔ ɔlɛtendɛ wɔ adenle ne anu na ɔlɛkilehile yɛ Nyamenle Edwɛkɛ ne anu la ɛnee ɔle kɛ asɛɛ bɛwuda senle yɛ ahonle nu la.”

Pɔɔlo Kɛlata mɔɔ ɔhɛlɛle ɔhɔmanle Felepaema la 1:23

Megyi ninyɛne nwiɔ avinli. Me kunlu a anrɛɛ mevi ewiade ɛhye anu na me nee Kelaese ɛhɔdɛnla, ɛhye le debie kpalɛ totohyia.