Sɔlɔmɔn Edwɛne 2:3 - BAEBOLO ANZƐƐ BULUKU NWUANZANWUANZA

³ Saa me kulovolɛ gyi mgbavolɛ avinli a, ɔle kɛ ampolo baka gyi ɛbɔ nu mbaka avinli. Me nye die ye alubo ne anu ɛdɛnlanlɛ, yɛɛ ye ma ne yɛ me fɛ.

Sɔlɔmɔn Edwɛne 2:3 ပူးပေါင်းရင်းမြစ်များ

Edwɛndolɛ Buluku ne 45:2

Ɛ nwo yɛ fɛ tɛla mgbavolɛ kɔsɔɔti, ɛlolɛ ɛyi wɔ ɛdendɛlɛ tɛkɛɛ, yemɔti Nyamenle ɛyila wɔ dahuu.

Edwɛndolɛ Buluku ne 45:3

Fa wɔ dadeɛ ne kenda ɛ bo anwo, O katakyie, wɔ wɔ anyunlunyia nee wɔ belemgbunlililɛ nu.

Edwɛndolɛ Buluku ne 57:1

Nwu me anwunvɔne, O Nyamenle, nwu me anwunvɔne, ɔluakɛ wɔ nuhua yɛɛ me ɛkɛla nriandi fea a; mebanriandi mearavea ɛ ndɛba abo, kɔkpula kɛ ahumu mgbole ne mɔ kɛgua la.

Edwɛndolɛ Buluku ne 89:6

Nwane a wɔ anwuma lɔ mɔɔ nee Ɛdɛnkɛma sɛ a? Nwane a wɔ anwuma amra anu mɔɔ nee Ɛdɛnkɛma sɛ a?

Edwɛndolɛ Buluku ne 91:1

Sonla mɔɔ vea Anwuma Anwumanli ne anu, na ɔde Tumivolɛ ne tumi ne abo la,

Sɔlɔmɔn Edwɛne 1:16

Nea, ɛ nwo yɛ fɛ kpole, me kulovolɛ; nɔhalɛ nu, ɛmaa me nye die kpole! Yɛ ɛkpa mɔɔ yɛda zo la le asuomenle.

Sɔlɔmɔn Edwɛne 2:5

Maa me vanye ma welera maa ɔmaa me anwosesebɛ, na maa me ampolo maa ɔmaa me anwosesebɛ fofolɛ, ɔluakɛ ɛhulolɛ ngome ɛmaa me nwo ɛdo me.

Sɔlɔmɔn Edwɛne 4:13

Nuhua mbaka le kɛ akutue, bɛle ngɛnlɛma, bɛ ma yɛ fɛ, mbaka evuanlɛ hɛna nee naade,

Sɔlɔmɔn Edwɛne 4:16

Dwazo! O Sɔlɔ Anwoma, O Nyiakɛ Anwoma, bɔ bɛla! Bɔ me tola ye anu maa nuhua evuanlɛ ne ɛdwu moa. Maa me kulovolɛ ne ɛrɛla ye tola ye anu, ɛrali nuhua ma fɛlɛko ne mɔ.

Sɔlɔmɔn Edwɛne 5:16

Ye ɛdendɛlɛ yɛ fɛ kpole, ye debie biala twe ahonle. Me kulovolɛ ne nee me gɔnwo ne kɛ de la ɛne, O Gyɛlusalɛm mraalɛ.

Sɔlɔmɔn Edwɛne 7:13

Mandileki ne mɔ evuanlɛ ba, ma fɛlɛko, dɛba nee fofolɛ kɔsɔɔti wɔ yɛ sua nu ɛke. O me kulovokpa, meva ɛhye mɔ kɔsɔɔti mezie wɔ.

Sɔlɔmɔn Edwɛne 8:11

Sɔlɔmɔn lɛ vanye egyinli wɔ Beeyale Heemɔn. Ɔfa egyinli ne ɔmaa menli kɛ bɛnlea zo; ko biala fa ma ne anu ezukoa dwɛtɛ fufule apenle ko babu mgbonda maa ye.

Sɔlɔmɔn Edwɛne 8:12

Melɛ me vanye egyinli, me ti anwo vanye egyinli. O wɔmɔ Sɔlɔmɔn, ɛnyia dwɛtɛ fufule apenle ko a, menli mɔɔ nea ɛya ne la biala nyia ɛya nwiɔ.

Sɔlɔmɔn Edwɛne 8:5

Nwane a vi fienemgbole ne anu ɛlɛba, mɔɔ ɔ nee ye kulovolɛ bɛdedɛ bɛ sa a? Mendunwuele wɔ wɔ ampolo baka ne abo, ɛleka mɔɔ bɛwole wɔ la. Ɛkɛ ne a mɔɔ wole wɔ la ako hanle ye a.

Ayezaya Buluku ne 25:4

Ɔluakɛ wɔyɛ ɛvealeka kpundii wɔmaa ehyianvolɛma, ɛvealeka kpundii wɔmaa bɛdabɛ mɔɔ bɛhyia la wɔ bɛ amaneɛnwunlɛ mekɛ nu; wɔyɛ enyinlike wɔwowa bɛ wɔ ahumu nee ewia samɛnlankɛ nu; ɔluakɛ atisesebɛma ɛtetalɛ ne le kɛ ahumu mɔɔ ɛlɛtia bane la;

Ayezaya Buluku ne 32:2

Bɛ nuhua ko biala bayɛ kɛ ɛvealeka, bodane bɔne mɔɔ bɛfea nu wɔ anwoma anzɛɛ ahumudulɛ kpole nu la. Bɛbayɛ kɛ azudenle wɔ ɛleka mɔɔ le resee, bodane kpole bie alubo wɔ azɛlɛ mɔɔ mbaka ɛnle zo la azo.

Ayezaya Buluku ne 4:2

Mekɛ ne anu Ɛdɛnkɛma mbaka ne mɔ ngane bayɛ mgbole ngɛnlɛma. Yizilayɛma mɔɔ baha la anye balie mbaka ne nee bɛ nzoleɛ ne mɔ anwo.

Ayezaya Buluku ne 4:6

Ɔbayɛ alubo yeamaa bɛ alehyenlɛ nu na bɛande wuluwulu ne, yɛɛ ɔbayɛ ɛvealeka nee ebuo wɔ ezule nee ahumu mekɛ nu.

Yizikeɛle Buluku ne 47:12

Mbaka ngakyile dɔɔnwo bafifi azule ne anloa foa ko nee foa ko mɔɔ bɛ nzoleɛ bayɛ aleɛ bɛdi a. Bɛ nya ɛnrɛnwoso yɛɛ bɛ nzoleɛ ɛnrɛpe. Siane biala bɛbazo ma fofolɛ, ɔboalekɛ bɛ bo nzule ne vi Ɛzonlenlɛ Sua ne anu a senze ba a. Bɛbali bɛ nzoleɛ na bɛava bɛ nya ne bɛayɛ ayile.”

Dwowɛle Buluku ne 1:12

Vanye mbaka ne mɔ ɛwu, feege mbaka ne mɔ ɛdwɔlɔdwɔlɔ. Ma mɔɔ le kɛ akutue, mrɛlɛ nee ampolo, ɛbɔ nu mbaka kɔsɔɔti ɛwie wu. Menli anyelielɛ ɛwie.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Maanlebuvolɛma Buluku ne 9:15

Na mbowule baka zele mbaka ne mɔ kɛ, ‘Saa nɔhalɛ nu, bɛ kunlu fufule nwohyee, bɛkulo kɛ medi bɛ belemgbunli a, ɛnee bɛravea me alubo ye anu; saa bɛanyɛ ye zɔhane a, senle vi me mbowule ye anu bazɔ ayela Lɛbanɔn sida mbaka kɔsɔɔti.’